شعر معنى ونريد رد معنى فقط

[الشاهق]

يامرحبا يا مرحبا واعداد ما لاحت بروق
في منتدى السبعان والسبعان عال شانها
في مسجد الحاره يروح الشيخ ويجيك السروق
وانا نطالع فالجرايد وش يقول السانها

[حوت البحور]

دام البقا والعلم مثل النور في وقت الشروق=أقولها ساعة قريت الصفحه وعنوانها
حقوق الطبع محفوظه عند الرجال أهل الحقوق=يوم ان سجل شكسبير أسمه على ديوانها

[الشاهق]

ابا انشدك عن شيخ شيخه والدقن شبه امحلوق
ما باقي الا شعرتن وحده على ديانها
ياصاحبي يا صاحبي لو دونها مسك الحلوق
مير اطبعي يامطبعه والنشر قدم اعيانها

[خيَّال الغلباء]

الشاهق وحوت البحور جعلكم على القوة

[ماجد الشماسي]

الله الله

صح الله الستكم

[حوت البحور]

الشيخ تعكس صورته وجه المرايا يامخلوق=لا تتهم الي يازن الهرجه على ميزانها
عسى التعب مخلوف لابان الكذوب امن الصدوق=على سلم هبوب الريح شيتوا بنيانها

[الشاهق]

اشوف منطقك العقل وانته على العذرى سبوق
لا واهني من هو تضمه ضمتن باحضانها
العام وانته صاحبي واليوم خايف لا تبوق
مير السفينه يا ولد لا يختلف ربانها

[حوت البحور]

أقول ماعليكم زود والعذرى لهامعشوق=الفارس الي يعسف المهره على ميدانها
العام والا اليوم نفس الشى والوضع أمخنوق=من يقطع أزراره ويلبس العذرى فستانها

[الشاهق]

حوت البحر جاله ظهر جاله بطن جاله شدوق
وام الكباير خمته خمه على ذرعانها
لابد مازان الوضع تروق ولا ما تروق
مادام حبتها تعود من على نيشانها

معليش لتاخير ما انتبهت لها
تحياتي

[حوت البحور]

ياطير ابن برمان أشوف الجدر به 9 خروق=يالباشاه الي جيت شيخ الديره وعميانها
ماودنا نغسل شراع الشيخ وتزيد الشقوق=وتضحك عليك الناس عاقله ومع خبلانها