ياوليّدي قل لسبيع .. ( بخصوص بدر بن خرفاش السبيعي ) ضروري ...... !!
كُتب : [ 02 - 01 - 2008 ]
يا وليّدي قل لسبيع ياسبيع .... ( بخصوص بدر بن خرفاش السبيعي ) ضروري !!!
السلام عليكم , أخوتي أبناء قبيلة سبيع .
أبوي - طول الله بعمره - من يوم طلعت على الدنيا وهو مايعرف إلا ثلاثة أشياء ( المسجد - المشب - ذود البعارين ) .. يعني حياته كلها من مسجد للمشب للبعارين , من البعارين للمشب للمسجد ..
ومتى ما طراه طاري .. قام يهيجن ويردد اشعار قديمه !!
يموووووووووووت في شيء أسمه شعر ..
مرة كنت حاب أتميلح قدامه ركب معي بالسيارة وشغلت له شريط - لحامد زيد - قالي : والله إن ماسكرت المسجل لأكسره فووق راسك <<< أبوووووووي ما يحب حركات حب ورومانسية وغرام
المهم كنت أقنع فيه يتابع ( برنامج المليون ) ويجي يطااااااااااالع البرنامج بحلقة لشاعر - ماني ذاكر اسمه - فحامت كبده قال ينعاف الشعر لا صاروا ذولا طراقه .. جاء عنده أبو صويلح - جارنا - وكلمه عن البرنامج : فشغلت لهم القناة حقت البرنامج ... وصدفه طلع علينا الشاب ( بدر بن خرفاش السبيعي )
المهم .. الوالد لازم يذب كلمتين على الطاري فقال : ماشلناها مع خرابيط الكبار نشيلها من صغارهم :) < حار مايصبر
يووووووووووووم سمع القصيدة كاملة .... ما رضى أنه يسحب كلمته اللي قالها
فجلس وفكر وقال : يعني مقبول أزين من خرابيط حبني وأحبك
طبعا الوالد ما يدري وش سالفة البرنامج ولا طريقته بسسسسسسسسسسس يموت هو بالشعر الشعبي
يوووووم سمع القصيدة مرة ثانية ... الحين تصدقون يطلع من المشب (الملحق) ويترك التلفزيون يززززززعر (ماأدري كيف أشرح لكم هالجملة بس معناتها أنووووه .. اكيد فهمتوها .. أجل ما يلزم أشرحها :) ) وكل الجيران يسمعون صوت التلفزيون .
أبووو صوويلح جارنا هو المذن يقول والله العظيم أحيانا أقوم من أزعااااااااااااااااااااج هالتلفزيون ياناس شيلوه عن شايبكم !
والوالد يقول كلها بسبة : بن خرفاش السبيعي ( معجبة شعره وطريقته )
والحين ... كل ما جاء طاري قال أنغز ( أضغط ) لي على السبعان ( الوالد الله يحفظه يحسب الانترنت مثل الاذاعة ) وقلهم : يعطووننا كل قصاااااااااااااااااااااااااااااااااااايد هالولد
ماشاء الله تبارك الله .... وأنا ما أفهم بس الولد بين أنه فاااااااااااااهم بالشعر
وأنا الحين أبيكم تساعدوني على مطالب الوالد ( هو يقول ابي كل القصايد جبها من الانترتت << ثلاث تاءات
وآخر كلمة قالها الوالد عن بدر بن خرفاش السبيعي : قال سبيع أجاويد وأظن أن هالولد إذا استمر على طريقته راح يذكرونه سبيع مثل ما يذكر العتبان خلف بن هذال !!!
==
مرة قلت للوالد : يبه ترى صرت شاعر .. قال أنت أعرف أهرج مثل الناس عشان تعرف تقول شعر << ناس ما تقدر المواهب .
رد : ياوليّدي قل لسبيع .. ( بخصوص بدر بن خرفاش السبيعي ) ضروري ...... !!
كُتب : [ 04 - 01 - 2008 ]
أخوي نبع الجود ... كلنا مثلك نحب نعرف عن بدر بن خرفاش كل شيء
وأنا أجزم أنه عايش ببئية مثل ما قالت اللجنة ( بيئة مرجلة وبيئة نظيفة ) وأكيد لبدر جلسات مع الشيبان وسهرات لأن هذا وااااااااااااااااضح بقوة عليه حتى بطريقة كلامه ..
الله يحفظه ويخليه لعينـ(ن) ترجيه ..
وبدر يستاهل والله
وياحبني لك يا بعدي .. وأبشر ببلغ سلامي للشايب ودعوة فوقها :)
===
المغترب ... فديت هالرأس تسسسسسسسسسسسسسسسسسلم والله ..
وإذا كان فيه جديد بعد ... فلا تحرمنا منه
=================
أنا عندي أقتراح وش رايكم فيه لو يعرض على إدارة المنتدى وهو أنه بعد المسابقة ما تنتهي يقابلون بالمنتدى مع الشعراء السبعان .. واحد بعد الثاني
أهم شيء يصير بدر أول واااااااااااااااااااااااااااااااااحد :)
عشان نأخذ العلووووووووووم منهم ونستانس معهم وبسماع جديدهم خاصة وأن الاستاذ خالد الشماسي يقول : ان بعض الشعراء المشاركين بشاعر المليون هم أعضاء بالمنتدى ...
غير متصل
<<< أبوووووووي ما يحب حركات حب ورومانسية وغرام 
) وقلهم : يعطووننا كل قصاااااااااااااااااااااااااااااااااااايد هالولد 
<< ناس ما تقدر المواهب .
