قصيدة الحكمة للشاعر مسلط بن عبدالله الجهمي السبيعي

[أبـــو ســعــود]

يقول الشاعر مسلط بن عبدالله بن مسلط الجهمي السبيعي هذه القصيدة وموضوعها الحكمة :

شاعر واميز في كلام الشواعيـــــر = عندي على نظم القوافــــي جــــــروه
واصخر القيفان بالوزن تصخــــير = لاخربطو فيها قـــــــلال المـــــروه
اللي تعوج الشعر مثل البواكيـــر = يبون دربه مير مــاهــــــوب هــــوه
ناسن تسوقه بالعصا كنه ابعيــر = والا يــــشيلون اسفله في عــلــــــوه
تسلفو من الاكلــبي يالمعاسيـر = اللي يصـــــون الشعر ويشب ضــــــوه
مايبتلـــش فالوارده والمصـاديـر = بـــــــــينه وبين الشعر مثل العنــــوه
يقطف زهـر من زايفـــات النووايــر = ويرسم على معنا وزنـــــن وقــــــــــوه
ويطلعه لو كان تحـــــت الاظافيــر = ويـــسمحه لا خـــلبصه كـــــل لـــوه
لو حيت جزل الهرج يعذلــــي اطـير = واليل له لو كـــان عنـــدي قســـــــوه
الشعر مثل الـــــزرع بــه بر وشعير = والفرق واضـــح مــــن عصورالنبـــوه
الشعر يدعي لبن جــــدلان بــــالخيــر = مــــن بــــينهم صحبه وعهده وخـــــوه
والهاجري يبدي بــــــروس المســابيـر = اللـي بجــــزلات المعانـــــي مفـــــوه
يصرف ذهب مهوب يصرف قصادير = يفرح به اصحابه ويغضـــب عـــــدوه
ياخذ ورا شرد القـــوافي مشـــــاويــــر = وينقر لهــن باصــــوت مثــــل المـدوه
ولا لي وراهم قصد ولا مضاهير = و أعرفهم ألا بالنبأ والسموه
لكن جزل الهرج خلاني أغير = مثل الحيا كلن يشوف نوه
و لا أقول في باقي الشواعير تقصير = أخاف منهم لايجيني زروه
المعذره من إلي يعرف المعاذير = ومالي ومال إلي عليهم غبوه
وصلاة ربي عد ماغرد الطير = علي رسولن خذ وسام النبوه

[خالد الشماسي]

صح لسان الشاعر الكبير مسلط بن عبدالله بن مسلط الجهمي

وصدق الشعر مدرسته عند سعد بن جدلان

تحياتي لك