هيه يعومه بين القريشات والبقوم

[القريشي11]

بسم الله الرحمن الرحيم
السلام عليم ورحمة الله وبركاته

إخواني هذي قصة وقصيدة قديمه للشاعر ( سالم الغزيلي الثوري) يصف فيها هذة الموقعه عندما أخبره رجل من المشاعبه بإنتصار القريشات فيها وهي (موقعة يعومه) بين القريشات والبقوم،

جبل يعومه يقع شامل مدينه رنيه بحوالي 50كم حدثا بالقرب منه عدة معارك بين قبائل سبيع وقحطان وسبيع وعتيبه وسبيع وخاصة القريشات واليقوم ففي أحدى السنين الماضية على زمن حياة الفارس (ثعلي بن حريه أن قبيلة البقوم نزلوا بالقرب من يعايم بدون إذن من سبيع فلما علم القريشات بذلك على رأس الفارس (ثعلي بن حريه) أغاروا على البقوم وحصلت معركة كبيرة قتل فيها الكثير من الطرفين ولكن النصر كان من نصيب القريشات وهذا موثق ودليله قصيدة سالم الغزيلي والقصيدة كما يلي :
[gdwl]

يقول سالم هاضت لحونه ـــــــــــــــــــــــــــــــــــــــــ متمثلن يبدع القيفاني
ليا إنتقتوا وحدة بدلتــــها ـــــــــــــــــــــــــــــــــــــــــ مانيب في بدالها متواني
المشعبي جاني بعلم سرني ـــــــــــــــــــــــــــــــــــــــ وانا منول (ن) طانين وجعاني
طرّا عليــه هية(ن) مــــذكوره ــــــــــــــــــــــــــــــــــــ على يعومه رايح (ن) رناني
بعنا وباعوا وإشترينا وإشتروا ـــــــــــــــــــــــــــــــــ وكلنا بمد (ن) رجح الميزاني
ذوقي ذحاح الموت يا فضيله ـــــــــــــــــــــــــــــــــــ لين الرثيما واجهت عزراني
ياشيت عيني من نهار(ن) جاهم ــــــــــــــــــــــــــــــــ نوه حقوق وسيله الدماني
الأد القريشي سعد منهم ربعه ـــــــــــــــــــــــــــــــــــ أهل مهارن لبسها التوماني
يتلون زيزوم السرايا ثعلي ــــــــــــــــــــــــــــــــــــــ سقم الحريب موسع الحداني
اليا تعلى فوق قبــــاً حايــــل ــــــــــــــــــــــــــــــــــــــ يروي شبات المطرق العطشاني
كله لعنا اللي تهجرع حنينها ـــــــــــــــــــــــــــــــــــ لا ريعت لصــغير الــحيراني
والا عنا اللي تمش دموعها ــــــــــــــــــــــــــــــــــــ من فوق خدن كنه الرماني
والا عنا لكل عذراً جازي ـــــــــــــــــــــــــــــــــــــ طعامها يخرج على الضيفاني
تقول يالظفران من عاداتكم ــــــــــــــــــــــــــــــــــــــ ياهابين الريح يالظفراني
يالله طلبتك يا رقيبن فوقنا ــــــــــــــــــــــــــــــــــــ حسن الخواتم يوم كل شيء فاني
وإن كان زليت فاغفر زلتي ـــــــــــــــــــــــــــــــــ ليا جا نهارن ينصب الميزاني
والله لولـــى شح ربعي عني ــــــــــــــــــــــــــــــــــ وأنا بعيد ن والقدم حفياني
إني لابيع الروح في صيحاتهم ــــــــــــــــــــــــــــــــــ بيع الحراج في سوقه الرناني

[توتي رماح]

والله والف الف نعم يالاد العسيلي ابوكم مطيبكم القبيله الوحيده من سبيع فيها فرسان لايشق لهم غبار والله اني
من المعجبين في علوم القريشات مدام انتم ابناهم تنقلون تاريخهم الناصع بلبياض معليكم خلاف ثق انها والله ليس مجامله ولاكن نحن صغار سن نفتخر بفرساننا امام زملانا في العمل والدراسه لاكن بيض الله وجيهكم لان بعض القبائل لايوجد الي معركه او معركتين ويزعجونا فيها وانتم تعلمون كل شي تقبل احتراماتي القريشي اخوك توتي رماح

[القريشي11]

مرحبا ياتوتي رماح ماعليك زود وربعك القريشات في ساعة الضيق ابشربهم وكلنا تحت ظلال الغلباء سبيع
وفعلنا واحد وناموسنا واحد ولكن نظرا لموقع قبيلة القريشات الجغرافي جعلهم يخوضون الحروب الكبيره والكثيره مع عتيبه وقحطان و البقوم والدواسر بين القبائل المسيطره ولكن من فضل الله كان للقريشات سطوه قويه وكان ذبح فرسان كثر من قحطان وهية الجحر على الدواسر المشهوره الذي قتل فيها اكثر من300 فارس انتقام للغدر بحرباش ابن هملان وهيه اللبانين الذي قتل فبها اكثر 95 خيال بسبب النزول جوس في ديرة القريشات وعتيبه لا احتاج اذكر وش سوينا فيهم يكفي القريشات وسبيع ذبحت عقيد روق وفارسها الاول فاجر شليويح العطاوي
واشكرك على التعقيب ياولد العم

[ابن جمل]

اخي العزيز القريشي
هلابك وبمواضيعك الجميله دايم
نعم القريشات صالت وجالت واصابة واصيبة كل هذا في وقت والجهل واليوم كل القبايل اخوه ونساب
الكثيرمن البقوم اناسبو القريشات والكثير من عتيبه و غيرهم والعكس صحيح جميع القبايل الان اخوه ومحبه والماضي هرج ماضي ذبحو منا الكثير وذبحنا منهم واليوم انتهى كل شي كلنا ربع
وبعضهم عندنا اغلا من بعض الربع
تقبل فايق تقدير اخوك

[القريشي11]

يامرحبا ياابن جمل نورت المتصفح
ولكن لايعني هذا عدم ابراز فعل القبيله بين القبائل وشكرا طال عمرك

[عيار خمسين]

المشاركة الأصلية كتبت بواسطة توتي رماح

والله والف الف نعم يالاد العسيلي ابوكم مطيبكم القبيله الوحيده من سبيع فيها فرسان لايشق لهم غبار والله اني
من المعجبين في علوم القريشات مدام انتم ابناهم تنقلون تاريخهم الناصع بلبياض معليكم خلاف ثق انها والله ليس مجامله ولاكن نحن صغار سن نفتخر بفرساننا امام زملانا في العمل والدراسه لاكن بيض الله وجيهكم لان بعض القبائل لايوجد الي معركه او معركتين ويزعجونا فيها وانتم تعلمون كل شي تقبل احتراماتي القريشي اخوك توتي رماح

صحيح لازم تمدح فيهم ابك ذولا الاد العسيلي ياتوني مدري توتي رماح مدري وش اسمك

[القريشي11]

مرحبا بك عيار خمسين وماعليك زود

[الـلامع]

القريشي11
لاهنت على النقل المميز
واسمح لي بتنسيق وتعديل القصيدة

	يقول سـالم يـوم هاضـت لـحونـه متمثلن يبـدع القيفـاني ليـا إنتقتـوا وحـدة بدلتــــها مانـيب في بدالـها متـواني المشعبي جاني بعـلم سـرني وانا منـول (ن) طانـين وجعـاني طـرّا عليـه هـية(ن) مــــذكوره على يعـومـه رايـح (ن) رنـاني بعنـا وباعـوا وإشترينا وإشتروا وكلنـا بمـد (ن) رجـح الميزاني ذوقي ذحـاح المـوت يا فضيله ليـن الرثيمـا واجهـت عـزراني ياشيب عيني من نهار(ن) جاهم نوه حقوق وسيله الدماني الأدالقريشي سعد منهم ربعـه أهل مهارن لبسها التوماني يتلـون زيـزوم السرايا ثعـلي سقم الحريب موسع الحداني اليـا تعلى فـوق قبــــاً حايـــل يروي شبات المطرق العطشاني كلـه لعنـا اللي تهجرع حنينها لا ريعـت لصــغير الــحيراني والا عنـا اللي تمش دموعهـا من فوق خـدن كنه الرماني والا عنـا لـكل عـذراً جـازي طعامها يخرج على الضيفاني تقول يالظفران من عاداتكم يـاهابيـن الريـح يالظفراني يالله طلبتك يا رقيبن فوقنـا حسن الخواتم يوم كل شيء فاني وإن كـان زليـت فاغفر زلتي ليـا جـا نهـارن ينصب الميـزاني والله لولـــى شح ربعي عني وأنا بعيـد ن والقـدم حفيـاني إني لابيـع الـروح في صيحاتهم بيـع الحراج في سـوقه الرناني

[القريشي11]

مشكور يالغالي

[لاد الوجيرب]

والله والف نعم فيكم ياعيال عمي القريشات وماهي غريبه منهم لاد العسيلي