قصيدة مهداه ل محمد بن عبدالله بن فيحان ابو اثنين (والنعم)

[بدر الرياض]

يا راكب اللي يوم يقفي مع البيــــد = كنة طخاف مقتفية البـــــــــــرادي
يزمي على البيداءمثل شامخ الحـيد = عجة خلافةوالطريق متقـــــــــادي
وان قلت كنة من يبي فكة القيــــد = قلت اشقر فية المواري تنــــــادي
حر مواري ندرتة بالتفانيـــــــــــــد = متفهق الجنحان جبر الثنـــــــادي
ما فية ماتخفية والا مناقيــــــــــــد = غير العناد وغير تل القيـــــــــادي
علية نقش الريش مثل المباريـــــــــد = والا لدقات المجالد يشـــــــــــادي
تنشد المواسي فية وصف المجاريد = والكف راهي والصوايد حــــــدادي
والعاتق ارهى فوق بيض مسانيــد = طولة على دق الشقار متمــــــــادي
والعين فيها من حدمها تواقيـــــد = نار يشطرها الهوى فالســـــــوداي
لافرعة راعية في حروة الصيــــــد = يبري جروحة في ليالي الهـــــدادي
هذا وخل الجيب يعط التخاديـــــــد = نصة مواكير الفخر والعنـــــــــــادي
نصة لدار الشامخين الاماجيـــــــــد = دار الشيوخ مسنعة كل غــــــــــادي
دار الشيوخ اهل الثناء والتمــاجيد = آل الثنين مطوعين المعـــــــــــــادي
اللي لهم في الطيب سلـم تقاليـــد = ماحدهم عن نوف الامجاد حــــــادي
غاراتهم ترهي على الضــد وتزيد = يوم الحرايب واشتعال الطــــــــرادي
لين العقاب اضفى عليها التمـاديد = من ضلع يام ليا خبوت الحمــــــــادي
عبدالعزيز موحد الدار توحيــــــــد = عوق الخصيم اللي على الكل سـادي
يوم المغامد جافيتها المغامـيـــــد = وايمانهم من دم ضدة منـــــــــــادي
في رايتة حماية الروس والعيـــــد = ياما اتعبو يم الحريب الجيــــــــــادي
واضافوا الامجاد شيوخ واتاليـــد = لين اعتلوا بالطيب روس المبــــــادي
امجاد تبني للأمجاد وتشيـــــــــد = تاريخهم في مرقب العز بـــــــــادي
وسلومهم فيها بعيد وتباعيـــــــد = على الحمايل حضرها والبــــــــوادي
الضيف يومن الليالي سراميـــــــد = هم نور عينة عقب مس الجــــــــهادي
وبيوتهم للجار تشدي ضحى العيد = في ضفهم يرعى الطنف والجــدادي
فيما مضى واليوم صيد بأثر صـيد = هنادي ترث فخرها الهنـــــــــــادي
منهم محمد شوق منتوقة الجيــــد = النادر اللي مال راسة مــــــــــلادي
محمد ذخر فيحان نمر الأواليـــــد = راس ظهر من راس راع الشـــــــدادي
حر ليا ارقب مال طلعة تحاديــــد = ان شاش هام وهمت وان هد صادي
نجام لجام العياب المعانيـــــــــد = غير المعالي مال راسة قنــــــــادي
كيزوم زيزوم العيال الصناديــــد = بالفعل قبل القول وفــــا وزادي
ماقلتها من شان قصد ومقاصيـد = الا الصحيح وكلمة في فـــوادي

القصبدة منقولة . . .

[بدر الرياض]

معقولة مافي ردود

[ماجد المديري]

ونعم بالفياااحين


ونعم بشيخ الشاامخ محمد بن عبدالله أبو ثنين

والشيخ غني عن التعريف هو وخواانه

ويستااهل المدح ,,,,, وتقبلوو مرووري

[ماضي المديري]

وسبعين نعم بالشيخ محمد بن عبدالله أبو ثنين
وال ثنين غنيين عن التعريف ويستاهل الشيخ محمد وخوانه المدح
بدر الرياض لاهنت على النقل
لقد تم تنسيق القصيده

[بدر الرياض]

[color=#330099]مشكور اخ ماضي على التنسيق [/color

[size=3]مشكور اخ شايع الطيب على الرد[/size]

[عبدالله المديري]

ونعم بالشيخ محمد بن عبدالله أبو ثنين
وال ثنين غنيين عن التعريف ويستاهل الشيخ محمد وخوانه المدح الكثير

[بدر الرياض]

[color=#0000CC][size=3]مشكور اخوي عبدالله على الرد[/size][/color]

[بدر الرياض]

up ....

[عبيد ابو شيبه]

قصيده جزله تستحق القراه ومحمد ابو ثنين يستاهل الطيب ويفعله

[جفين الطويرش]

ومليون نعم بالشيخ محمد بن عبدالله الفيحان ال ابوثنين

والقصيده جزله وفي رجلً اجزل مما قيل فيه

وبيض الله وجهك يا بدر الرياض




وتقبل تحياتي