بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : قد قيل وما آفة الأخبار إلا رواتها وهذه القصيدة قد تغنت بها الركبان وقيل ظلما بأنها فلكلور أردني ونسبة لعدة أشخاص وقيل أنها لرجل من اّل روق قحطان يقال بأنه اسمه عبدالهادي قالها عندما كانوا اّل روق في شمال الجزيرة وقد يكون هذا سبب تسميتها بالفلكلور الأردني
عديت في مرقب ٍ والليل ممسينـي=بديار غرب ٍ لعل السيـل مـا جاهـا
أضحك مع اللي ضحك والهم طاويني=طية شنون العرب لا قطـروا ماهـا
وراك ما تزعجين الدمـع يا عينـي=على هنوف ٍ جديد اللبـس يزهاهـا
هبت هبوب الشمال وبردها شينـيِ=ما تدفي النـار لـو حنـا شعمناهـا
ما يدفي إلا حشا مريوشة العينـي=وإلى عطشنا شربنـا مـن ثناياهـا
يا شبه وضحى فتـاة ٍ دلهـا زينـيِ=داجت على عقلة ٍ والورد ما جاهـا
يا عل من شار بالفرقى عمى العينـيِ=مخباط صمعا جليل الفخـذ يشظاهـا
جعله حسير ٍ كسير وراكبـه دينـي=وأتلى حلالـه ذلـول ٍ راح يطلاهـا
ومنها بيت يقول :
ياليتنا ما غزينا يالقحاطيني =بديار كفر لعل السيل ما جاها
ومما قاله الرواه :
قيل أن قائل هذه الأبيات هو ( الدجيما ) وهو من أفراد قبيلة الثعالية من العضيان من الروقه من قبيلة عتيبه . ووجدت القصيدة منسوبة للشاعر / عبدالهادي بن سعيد بن ثعلي الروقي العتيبي ويقال إنها لشاعر من العجمان . وزاد الشك بأنها لضويحي الهرشاني ويوجد فيها أختلاف ويقول ضويحي الهرشاني :
عديت في مرقب ٍ والليل ممسينـي=بديار غرب ٍ لعل السيـل مـا جاهـا
أضحك مع اللي ضحك والهم طاويني=طية شنون العرب لا قطـروا ماهـا
وراك ما تزعجين الدمـع يا عينـي=على هنوف ٍ جديد اللبـس يزهاهـا
هبت هبوب الشمال وبردها شينـيِ=ما تدفي النـار لـو حنـا شعمناهـا
يا جعل من حيره يعطي عمى العينـي=تالي حلالـه رحـول بـس يطلاهـا
يا طير يا طيـر يا رفـض الجناحينـي=ياللي بروس الهضاب الشقر مجناها
عينت لي بأسفـل الديـرة وليفينـي=واحد تحـودر والاّخـر زاد يقفاهـا
واحد لطيف الحشا مبيسمـه زينـي=والثاني اللي يجـر القلـب بعراهـا
أيضا ذكر كتاب ديوان الأكابر أن القصيدة للشاعر المطيري / عبدالله القريفة وذكر آخرون أنها للشاعر / الغنامي وذكر اّخرون أنها لدخيل الله الدجيما العضياني وقيل إنها للشاعر ( عبدالهادي آل سهل ) رحمه الله . ويستشهدون في ذلك بتشابه الأسلوب في النظم . وأنه عاش سنين طوال في شمال الجزيرة العربية مما جعل أهل الشمال يحفضون الكثير من قصائده . وقيل إنها للشاعر / فهد بن عسكر اّل سكبان اّل ضاعن العجمي وأولاده وأحفاده يثبتون الشي هذا من كلامهم ومحتفظين بالقصيدة . ولكن القول الأقوى إنها للشاعر / عبد الهادي بن سعيد بن ثعلي الروقي ومما يستشهد به على صحة نسبها لا بن ثعلي أنه شارك في عدة حروب مع الدولة العثمانية في أواخرها . ويستشهد على ذلك أنه وصل تركيا يوم يقول :
يا هني ...... عن البرد في دار =ما ذاقت الغربه وبرد الشمالـي
ما حاربت روما عليهم كمنـدار=طوال الشوارب داقمين السبالي
منقول بتصرف يسير وأنتم سالمون وغانمون والسلام .
غير متصل
