لولا بني ثور ماجا الغرس في الوادي
كلن طمع فيه والثوري وقف دونه
باقي العرب عنه وراد(ن) وشرادي
ساعه يجونه وساعات يخلونه
يوم القبايل على حوقان ورادي
قالو بني ثور والله ماتذوقونه
الخرمه البيت والثوري لها وتادي
يرسون مثل الجبال ماتهزع ركونه
لافرعة لبسوها جوخ(ن)جدادي
وتكحلة في ذراهم كل مزيونه
ياخرمة سبيع الاجرب بسمك ينادي
وبني عمر والقريشات مايخلونه
لاناحرو مثل نون فيه رعادي
يرعد عقابه وتمطر مقدم مزونه
مايمطر الارصاص(ن)روسه حدادي
على كبود العدى سم(ن) يصبونه
لاخير في شايب(ن) للحق جحادي
مثل الكلام الصحيح الي يقولونه
الخرمه محصنه من عهد الاجدادي
من بطش الاقصين مثل العين مصيونه
واليوم مثل العروس بيوم الاعيادي
فخر(ن) لاهلها والاقصى تلطم عيونه
ونعم باهلها ولاكن الثوري البادي
لاقالة اخت الاجرب ثارة جنونه
سموه الاجرب يبيع الروح ويفادي
دون البلد لاوقف ماهتزت متونه
مثل الجمل لاهدر للزمل طرادي
عن دربه الناس والله مايردونه
واليوم فيها سوى في ضل وبرادي
حضر(ن) وبدو جعل بيت العز يبنونه
ماعاد بين القبايل نار و زنادي
الشعب واحد وحوض الشرع يردونه
وعلى محمد نصلي والله الهادي
والله يديم الامن و يقوي حصونه