Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 344 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 446 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 579 )           »          حساب سعر الصرف (اخر مشاركة : ارينسن - عددالردود : 0 - عددالزوار : 788 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 674 )           »          قمصان نوم تركي (اخر مشاركة : ارينسن - عددالردود : 0 - عددالزوار : 589 )           »          فستان مناسبات (اخر مشاركة : ارينسن - عددالردود : 0 - عددالزوار : 603 )           »          جلابيات مغربية (اخر مشاركة : ارينسن - عددالردود : 0 - عددالزوار : 622 )           »          ايشارب حرير (اخر مشاركة : ارينسن - عددالردود : 0 - عددالزوار : 536 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 949 )           »         
 

 
العودة   منتديات سبيع الغلباء > المنتديات الأدبية > منتــــدى القصائـــــد المنقولــه
 

منتــــدى القصائـــــد المنقولــه القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


الملحمة المقدسية ألف بيت للشاعر الكبير / ناصر الفراعنة السبيعي

القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة


إضافة رد
 
أدوات الموضوع
 
غير متصل
 رقم المشاركة : ( 1 )
اللفياني
عضو نشط
رقم العضوية : 11023
تاريخ التسجيل : 17 - 12 - 2006
الدولة :
العمر :
الجنس :
مكان الإقامة :
عدد المشاركات : 47 [+]
آخر تواجد : [+]
عدد النقاط : 10
قوة الترشيح : اللفياني is on a distinguished road
الأوسمـة
بيانات الإتصال
آخر المواضيع

التوقيت
الملحمة المقدسية ألف بيت للشاعر الكبير / ناصر الفراعنة السبيعي

كُتب : [ 29 - 01 - 2007 ]

مل قلب ما يكف=حيلته يوم اعتكف
ضرب كف فوق كف=لا يحِب ولا يحَب
بين سر وبين ضر=بين خير وبين شر
بين كر وبين فر=مثل غوّاص الغبب
لا يكل ولا يمل=مستحل مستقل
مستعز مستذل=مستربّ مستلبّ
يوم شفته يستدير=قمطرير زمهرير
مستثير مستذير=مستعل مستطب
قلت ابرقد واستريح=ويش بيدي لو بأصيح
وفوق تخت من ضريح=شفت موتي عن كثب
زارني وسط المنام=حلم اسود مستهام
قال والله ما تنام=لو تخبّى لو تخبّ
ولّ حلم في عجل=جل دق ودق جل
عن مرة صارت رجل=عن ربيب مستربّ
شفت في حلمي سحاب=احمرٍ مثل الخضاب
اسود ريشة غراب=ومرّة مثل القهب
يا سحاب في الخريف=من مشافه يوم شيف
يرجع المبصر كفيف=واخرس القوم يخطب
منه ساعة يستشيع=يختلف قلب الشجيع
ينقلب راس الرضيع=ابيض ابيض مشلهب
في جنوبه قدح نار=في مواخيره شرار
في مقاديمه حمار=مع سمار من عقب
حسبك الله من مطر=مويته دمّ حمر
ابرديّه من جمر=ساقه المولى غضب
ضوح برقه يوم لاح=دمع طفل يوم طاح
صوت رعده يوم صاح=صوت عذرا تغتصب
اوله طعنة جريح=واوسطه طيحة طريح
وآخره جثّة ذبيح=فوح نار ذا شعب
قلت هذا هو اكيد= من بلي به من يحيد
كل شيطان مريد=يال سوء المنقلب
اهلك الله فيه عاد=هل إرم ذات العماد
وكل طاغي في البلاد=للخنا قام يهذب
قلت لحظة يا سحاب=خذ سؤال وجب جواب
رحمة والا عذاب=انته من اي الجبب
قال عني لا تسل=روح للأقصى وسل
باحمر الدمع اغتسل=شعب كامل وارتعب
دون الاقصى ما نحيد=عن شبا السيف الحديد
عند ذالعرش المجيد=سد ثقب لا انثقب
وقمت من حلمي جزوع =شايف شيِّ يروع
وقمت ازوع المر زوع=وقمت اضب الفكر ضب
الحلوم المحزنة=ثانيتها عن سنة
عزي لمن تشحنه=كن بيديها مجب
وقمت احسب بانسجام=قلت اجل بارجع وانام
لا جزاها الله حلام=تكشف اللي في الغبب
وجيت مسرع في المسير=خايفٍ نومي يطير
ناحر هاك الوثير=مرقد حلو المذب
يوم طرفي في كراه =سج جاه الحلم جاه
حلم آخر وابتلاه=لين شفت الخبت خب
شفت لي شي يهول=يذبح القلب الزعول
لا يحيل ولا يحول=انحب القلب ونحب
شفت خمس مية شحوف=الصفوف اثر الصفوف
والسيوف اثر السيوف=عسعس الليل وسرب
شفت خيل حذو خيل=ليل صبح وصبح ليل
نوب حط ونوب شيل=نوب ربع ونوب غب
السيوف امفسّرات=والسهوم موسّرات
والرماح مكسّرات=وكل مسنون شرب
كل عذرا في غبيط=حولها طفل شطيط
من لحم جوفه يخيط=ثوبها يوم انسلب
ومسجد الاقصى ورا=عن وحمهم في ذرى
في وشاح لا يرى=كالذخاير في الجربّ
من فلسطين الرجال=من عمام ومن خوال
كبّر الاقصى وقال=هيّدوا يا اهل الثرب
دام هذولا هلي=احمد الله ما علي
اضرب الخبت الخلي=ما حسبت حساب غب
ربّع الاقصى ولعب=دونه الاطفال شعب
ما على الله شي صعب=لا شكوك ولا ريب
كل طفل في جماه=عضّ واظهر له حصاه
حط الاقصى في حشاه=وفي عيون النذل شب
سايق روحه فدي=بعدي والله بعدي
من يده ما هي يدي=عرش صهيون اضطرب
طفل برمية حجر=روّع اولاد الغجر
لين لاذوا بالشجر=واستغاثوا بالربب
صار شي ما يصير=ما عجز عنه الكبير
جابه الطفل الصغير=غصب غصب مغتصب
هو مثل غيره حريص=ولا العمر عنده رخيص
مير والله يا بخيص=باع روحه واحتسب
هو درى أن لا حياة=دون الاقصى أو نجاه
وان لا شيئا سواه=يوصل الجنة محب
ناطح الموت يعدي=وْلدي نفدا وْلدي
من سهيل في الجدي=في سما العليا دأب
وقمت من نومي مخيف=كن فوقي حد سيف
قلت لطفك يا لطيف=قرّ يا جنبي وطب
وقمت افكر واستخير=قلت ما في السهر خير
لا يعار ولا يعير=يحتصب ما يختصب
قلت عونك يا معين=ودوب طرفي يستكين
زارني عقب الثنين=حلم ثالث وانتصب
شفت لي طفل صري=أبلج عظمه طري
كنّ في خده زري=ضوح نار في حطب
لا بس ثوب حرير=قلت ذا شيّ كبير
يا ابن حاكم يا ابن امير؟=يا ابن سادات نجب؟
فوق صدره طيلسان=وفي يمينه صولجان
قدمه آلاف الحسان=خرّدٍ بيض خُلُب
ألف شقر غانيات=والف سمر جاريات
وألف بيض دانيات=لولبيّات القُضُب
وألف كالفيروز جرد=وألف كالياقوت مرد
وألف تُسقى ماء ورد=من جمال منتخب
فوقه احمر ألف كاس=قدّموها أهل ألف طاس
لا يباس ولا مساس=حمر خالطها صهب
نور خدّه والجبين=مثل نور الصالحين
أو كؤوس من لجين=بيض ما فيها شوَب
ريح ثوبه زعفران=ديدحان قحويان
فاح من بين الثمان=عود جاويٍّ أشب
كنّ في ثغره درر=وكنْ بياض ايده شرر
لا ضرار ولا ضرر=يجرح القلب المشب
وسط قصر كالزجاج=كنْ جداره برج عاج
وأسقفه ملحٌ أجاج=مثل منقوش الكعب
فوق عرش من جمان=لبّسوه الإرجوان
في جنوبه قرطيان=مثل مركوز الطنب
قلت من ذا يا ترى؟=إنس أم جنٌّ أرى
ويش ذا يا من قرأ؟=ويش ذا يا من كتب؟
قلت هذا شهريار=وشهر زاد اللي يسار
قلت لالا كيف صار=مثل ذا ماله مربّ
قلت هذا التركمان=أو أجل جنكيز خان
قلت لالا كيف كان=مثل ذا وصفه عزَب
خذت لحظة كالسفيه=عقبها اومى لي يديه
قال زاير قلت إيه=قال قلّط وارتحب
قال ابسأل قلت سم=قال ابطلب قلت تم
بس سلّم واستلم=قال يا ضيف درَب:
يعربي والا حديد=قلت له هات المفيد
قال مسلم قلت اكيد=لو شذبنا من شذب
قام قال ارحب يا اخوي=يا ابن امي وابن ابوي
لا مطيع ولا عصوي=حِلّ والمغرب غرَب
اسألك بالله يا ضيف=كيف حال القدس كيف
مسجد الأقصى الشريف=كيف حاله والصحَب
قلت لحظة يا صغير=وانت وجهك وجه خير
لا بشير ولا نذير=لا مغبّ ولا مطبّ
ودي اسأل لا تهون=من تصير ومن تكون
اختلط نون بنون=واختلط دبّ بدبّ
ودي اعرف يا نما=أنت من أيّ الحما
أرض والا من سما=لأيّ حيٍّ تنتسب
قال أفا,عن ذا وفا=ما خبر خافي خفا
ضاع وجه في قفا=واكثر الماضي حثب
أنت ناسي يا فطين؟!=قم وطالع فيّ زين
كان لك أُذن وعين=مْحجرها ما غرب
قلت لا تشره علي=النواظر كالدلي
دلو يرجع ممتلي=ودلو يفشل من جذب
مثل ما قال الخليل=النظر حطّاب ليل
خبط عشوا في مسيل=لا تلومه لو زلَب
والشفق ثم الغسق=والقمر يوم اتّسق
عن طبق أعلى طبق=ما بقى جرح وطبّ
بس ذكّرني وشوف=كيف يجذب صوف صوف
كلّ ذكرى وسط جوف=فوقها الماضي سهب
ثم سكتّ وهو سكتْ=وعقب ساعة ما انحكت
كلمة,عينه بكت=قلت يا صغيّر أجب
وسج لحظة ثم بحَص=شمّر الكم وقحَص
شفت في عينيه حص=دمعة ماها دعَب
دمع موق روق روق=نوب تحت ونوب فوق
في مثل سمر البروق=اسود العين اغيَهبّ
وجض قلبه واصطفق=وهل دمعه واندفق
وقام يشبح في الأُفُق=كل نجم مضلهبّ
وشفت في عيون الصغير=راهبٍ في وسط دير
ماردٍ في وسط زير=جمرةٌ ذاتَ لهب
طفل قلبه قدح نار=شظوةٌ تقدح شرار
ساكنين اقصى الديار=من سناها في غيَب
قلب طفل ابو ثمان=نبضته في القيروان
أسمَعت من في عُمان=وأرعبت من لا رعَب
وعقب ساعة في سما=التفت كنّه عمى
في عيونه طشّ ماء=عاكس النور ورغب
قال سبحان المعين=وين أنا قبل امس وين؟
وشوف انا ذا اليوم وين!!=في جنان لا تُسبّ
وقلت أنته وش تقول=وش خبر ذولي وذول
لا تجنني اقول !=شف ترى راسي ضرب
خل قلبي يستريح=يالصغيّر كن صريح
ذي.هي الجنة صحيح؟=والا ركبة مالركب
قال يا طالب غنى=ها هي الجنه هنا
وكان ناسيني فأنا=من هل القدس انتسب
يوم الاقصى صاح صاح=الكل قالوا طاح طاح
كود انا درت السلاح=رب نصرا كان رُبّ
مسجد الصخرة ينوح=وقبة الصخرة تلوح
ما بعد هالروح روح=لعنبو من لا حضَب
يوم صوّت لي وقام=قلت اقول ارتح ونام
دام انا حي بتقام=والامان بيستتب
قال انا روحي بيديك=لا يخيب الظن فيك
قلت افا والله عليك=انت عيني والحجَب
يوم ينخى اهل العبي=بإسم عيسى والنبي
قلت أمرك وش تبي=ما تبي عده وجَب
آه يا لبّى ثراك=وآه يالبّى سماك
يا عسى روحي فداك=اطمئن واقدع رطب
يوم جدرانه شكت=جرّت الصوت وبكت
لعن ابويه لو سكتّ=والله لا اشبّ الحرَب
يوم كلب الصومعة=في خضمّ المعمعة
جاب خرفانه معه=يحسب الاقصى مصبّ
يحسب انه يستطيع=دهمة البيت المنيع
ما درى أنّا جميع=ارواحنا دونه نَهِب
يوم حكّام الفلَس=خانعين للدنَس
هايمين في الونَس=يْتساقون النخَب
قلت لا واللي خلق=ابن آدم من علق
ما نطاوع للسلق=وآخر الدنيا مضبّ
عن محرّفة الكتاب=دون بيت الله حجاب
قوّةٌ منها يهاب=راس قوم لم يهَب
صفّت الاطفال صف=دون الاقصى صفّ صف
يا موصّف وش تصف؟=من مروّية الغلَب
من مطلسمة الخطوط=من بقايا قوم لوط
في حجارتنا صعوط=فيه للغاشم عطَب
من ثعابين الوطا=ما رضينا بالخطا
سيفنا سيف سطا=في جناب وفي جنَب
بالوجيه العافرة=والقلوب الكافرة
جاء وبيّن خافرة=كلب صهيون ولعَب
بالنفوس الدانية=والرقاب الحانية
يبغى ولد الزانية=في حما الاقصى يطبّ
ابصواريخ تروع=مع مدافع مع دروع
صنع عبّادة يسوع=صال في شعب عزَب
بألف طيارة شبح=وألف غواصةسِبَح
قلقص الكلب ونبح=من كلاب في كلَب
بالسفن ذات الرؤوس=والكواسح والتروس
شبّ له حرب ضروس=كان عهد امس وقلب
بأسلحته الضاربات=والقنان القاهرات
جاء عشير العاهرات=ثوّر الحرب وثرَب
يالوجيه الدانعة=والجلود الخانعة
جاء يدور اليانعة=...أمّه مستقبّ
مير ربي قطّنا=في نحره وحطّنا
من شرب كاس الطنا=يثني لا مِسّ الحقَب
لو يجيب اللي يجيب=الف مليون حريب
وكلّ عبّاد الصليب=وكلّ عبّاد النٌصُب
لو يجيب اهل البطان=من شياطين وجانّ
الجبان ابن الجبان=ما عرفنا له حسب
نقلبه من فوق قلب=ونحلبه من تحت حلب
كلب ابن ستين كلب=ثب يا إبن الكلب ثب
بالقلوب الطاهرة=والجباه الزاهرة
والعيون الساهرة=مرابطين فوق قُبّ
بالسيوف الساحقات=والرماح الماحقات
والجياد اللاحقات=نستلم سِرو العِبَب
السيوف من الشجر=والرماح من الحجر
والجياد ارضٌ زجَر=رملها الطاهر وهبّ
من ثلاثة لا ثلاث=كلب صهيون استغاث
قام يمشي في الحثاث=حافيٍ ياطى القِتَب
عقب فسقات الرخا=لان راسه وارتخى
وان تعزوى وانتخى=ندعس امه بالكعب
وكان ما طاوع ولان=نلحقه نارٍ دخان
مثل نار الموبذان=تحرق القلب العسَب
دون قبة مسجدي=يا سرائيل اهجدي
اسجدي تحت اسجدي=مالك اليوم مْحَجَب
حن محيّرة القطا=الخطا عجل الخُطا
العطا عقب البطا=سلّة السيف الحدَب
كل طفل من طلع=به على الهيجا ولَع
ما عشقها من دلَع=كود من جبٍّ يجبّ
في جهار من نهار=شبّت الأجواء نار
صوّت الاقصى وثار=مثل ملحٍ لا التهب
قلت أمّن واعتلم=من دخل وجهي سِلِم
يلعن الله من ظلم=ودون حقك ما وثب
ابشر ابشر بالسعد=لا يهمك من وعد
لوّ قام ولو قعد=لو تطاول للشٌهُب
يا حبيب حنبله=من حشاي وسنبله
لو رموا به قنبله=نبت غير الحبّ حبّ
يوم ردوا للسلاح=والفلاح من الصلاح
دمّرت هوج الرياح=بيت صهيون الأكبّ
أحد رشّاشه معه=واحْدٍ اعزل ما معه
كود حيدٍ نزرعه=في جباه اهل الثغب
والحجر في يد أسد=يْحَصِد ما لا حصد
ألف رشاش بيد=كلْ جبانٍ مستخبّ
بيننا طال النهار=لين أمر الله صار
صابني منهم عيار=يحمد الله من طلب
صابني يوم المصاب=طلْق رحمة لا عذاب
وشفت أنا حسن المآب=شوف عينٍ ما كذب
لو دروا من بالعمد=غرّهم طول الأمد
ما وهبنيه الصمد=بعد دهرٍ ذا سغَب
كان ذبّوا بالحياة=ذبّة الحافي حذاه
وكل سلطانٍ مناه=جنّة عز الطلب
مثل ما عينك تشوف=جنة عنها الوصوف
تقصر وعنها الحروف=ما تصب ادنى مصبّ
وقلت حسبك بسّ بس=بسّ.ما يحتاج مسّ
لا تهسّ ولا تنسّ=جوّد اللحم العصَب
وقمت اهلّ الدمع تحت=ثم برد حيلي وطحت
قلت ما الومك لصحت=أوّل السكرة رضب
يا صغيري يالحبيب=هالشكل ما هو غريب
قال:قل,يمكن تصيب=من قضب دلوٍ جذب
قلت واحد بسّ مات=واسمه محمد ثبات
والعمر سبع سنوات=صارع الموت ونشب
قال:ياناصر وصلت=ذا جواب اللي سألت
ان عدلت او ما عدلت=كل عود له مشبّ
يا محمد بن جمال=يا ابن ابن درة تعال
ريح دمك لا يزال=يثوّر الأمّة غضب
قال وحتى يا رفيق=الطريق هو الطريق
واللجج ما بل ريق=مثل نار بلاحطب
قلت:ليه؟وقال:هه=كل شعب له جهة
باني له فوّهة=وان بغى ينجح رسب
قلت ما تدري وكاد=ويش سووا في البلاد
يوم نادوا للجهاد=جت مكافحة الشغَب
قال قابلني إذا=جاك أحد منهم في ذا
تحسب الدعوى كذا=دون جيّتهم ضبَب
قلت في هرجك غموض=قال تبغاني أخوض
قلت كلْ شيْ له فروض=كل قانون بسبب
قال أجل على البلاط=قصدي أصحاب البساط
كل جبار محاط=بالعساكر والكِتَب
قلت قرّب لي شوي=قال واضح كلّ شي
يا أخي خلك معي=قصدي اصحاب الرتَب
كل سادات العرب=همها حفظ الرتب
همها جمع الذهب=تحسب الفقر مْعَيَب
من الخليج اليا المحيط=كل حاكم في غبيط
عن ألم شعبه مُغيط=مع مخمّرة العنب
كل حكام الشعوب=من شروق في غروب
ما تخيط فتق ثوب=جنح ظلما لم تغب
بس تحشد في الجيوش=من أجل حفظ العروش
خايفة يوم يهوش=شعبها والا يقبّ
كل من لبس الصواع=جاع شعبه صاع ضاع
ما يهمْ دام الصواع=فوق راسه ما انسحب
دام عرشه في يديه=كل شعبه طز فيه
وكل شي العنة ابيه=في العنته أمٍّ وأب
دام عرشه في ثبات=طزّ في شعبه لمات
بات والا ما يبات=بنار تحرقه ولهب
دام عرشه في ذرى=كل حاكم ما درى
لو كلا شعبه ....=لو تسلّخ وانصلب
من حنى راسه لعرش=بيبيع ارضه بقرش
وبأقل من ربع قرش=تلقى عرضه ...
كل حاكم عن مطيح=شعبه الثكل الجريح
فوق عرشه مستريح=بين ود وبين حب
كل حاكم لبس تاج=ساج عن شعبه وماج
ما يراه الا دجاج=أو قطيعٍ به جرَب
يا ابو فارس وش هقيت=في مصدّرة البكيت
ان بكيت او ما بكيت=قلب قادتنا قلَب
لو ترى الناقة تبيض=ولو طيور الما تحيض
ولوّ ماء زمزم يغيض=وتطلع الصبخا ذهب
ولو بعد شاب الغراب=وآمن ابليس وتاب
ولو يحجّن الكلاب=وتاب فرعون وخطب
ولو رعى الذيب الغنم=ولو حكى صم الصنم
ولو يصير الميّ دم=ولو يتوب ابو لهب
ولو غدا القاضي جحا=ولو يصيب اشعب سحا
ولوّ من قبره صحى=ابن عبد المطّلب
ولو يصير العبد عم=ولو نسى العود المعمّ
وعاير السيف القلم=والدبا صارت دبب
ولو تطير السلحفاة=ولو خلط داب الصفاة
بالحلاوة سم فاه=ولو يصير الدب ضبّ
ولو يصير المستحيل=ولو يصير الصبح ليل
ولو يصير الراس ذيل=والجبب مثل القبب
ولو يخاوي القطو فار=والحمار ابن الحوار
ولو يخاوي الثلج نار=ولو يصير العلباْ عِب
ولو تصير الست خمس=ويصير باكر ليلة امس
ولو بدت في الليل شمس=وتشرق الشمس مغرب
كل شي ممكن يصير=الا شي واحد ما غير
مستحيل انه يصير=بأي ربع وبأي غي
مستحيل مستحيل=ان تلاقي بأي جيل
قائد ما هو عميل=عاهلٍ ما هو ذنب
قلت اقول اربط جحَشْك=صك بالبرقع وحَشْك
كان به شي محَشْك=في العرب لقّاط حب
لا تعمّم يا خبل=آفة العلم الجهل
كمّ به قائد بطل=وكم من زعيم ما يسب
ازعج اذني حس طار=وطار نومي طار طار
من يمين ومن يسار=كل آتٍ قد ذهب
وقمت من نومي وصحت=قلت تكفى لو سمحت
يا محمد وين رحت=لي على طيفك عتب
ليتني مع حلم دام=ساعةٍ عشت الف عام
آه يا محمد حرام=وين أرضك والمربّ
يا عيوني هللي=حرمي أو حللي
في بطن حجلة طلي=يال سوء المرتقب
ما تشكى ضامري=حب بنت العامري
ولا لعبت السامري=ولا رقيت المطلحب
يا جروحي كبّري=أقبلي أو أدبري
كسّري أو جبّري=ماء هدّاجٍ نضَب
يا ضلوعي نوّخي=في حشاي وفرّخي
وان زعلتي صرّخي=مثل من صاح ولتَب
يا مداين شيّعي=احفظي أو ضيّعي
لن يعي من لا يعي=لو عوى الذيب وقنب
صرخةٍ بأقصى البلد=روّعت من في المهد
أخرجت من في اللحد=كل ذا قلبٍ أشبّ
صرخة الاقصى الكريم=احيت الجرح القديم
وكل ما تحت الأديم=من عصور ابنَ وهب
صرخةٌ في إيلياء=أفجعت قلقيلياء
جاوبت إشبيليا=لحن أصداها شحب
صرخة الاقصى الأبيّ=زلزلت قبر النبي
والف قبر يثربي=جر صوته وانتحب
صرخة منها استهام=منبر البيت الحرام
عانق الركن المقام=موعد الحشر اقترب
صرخة هزت عزاز=أرض نجدٍ والحجاز
في تهامة كل باز=رف جنحان الغضب
صرخة أم الأبرياء=في قصور الأثرياء
ردّدتها سوريا=من دمشق اليا حلب
صرخة هزت بلاط=كل قصر في الرباط
ثوّرت أهل الرِّباط=كل إبن أمٍّ وأب
صرخة منها يهيج=كل شبر في الخليج
نار تقصدها الحجيج=في جماد وفي رجب
صرخة هزت طباق=أرض بابل والعراق
والتوت ساق بساق=أرض فارس والكرب
صرخة هزت لدن=أرض صنعاء اليمن
حضرموت مع عدن=سد مأرب والشعَب
صرخة هزت عمان=واربع في القيروان
وطار بالسودان جانّ=من عظيم مجتلب
صرخة هزت سميت=ليبيا حتى الكويت
وبالجزاير بيت بيت=نارها شبت لهب
صرخة منها انشطر=طود بحرين وقطر
وفي الامارات انفطر=كل قاعٍ مشلهبّ
صرخة في ظاهرة=جاوبتها القاهرة
أرض مصر الطاهرة=وصمةٌ إن لم تجب
صرخة هزت قصور=بعلبك صيدا وصور
وكل الاردن سور سور=وسايح البرّ انقلب
صرخة منها استحال=بحر صومالا ومال
موريتانا جال جال=وغور جيبوتي زهب
يا رجال العرب وين=كن ما فيكم أمين
الكبار مخدّرين=وارض الاقصى تنتهب
لعنبوكم كيف كيف=دونكم يومي بسيف
طفل توْ عظمه صخيف=ذاد عنكم واعتصب
طفل صدره خندقة=عظم كفّه بندقه
في ضلوعه خندقه=يعتننقها لا انسحب
آه يا والله القهر=ألف مرة في الشهر
من الصباح اليا الظهر=من عصر اليا مْغَرِب
غرّكم من هو يقول=أن عبّاد العجول
عندهم جيش مهول=وا خسارة من رهب
السلاح بلا قلوب=لا يثوب ولا ينوب
حن صناديد الخطوب=حن عريبين النسب
ما رضخنا للعصيّ=مْعَصِي ثم مْعَصِي
قوم ارجلهم خصي=بمثلهم كيف نْحَسِب
القلوب مخمّرة=والرجل منهم مرة
لو تصيقر حمّرة=ما تضوّي راس ضب
استجرتم بالطغاة=ثم نسيتم واسفاه
أنّ جانبكم إلاه=وعنكم النور احتجب
يوم وطّى روسكم=احتقار نفوسكم
كلٍّّ اضحى يدوسكم=حتى بوم ابو حقب
يا مكبّرة اللحى=والعذارى تستحى
وصفكم يشبه جحا=من خبيب في خبب
لا صرخ هاك الصبي=وفرّعن سود العبي
ما تجون الا حبي=لعنبوكم من حِزَب
لعنبوكم خير خير=كل ذي ريش يطير
لا قليل ولا كثير=كلكم حسوة جرَب
كان ناسين اليهود=آبي اذكّر باليهود
هم مصبّغة الجلود=هم مدنّسة الجِعَب
لعنبوهم فرد فرد=كلب كلب قرد قرد
المحارم جرد مرد=والرجال اهل مْعَلَب
يقتلون الانبياء=ويعبدون المومياء
لا كرامة لا حياء=باقية شعب خَرِب
كذّبوا موسى واخوه=واذبحوا يحيى وابوه
فوق طست قدّموه=لل....... .......
وابن مريم كذّبوه=خاصموه وحاربوه
لولا ذو العرش اصلبوه=فوق عود المنقرب
اقسموا بالفانية=أنّ مريم زانية
واولغوا في الآنية=ونجّسوا نهر الحبب
صادوا الحيتان يوم=سبت واصغوا للنجوم
عقب ما هم كان قوم=راحوا قرود عُصب
تاهوا بسينا سنين=في سنين الأربعين
لا معان ولا معين=تايهين في النُقَب
افسدوا وسط الديار=واسجدوا في اول نهار
عند عجل له خوار=والدما حد الركب
ويوم طالوت بغى=قتل جبّار طغى
ادبروا قبل الوغى=شرق يبغون الهرب
احمد قد سمّموه=اغدروا به واسحروه
وآزروا من حاربوه=ابن أخطب ذو الجِلَب
فيهم الفرعون سيد=ساطهم سوط العبيد
بالحبال وبالحديد=والفوا منه التعب
بالرجال انزل بلاه=وبالنسا خدّم نساه
لين موسى جاه جاه=وكبّله راس وكب
وبختنصّر ذو الوثاق=بين فارس والعراق
ساقهم سوق النياق=نصْ ونصّ آخرْ صلب
وهتلر عشّى بهم=جايعات كلابهم
زين ما سوى بهم=يوم خلاهم صلب
للغواني يركعون=وللزواني يسجدون
لا جباه ولا عيون=جاثمين في الذرب
هم قووايد الخنا=هم عماميل الزنا
لا هناك ولا هنا=هم مجنّدة القحب
اعظم الامم ذنوب=وانجس العالم قلوب
ضايعين في الشعوب=لا مربّ ولا مضبّ
زين الدنيا لهم=شمعدان اطلالهم
المذلة فالهم=في الحناجر تشرأبّ
حلت اللعنة بهم=سابحين في وهم
مثلهم مثل البهم=في رجاء المرتقب
الدياثة طبعهم=والخنا من نبعهم
ساد فيهم ضبعهم=اهب يالملعون اهبّ
هم اذل العالمين=لا بدنيا لا بدين
كارهين صاغرين=لو علوا هام السحب
شعب كل يلعنه=ماله الا المسكنة
لو سعى ما أمكنه=في الامم صاروا ذنب
مالهم في الارض أرض=عرضهم ما هوب عرض
حكم هتكه فرض فرض=فرض عين إن وجب
من ذبح فيهم وحيد=هقوتي له اجر الشهيد
بشّره يوم الوعيد=يال حسن المكتسب
والسبب أن اليهود=ذبحهم يبرى الكبود
آمّة تؤمن بعود=ولا ترى في الرب رب
لو بيدها اخطر سلاح=شعب اذل من السحاح
طفل بليا سلاح=شاعهم شوع الهلب
من حجر طفل شهر=شافوا نجوم الظهر
طفل في عمر الزهر=شب فيهم واحتطب
طفل خلاهم خشاش=كيف لو بيده كلاش
مثل ذا الطفل او بلاش=من نسانا في الطلب
كيف من ذولا نخاف=يا موسّرة اللحاف
الحلايل تستضاف=والمنازل تقتضب
لعنبوكم من رجال=انخدعتم في مقال
لا سلام بالقتال=بل بإبرام الخطب
ما بعود الخيزران=قهر رمح ذي سنان
لا ولا بالسنديان=عاض عود من قصب
يا سلام آخر سلام=لا سلام بلا حسام
من سلام يا سلام=فيلق الطاغي غلب
غاية من دون سيف=يا رجال العرف حيف
ما شتاء يأتي بصيف=ولا من الآغا انخطب
آه يا امة خلف=للأمم صارت علف
تاخذ الذلة سلف=مجدها الماض اغترب
يا...... الدول= كيف تحقيق الأمل
دام طيبكم خول=والذنب فيكم شنب
آه يا شعبٍ ذرف=وين يبغى له شرف
شعب الهاه الترف=واحرق الدمع الهدب
شعب اعمى ما يشوف=بين حوف وبين خوف
بين ابو عايف وعوف=متربّع له كنب
فوقهم شب الرصاص=كل حايص ثم خاص
وكل ما قالوا خلاص=ابتدى بأخرى وشب
فوقهم سيف كما=قذف نجم من سما
وهو على صهيون ما=سل سيف من خشب
اجتماع كبارنا=ما يطفي نارنا
لين ناخذ ثارنا=والفشق صوته طرب
ما عساهُ أن ينم؟=اجتماع للغنم
يا صنم قابل صنم=كل نتايجكم لغب
هم يسموه اجتماع=اجتماع للسباع
ولا يجيه الا الضباع=وكل ثور مقتصب
الولد مما نشا=والقدم مما مشى
والحشا مما انحشى=فيه بارود وحب
لعنبوكم من رجال= ما تضوي راس مال
همكم في كل حال=كيف توثيق الرتب
لعنبو مصلوبكم=عن صواب شعوبكم
غامسين كوبكم=في الزبيب وفي العنب
لعنبوكم كيف جات=طفل ابو سبع سنوات
دون الاقصى استمات=في جحيم مصلهبّ
طفل ما هاب الفنا=دون بيت الله ثنا
وانتم ولا انتم هنا=من سرير في كنب
باع دنياه بثمن=الثمن جنة عدن
قبره ارضه والكفن=قبة الاقصى الأشب
يا شعوب آخر زمن=من يبيع الروح من
ليس من حياً كمن=باع روحه واحتسب
مسجد الاقصى يضام=هه يا سادة يا كرام
وين من صحصح وقام=وطوع الكلب الأغبّ
يا مكثّرة الخدم=كلنا لحم ودم
البداية من عدم=والنهاية في تُرَب
يا بشوات القصور=يا بهوات الخمور
ما درى باهل القبور=من قضى وقته طرب
عن الم كل الشعوب=نظرة الحكّام صوب
كل قائد يم صوب=راح يبحث عن لقب
ولا تطول ارقابها=ناس لولا القابها
ما حسبنا احسابها=لا اصول ولا حسب
يا مليمة الخدن=سابق المجد الزمن
حكم ياسر راح صن=وانطحن في الراس حب
يا ........ العرب=تبت يديكم وتب
مثلما تبّت وتب=يد شارون وتب
خل ترديد الحكم=وقل لنا يا ابو الحكم
بعت دم شعبك بكم=وكم ولد طنطا قضب
بس يا ياسر خلاص=كل جرح له قصاص
لا ملاذ ولا مناص=...................اهب
بس يا يا,, ....=ما ورا هذي ورا
من هو جايبنا ورا=غير شاكلتك ..أجب
ولو وجوده ما افاد=مستحلين البلاد
كان مثل ابو جهاد=عيدوا بك يا ذنب
لو ..... .........=منك عز وراس مال
دبّروا لك اغتيال=او سعوا لك في العطب
امة تذبح فدي=نصف شعبك يا ردي
ولمصافحها تعدي=لعنبو هاك الشنب
راح دم شعبه سلف=والسلف مثل التلف
لو بينكر ويحلف=يْعَقُب ثم يعقب
كان مقصده السلام=يا رفيق اخذ الكلام
عطّف الطاغي شمام=الحرَب ثم الحلَب
عمر حبر في ورق=ما يرجّع ما انسرق
كل شيّ له عرق=والعرق مثل السبب
ما ورا كوفي عنان=ذلك العبد الجبان
الخصي حلو اللسان=كود ذلّ ومْغَلَب
وين مرخين الخطام=وين مروين الحسام
وين مقفين الظلام=ايه!! لله العجب
وين صافين الذمم=من معصّبة العمم
وين أعلام الامم=وين أرباب الرتب
وين حامين الخبا=في البيان وفي الغبا
وين مروين الشبا=عن حريم تحتلب
وين مرعبة الجموع=عن مسبّلة الدموع
عن رضيع يموت جوع=عن رضيع يموت جبّ
وين بانين الذرى=وين قازين الكرى
وين عبّادة حراء=وين حلوين القرب
وين كاسين الفرود=عن مصلين سجود
عن هلٍ كانوا رقود=يذبحون ولا تهبّ
وين مرغمة الخصوم=كانها نامت تقوم
هذا ما هو وقت نوم=ما ورا النومة شبب
وين مسقين السيوف=وين مردين الحتوف
كل عين ما تشوف=جعل فيها يثرّ شبّ
وين مدّبة العُصاه= عن طواغيت طغاه
آه ثم آه آه آه=كل بن كلب نهب
وين حامين الرغام=وين حاجين الجهام
عن حلال هو حرام=حلّلوه اهل السلَب
وين نزرين الرجال=وين عزرين العيال
مثل (فيصل) أو (جمال)=لا بغى شي وجب
وين غاذين الحصن=عن مصون لم يصن
يوم طقن صن صن=يا مكبرة العيَب
وين صعبين المراس=ما ستر بعض اللباس
فضّة صارت نحاس=مير شب النار شب
وين جبرين الضلوع=يا محمد يا يسوع
عن منام فوق كوع=امة راحت كبب
وين حامين الحمى=ادرك الكبد الظما
هيه يا مال العمى=كيف يكسب من كسب
وين مشبعة السباع=والجياع من الضباع
وين مزحمة القلاع=وين مدركة الصعب
وين مجرعة الحساس=وين ملهبة الحماس
كل ذيل صار راس=واستوى عظم العصب
وين صلفين التروس=وين معطين الدروس
دكت الحرب الضروس=وهم ورا سود الحجب
وين عسرين الجبال=خازمة روس الجمال
عن مروبعة الحبال=عن ملغّمة الحلَب
وين مردمة الحيود=وين مضرمة الكبود
وين مدحمة الزنود=وين متعبة الثعب
وين بارين السهوم=وين جزمين العلوم
وين ذربين السلوم=وين بارين الكلب
وين ملحمة القنا=واردة حوض الفنا
حامية رهو الضنا=ويوم ساء المنقلب
وين زاهين الفصوص=وين مفحمة اللصوص
وين مقطبة النصوص=وين أساتذة الكتب
وين شمطان اللحى=من عفاريت الضحى
عن دواليب الرحا=يوم دارت بالسعب
وين مصخين القلوب=وين مرخين الجيوب
عن ذنوب في شعوب=من مقصدرة العلب
وين ظفرين البخوت=وين ضافين البشوت
كيف ترضى بالسكوت=والطلق تحت الطلب
وين متعبة العسيف=وين مرهقة الحفيف
وين منقذة الحليف=وين حامية التلب
وين عطبين الطعون=وين مرهين الصحون
عن موسّعة الطعون=عن مرقّعة الجلَب
وين فزعات الشيوخ=الشيوخ اهل الشموخ
عن صغار كالفروخ=دمها صب وسكب
وين مدركة الذبيح=شافية قلب الجريح
مقعدة راس الطريح=تلحق الدم الركب
وين مطلقة الرصاص=يوم ماص فوق ماص
لا ملاذ ولا مناص=والهرب ما من هرب
وين حمران العيون=وين قاضين الديون
وين مثنين الجنون=وين ملحقة العصب
وين قادات الجيوش=وين سادات العروش
وين وثبات الوحوش=عن مطوّية الحقَب
وين صلبين الكيان=مرتضى خضر الجنان
يوم عشر جت ثمان=وبرزخ الحشر اقترب
وين موجهة الخيول=وين حاملة الحمول
وين هدات الفحول=يوم كل فحل ينبّ
وين سفرين العمل=من منوّخة الجمل
يوم الاقصى من الهمل=كش وجهه ثم شحب
وين عقبان الرجوم=مرقبة بيض النجوم
لا دفاع ولا هجوم=والشلي فيهم ذرب
وين أبحار الندى=مجهدة جند العدا
وين اقلام الفداء=ما احدٍ فيهم وظب
وين مرسين الديار=وين صنّاع القرار
من يمين ومن يسار=مثلهم مثل اللعب
وين غلمان الثنا=شاربة كاس الطنا
بالقنا لا بالغنا=مصاب مجد لم يصب
وين عشاق الصلف=وين طراد الكلف
يا خلف أفضل سلف=في الزمان المحتجب
وين حامية الذمار=وين مرخصة العمار
صيّحت ذات الخمار=وين ندب المنتدب
وين مدخلة الدخيل=عن يويل وقطع حيل
بين حط وبين شيل=بين مدح وبين سب
وين مكعمة الحريب=عن صحيب وعن قريب
قطع صيب وشق جيب=كل ملهوف ندب
وين مرذية الركاب=مخرجة ما في الجراب
وين مكرمة الحراب=عن ضعوف تطّلب
وين مصخية الرقاب=عن سؤال هو جواب
ما ورا هذا الجواب= يا مجدّدة النسب
وين الاحرار الحرار= عن طوال وعن قصار
الحمار بن الحمار=عن شرفنا لم يتب
وين دبكات الجنود=وين رزفات الحشود
بالمسالم لن نسود=عدّنا طين لزِب
وين حومات الصقور=وين رفّات النسور
وين ركضات النمور=مسجد القدس اضطرب
وين لبّاس الحديد=عن مية الفٍ شهيد
يوم سيقوا كالعبيد=يقتلون بلا سبب
وين صولات الاسود=وين خبطات الفهود
وين صعقات الرعود=يوم ريح الحرب هب
وين مدّية الفروض=وين ساترة العروض
يوم أغرتها العروض=واسلمت من كل لب
وين بانين الحصون=عن هلٍ يستنجدون
في القبور وفي السجون=استبدّبها الوصَب
وين معلين البروج=وين مخلين السروج
وين ماشين الفجوج=من مدابيس السرب
وين وين اللي بحض=قال لالا وانتفض
ضف ريشه وانتهض=جر صوته ثم قنب
طش ثوب الذل عنْه=وزحزح الذل ولعنْه
وساق للأقصى ظعنْه=سرّج الخيل وركب
اقعديني يا مها=انتهى القول انتهى
يا لبيب القلب اها=في العرب عقرب نشب
عيش يومك واترك امس=واقلع الشيطان وامس
ثم صلْ خمس وخمس=فوق سبعك والركب
لوّانا ما امون امون=لو يكون اللي يكون
من سيوف الأقربون=في وجه ربي مُكِبّ
بتبارك والعلق=وجزء عما والفلق
عذت من شر ما خلق=وغاسقٍ إذا وقب
وجه من أنزل سبا=والمعارج والنبا
لذت من خابي خبا=وكل من خب ونكب
منزل قافاً وزاد=الف لامٍ را وصاد
كاف ها يا عين صاد=غير ربي ماش رب
منزل آيات الرعد=قل هو اللهُ أحد
والمسد هي والبلد=هو ملاذي والمربّ
منزل اقرا والطلاق=والضحى والانشقاق
هو ملاذي يوم ضاق=بي فضا الكون الرحب
منزل آيات الزمر=والتكاثر والقمر
رب نونٍ والحجر=باسمه الفرد احتجب
من بدا بالبسملة=كل آيٍ منزلة
الضحى والزلزلة=في كتاب ما كذب
منزل السبع المثان=والبراءة والدخان
خالق إنساً وجانّ=جاعل لكلْ شيء سبب
ذا نهاية ما نظمت=من حلو قافٍ حكمت
يوم سلمت استلمت=كل مصبوبٍ على اب
من قصيد ما يموت=ملحمة فيها البيوت
الف قاف جت ثبوت=وبحر فكري ما نضب
هي هدية من فقير=القبر طفلٍ صغير
هيّض بموته ضمير=له سنة ميت وقبّ
ذا وخاتمة الكلام=السلام ازكى ختام
عد ما يضرب سلام=عد من هبَّ ودبّ
ما جرى عيد لعيد=وما سعى عبد لسيد
للنبي احمد وازيد=لآل عبد المطّلب


رد مع اقتباس
 
 
غير متصل
 رقم المشاركة : ( 2 )
مخايل الغربي
وسام التميز
رقم العضوية : 7672
تاريخ التسجيل : 26 - 05 - 2006
الدولة :
العمر :
الجنس :
مكان الإقامة : نجد العذيه
عدد المشاركات : 1,824 [+]
آخر تواجد : [+]
عدد النقاط : 10
قوة الترشيح : مخايل الغربي is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 30 - 01 - 2007 ]

بسم الله الرحمن الرحيم

المكرم الاخ اللفياني السلام عليكم ورحمة الله وبركاته وبعد اشكرك جزيل الشكر على نقل هذه الملحمة المقدسية واليك مقدمتها بقلم الشاعر الكبير ناصر الفراعنه ابوفارس
بسم الله الرحمن الرحيم
والصلاة والسلام على أشرف الانبياء والمرسلين هذه هي الملحمة المقدسية (ملحمة بيت المقدس) وهي الف بيت ..وهي تدور حول ثلاثة احلام رأيتها في المنام كان اولها سحاب وكان ثانيها قصر وكان ثالثها غلام رأيته في المنام وهو في الجنة ..ودار بيني وبينه حوار طويل والذي علمت من آخر الحوار أنه الطفل الشهيد محمد جمال الدرة الذي قتلوه
الصهاينة ..والحقيقة انني احتفظت ببعض الاجزاء في الملحمة لنفسي وفي الملحمة نبذة عن تاريخ اليهود ونبذة عن تاريخ العرب وندبة للمسلمين ورثاء لأطفال الحجارة وللمعلومية هذا هو اول طرح للملحمة وهي هدية مني الى روح الطفل الشهيد محمد جمال الدرة والى كل طفل من اطفال الحجارة هذا واتمنى من الله العلي القدير أن يجعل عملي هذا خالصا لوجهه سبحانه إنه نعم المولى ونعم النصير
ختاما صح لسان ابوفارس وسلمت
على النقل والسلام

أشوف لي رجل يعدد جدوده = لو إن أبوه وجده أضعف من الـدود
لعـل رحمـة خالقـه ما تـعـوده = وعساه مع زمرة هل النار بخلـود
هـذا زمـان هايـبـات فـهـوده = والناس نادوا عنتره باسم مسعـود

[ سبيع الغلباء - متيهة البكار - معسفة المهار - مدلهة الجار ]
رد مع اقتباس
 
 
غير متصل
 رقم المشاركة : ( 3 )
واضح
عضو فعال
رقم العضوية : 9475
تاريخ التسجيل : 05 - 09 - 2006
الدولة :
العمر :
الجنس :
مكان الإقامة :
عدد المشاركات : 115 [+]
آخر تواجد : [+]
عدد النقاط : 10
قوة الترشيح : واضح is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 04 - 02 - 2007 ]

اخي الكريم اللفياني
لا ازيد عن ماقاله الشيخ مخايل الغربي فقد اوفى
ولكن لي كلمة تقال للشاعر المبدع ناصر الفراعنة والذي يعتبر في هذا الوقت سلطان الشعر في الجزيرة العربية بدون منازع او منافس لا من صغير او كبير من غير قصور بهم لكن الواقع يفرض نفسه فله منا كل التقدير والاحترام على ماقدم لقبيلته سبيع الغلبا ولمجتمعه ولأمته الأسلامية وليس ذلك بغريب من انسان متعلم ومثقف مثل ابوفارس
فلك الشكر والتقدير على جهودك في نقل القصيدة

رد مع اقتباس
 
 
غير متصل
 رقم المشاركة : ( 4 )
ماضي المديري
غير موجود
رقم العضوية : 8199
تاريخ التسجيل : 19 - 06 - 2006
الدولة :
العمر :
الجنس :
مكان الإقامة : الظهران
عدد المشاركات : 2,570 [+]
آخر تواجد : [+]
عدد النقاط : 16
قوة الترشيح : ماضي المديري is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 04 - 02 - 2007 ]

اشهد با الله ان الفراعنة شاعر من طراز نادر
ماشاء الله علية
وصح الله لسانه
والله لا يهينك يالفياني
تقبل تحياتي واحترامي

رد مع اقتباس
 
 
غير متصل
 رقم المشاركة : ( 5 )
الليث
عضو فعال
رقم العضوية : 11525
تاريخ التسجيل : 11 - 01 - 2007
الدولة :
العمر :
الجنس :
مكان الإقامة :
عدد المشاركات : 228 [+]
آخر تواجد : [+]
عدد النقاط : 10
قوة الترشيح : الليث is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 04 - 02 - 2007 ]

ماشاء الله علية
وصح الله لسانه



رد مع اقتباس
 
 
غير متصل
 رقم المشاركة : ( 6 )
المنقذ
عضو
رقم العضوية : 11988
تاريخ التسجيل : 06 - 02 - 2007
الدولة : ذكر
العمر :
الجنس :
مكان الإقامة :
عدد المشاركات : 1 [+]
آخر تواجد : [+]
عدد النقاط : 10
قوة الترشيح : المنقذ is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 08 - 02 - 2007 ]

تكفون يالربع ابي قصائد للفراعنة صوتية وخاصة ملوك الجن

والف مليون تحية

رد مع اقتباس
 
 
غير متصل
 رقم المشاركة : ( 7 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الملحمه المقدسيه للشاعر ناصر الفراعنه القصيده الف بيت

كُتب : [ 03 - 08 - 2008 ]

اقتباس:
المشاركة الأصلية كتبت بواسطة اللفياني مشاهدة المشاركة
بسم الله الرحمن الرحيم

هذه مقدمتها بقلم أبو فارس الشاعر الكبير / ناصر الفراعنة السبيعي :

بسم الله الرحمن الرحيم والصلاة والسلام على أشرف الأنبياء والمرسلين هذه هي الملحمة المقدسية ( ملحمة بيت المقدس ) وهي ألف بيت .. وهي تدور حول ثلاثة أحلام رأيتها في المنام كان أولها سحاب وكان ثانيها قصر وكان ثالثها غلام رأيته في المنام وهو في الجنة .. ودار بيني وبينه حوار طويل والذي علمت من آخر الحوار أنه الطفل الشهيد / محمد جمال الدرة الذي قتلوه الصهاينة .. والحقيقة أنني أحتفظت ببعض الأجزاء في الملحمة لنفسي وفي الملحمة نبذة عن تاريخ اليهود ونبذة عن تاريخ العرب وندبة للمسلمين ورثاء لأطفال الحجارة وللمعلومية هذا هو أول طرح للملحمة وهي هدية مني إلى روح الطفل الشهيد / محمد جمال الدرة وإلى كل طفل من أطفال الحجارة هذا وأتمنى من الله العلي القدير أن يجعل عملي هذا خالصا لوجهه سبحانه إنه نعم المولى ونعم النصير .

مل قلب ما يكف=حيلته يوم اعتكف
ضرب كف فوق كف=لا يحِب ولا يحَب
بين سر وبين ضر=بين خير وبين شر
بين كر وبين فر=مثل غوّاص الغبب
لا يكل ولا يمل=مستحل مستقل
مستعز مستذل=مستربّ مستلبّ
يوم شفته يستدير=قمطرير زمهرير
مستثير مستذير=مستعل مستطب
قلت ابرقد واستريح=ويش بيدي لو بأصيح
وفوق تخت من ضريح=شفت موتي عن كثب
زارني وسط المنام=حلم اسود مستهام
قال والله ما تنام=لو تخبّى لو تخبّ
ولّ حلم في عجل=جل دق ودق جل
عن مرة صارت رجل=عن ربيب مستربّ
شفت في حلمي سحاب=احمرٍ مثل الخضاب
اسود ريشة غراب=ومرّة مثل القهب
يا سحاب في الخريف=من مشافه يوم شيف
يرجع المبصر كفيف=واخرس القوم يخطب
منه ساعة يستشيع=يختلف قلب الشجيع
ينقلب راس الرضيع=ابيض ابيض مشلهب
في جنوبه قدح نار=في مواخيره شرار
في مقاديمه حمار=مع سمار من عقب
حسبك الله من مطر=مويته دمّ حمر
ابرديّه من جمر=ساقه المولى غضب
ضوح برقه يوم لاح=دمع طفل يوم طاح
صوت رعده يوم صاح=صوت عذرا تغتصب
اوله طعنة جريح=واوسطه طيحة طريح
وآخره جثّة ذبيح=فوح نار ذا شعب
قلت هذا هو اكيد= من بلي به من يحيد
كل شيطان مريد=يال سوء المنقلب
اهلك الله فيه عاد=هل إرم ذات العماد
وكل طاغي في البلاد=للخنا قام يهذب
قلت لحظة يا سحاب=خذ سؤال وجب جواب
رحمة والا عذاب=انته من اي الجبب
قال عني لا تسل=روح للأقصى وسل
باحمر الدمع اغتسل=شعب كامل وارتعب
دون الاقصى ما نحيد=عن شبا السيف الحديد
عند ذالعرش المجيد=سد ثقب لا انثقب
وقمت من حلمي جزوع =شايف شيِّ يروع
وقمت ازوع المر زوع=وقمت اضب الفكر ضب
الحلوم المحزنة=ثانيتها عن سنة
عزي لمن تشحنه=كن بيديها مجب
وقمت احسب بانسجام=قلت اجل بارجع وانام
لا جزاها الله حلام=تكشف اللي في الغبب
وجيت مسرع في المسير=خايفٍ نومي يطير
ناحر هاك الوثير=مرقد حلو المذب
يوم طرفي في كراه =سج جاه الحلم جاه
حلم آخر وابتلاه=لين شفت الخبت خب
شفت لي شي يهول=يذبح القلب الزعول
لا يحيل ولا يحول=انحب القلب ونحب
شفت خمس مية شحوف=الصفوف اثر الصفوف
والسيوف اثر السيوف=عسعس الليل وسرب
شفت خيل حذو خيل=ليل صبح وصبح ليل
نوب حط ونوب شيل=نوب ربع ونوب غب
السيوف امفسّرات=والسهوم موسّرات
والرماح مكسّرات=وكل مسنون شرب
كل عذرا في غبيط=حولها طفل شطيط
من لحم جوفه يخيط=ثوبها يوم انسلب
ومسجد الاقصى ورا=عن وحمهم في ذرى
في وشاح لا يرى=كالذخاير في الجربّ
من فلسطين الرجال=من عمام ومن خوال
كبّر الاقصى وقال=هيّدوا يا اهل الثرب
دام هذولا هلي=احمد الله ما علي
اضرب الخبت الخلي=ما حسبت حساب غب
ربّع الاقصى ولعب=دونه الاطفال شعب
ما على الله شي صعب=لا شكوك ولا ريب
كل طفل في جماه=عضّ واظهر له حصاه
حط الاقصى في حشاه=وفي عيون النذل شب
سايق روحه فدي=بعدي والله بعدي
من يده ما هي يدي=عرش صهيون اضطرب
طفل برمية حجر=روّع اولاد الغجر
لين لاذوا بالشجر=واستغاثوا بالربب
صار شي ما يصير=ما عجز عنه الكبير
جابه الطفل الصغير=غصب غصب مغتصب
هو مثل غيره حريص=ولا العمر عنده رخيص
مير والله يا بخيص=باع روحه واحتسب
هو درى أن لا حياة=دون الاقصى أو نجاه
وان لا شيئا سواه=يوصل الجنة محب
ناطح الموت يعدي=وْلدي نفدا وْلدي
من سهيل في الجدي=في سما العليا دأب
وقمت من نومي مخيف=كن فوقي حد سيف
قلت لطفك يا لطيف=قرّ يا جنبي وطب
وقمت افكر واستخير=قلت ما في السهر خير
لا يعار ولا يعير=يحتصب ما يختصب
قلت عونك يا معين=ودوب طرفي يستكين
زارني عقب الثنين=حلم ثالث وانتصب
شفت لي طفل صري=أبلج عظمه طري
كنّ في خده زري=ضوح نار في حطب
لا بس ثوب حرير=قلت ذا شيّ كبير
يا ابن حاكم يا ابن امير؟=يا ابن سادات نجب؟
فوق صدره طيلسان=وفي يمينه صولجان
قدمه آلاف الحسان=خرّدٍ بيض خُلُب
ألف شقر غانيات=والف سمر جاريات
وألف بيض دانيات=لولبيّات القُضُب
وألف كالفيروز جرد=وألف كالياقوت مرد
وألف تُسقى ماء ورد=من جمال منتخب
فوقه احمر ألف كاس=قدّموها أهل ألف طاس
لا يباس ولا مساس=حمر خالطها صهب
نور خدّه والجبين=مثل نور الصالحين
أو كؤوس من لجين=بيض ما فيها شوَب
ريح ثوبه زعفران=ديدحان قحويان
فاح من بين الثمان=عود جاويٍّ أشب
كنّ في ثغره درر=وكنْ بياض ايده شرر
لا ضرار ولا ضرر=يجرح القلب المشب
وسط قصر كالزجاج=كنْ جداره برج عاج
وأسقفه ملحٌ أجاج=مثل منقوش الكعب
فوق عرش من جمان=لبّسوه الإرجوان
في جنوبه قرطيان=مثل مركوز الطنب
قلت من ذا يا ترى؟=إنس أم جنٌّ أرى
ويش ذا يا من قرأ؟=ويش ذا يا من كتب؟
قلت هذا شهريار=وشهر زاد اللي يسار
قلت لالا كيف صار=مثل ذا ماله مربّ
قلت هذا التركمان=أو أجل جنكيز خان
قلت لالا كيف كان=مثل ذا وصفه عزَب
خذت لحظة كالسفيه=عقبها اومى لي يديه
قال زاير قلت إيه=قال قلّط وارتحب
قال ابسأل قلت سم=قال ابطلب قلت تم
بس سلّم واستلم=قال يا ضيف درَب:
يعربي والا حديد=قلت له هات المفيد
قال مسلم قلت اكيد=لو شذبنا من شذب
قام قال ارحب يا اخوي=يا ابن امي وابن ابوي
لا مطيع ولا عصوي=حِلّ والمغرب غرَب
اسألك بالله يا ضيف=كيف حال القدس كيف
مسجد الأقصى الشريف=كيف حاله والصحَب
قلت لحظة يا صغير=وانت وجهك وجه خير
لا بشير ولا نذير=لا مغبّ ولا مطبّ
ودي اسأل لا تهون=من تصير ومن تكون
اختلط نون بنون=واختلط دبّ بدبّ
ودي اعرف يا نما=أنت من أيّ الحما
أرض والا من سما=لأيّ حيٍّ تنتسب
قال أفا,عن ذا وفا=ما خبر خافي خفا
ضاع وجه في قفا=واكثر الماضي حثب
أنت ناسي يا فطين؟!=قم وطالع فيّ زين
كان لك أُذن وعين=مْحجرها ما غرب
قلت لا تشره علي=النواظر كالدلي
دلو يرجع ممتلي=ودلو يفشل من جذب
مثل ما قال الخليل=النظر حطّاب ليل
خبط عشوا في مسيل=لا تلومه لو زلَب
والشفق ثم الغسق=والقمر يوم اتّسق
عن طبق أعلى طبق=ما بقى جرح وطبّ
بس ذكّرني وشوف=كيف يجذب صوف صوف
كلّ ذكرى وسط جوف=فوقها الماضي سهب
ثم سكتّ وهو سكتْ=وعقب ساعة ما انحكت
كلمة,عينه بكت=قلت يا صغيّر أجب
وسج لحظة ثم بحَص=شمّر الكم وقحَص
شفت في عينيه حص=دمعة ماها دعَب
دمع موق روق روق=نوب تحت ونوب فوق
في مثل سمر البروق=اسود العين اغيَهبّ
وجض قلبه واصطفق=وهل دمعه واندفق
وقام يشبح في الأُفُق=كل نجم مضلهبّ
وشفت في عيون الصغير=راهبٍ في وسط دير
ماردٍ في وسط زير=جمرةٌ ذاتَ لهب
طفل قلبه قدح نار=شظوةٌ تقدح شرار
ساكنين اقصى الديار=من سناها في غيَب
قلب طفل ابو ثمان=نبضته في القيروان
أسمَعت من في عُمان=وأرعبت من لا رعَب
وعقب ساعة في سما=التفت كنّه عمى
في عيونه طشّ ماء=عاكس النور ورغب
قال سبحان المعين=وين أنا قبل امس وين؟
وشوف انا ذا اليوم وين!!=في جنان لا تُسبّ
وقلت أنته وش تقول=وش خبر ذولي وذول
لا تجنني اقول !=شف ترى راسي ضرب
خل قلبي يستريح=يالصغيّر كن صريح
ذي.هي الجنة صحيح؟=والا ركبة مالركب
قال يا طالب غنى=ها هي الجنه هنا
وكان ناسيني فأنا=من هل القدس انتسب
يوم الاقصى صاح صاح=الكل قالوا طاح طاح
كود انا درت السلاح=رب نصرا كان رُبّ
مسجد الصخرة ينوح=وقبة الصخرة تلوح
ما بعد هالروح روح=لعنبو من لا حضَب
يوم صوّت لي وقام=قلت اقول ارتح ونام
دام انا حي بتقام=والامان بيستتب
قال انا روحي بيديك=لا يخيب الظن فيك
قلت افا والله عليك=انت عيني والحجَب
يوم ينخى اهل العبي=بإسم عيسى والنبي
قلت أمرك وش تبي=ما تبي عده وجَب
آه يا لبّى ثراك=وآه يالبّى سماك
يا عسى روحي فداك=اطمئن واقدع رطب
يوم جدرانه شكت=جرّت الصوت وبكت
لعن ابويه لو سكتّ=والله لا اشبّ الحرَب
يوم كلب الصومعة=في خضمّ المعمعة
جاب خرفانه معه=يحسب الاقصى مصبّ
يحسب انه يستطيع=دهمة البيت المنيع
ما درى أنّا جميع=ارواحنا دونه نَهِب
يوم حكّام الفلَس=خانعين للدنَس
هايمين في الونَس=يْتساقون النخَب
قلت لا واللي خلق=ابن آدم من علق
ما نطاوع للسلق=وآخر الدنيا مضبّ
عن محرّفة الكتاب=دون بيت الله حجاب
قوّةٌ منها يهاب=راس قوم لم يهَب
صفّت الاطفال صف=دون الاقصى صفّ صف
يا موصّف وش تصف؟=من مروّية الغلَب
من مطلسمة الخطوط=من بقايا قوم لوط
في حجارتنا صعوط=فيه للغاشم عطَب
من ثعابين الوطا=ما رضينا بالخطا
سيفنا سيف سطا=في جناب وفي جنَب
بالوجيه العافرة=والقلوب الكافرة
جاء وبيّن خافرة=كلب صهيون ولعَب
بالنفوس الدانية=والرقاب الحانية
يبغى ولد الزانية=في حما الاقصى يطبّ
ابصواريخ تروع=مع مدافع مع دروع
صنع عبّادة يسوع=صال في شعب عزَب
بألف طيارة شبح=وألف غواصةسِبَح
قلقص الكلب ونبح=من كلاب في كلَب
بالسفن ذات الرؤوس=والكواسح والتروس
شبّ له حرب ضروس=كان عهد امس وقلب
بأسلحته الضاربات=والقنان القاهرات
جاء عشير العاهرات=ثوّر الحرب وثرَب
يالوجيه الدانعة=والجلود الخانعة
جاء يدور اليانعة=...أمّه مستقبّ
مير ربي قطّنا=في نحره وحطّنا
من شرب كاس الطنا=يثني لا مِسّ الحقَب
لو يجيب اللي يجيب=الف مليون حريب
وكلّ عبّاد الصليب=وكلّ عبّاد النٌصُب
لو يجيب اهل البطان=من شياطين وجانّ
الجبان ابن الجبان=ما عرفنا له حسب
نقلبه من فوق قلب=ونحلبه من تحت حلب
كلب ابن ستين كلب=ثب يا إبن الكلب ثب
بالقلوب الطاهرة=والجباه الزاهرة
والعيون الساهرة=مرابطين فوق قُبّ
بالسيوف الساحقات=والرماح الماحقات
والجياد اللاحقات=نستلم سِرو العِبَب
السيوف من الشجر=والرماح من الحجر
والجياد ارضٌ زجَر=رملها الطاهر وهبّ
من ثلاثة لا ثلاث=كلب صهيون استغاث
قام يمشي في الحثاث=حافيٍ ياطى القِتَب
عقب فسقات الرخا=لان راسه وارتخى
وان تعزوى وانتخى=ندعس امه بالكعب
وكان ما طاوع ولان=نلحقه نارٍ دخان
مثل نار الموبذان=تحرق القلب العسَب
دون قبة مسجدي=يا سرائيل اهجدي
اسجدي تحت اسجدي=مالك اليوم مْحَجَب
حن محيّرة القطا=الخطا عجل الخُطا
العطا عقب البطا=سلّة السيف الحدَب
كل طفل من طلع=به على الهيجا ولَع
ما عشقها من دلَع=كود من جبٍّ يجبّ
في جهار من نهار=شبّت الأجواء نار
صوّت الاقصى وثار=مثل ملحٍ لا التهب
قلت أمّن واعتلم=من دخل وجهي سِلِم
يلعن الله من ظلم=ودون حقك ما وثب
ابشر ابشر بالسعد=لا يهمك من وعد
لوّ قام ولو قعد=لو تطاول للشٌهُب
يا حبيب حنبله=من حشاي وسنبله
لو رموا به قنبله=نبت غير الحبّ حبّ
يوم ردوا للسلاح=والفلاح من الصلاح
دمّرت هوج الرياح=بيت صهيون الأكبّ
أحد رشّاشه معه=واحْدٍ اعزل ما معه
كود حيدٍ نزرعه=في جباه اهل الثغب
والحجر في يد أسد=يْحَصِد ما لا حصد
ألف رشاش بيد=كلْ جبانٍ مستخبّ
بيننا طال النهار=لين أمر الله صار
صابني منهم عيار=يحمد الله من طلب
صابني يوم المصاب=طلْق رحمة لا عذاب
وشفت أنا حسن المآب=شوف عينٍ ما كذب
لو دروا من بالعمد=غرّهم طول الأمد
ما وهبنيه الصمد=بعد دهرٍ ذا سغَب
كان ذبّوا بالحياة=ذبّة الحافي حذاه
وكل سلطانٍ مناه=جنّة عز الطلب
مثل ما عينك تشوف=جنة عنها الوصوف
تقصر وعنها الحروف=ما تصب ادنى مصبّ
وقلت حسبك بسّ بس=بسّ.ما يحتاج مسّ
لا تهسّ ولا تنسّ=جوّد اللحم العصَب
وقمت اهلّ الدمع تحت=ثم برد حيلي وطحت
قلت ما الومك لصحت=أوّل السكرة رضب
يا صغيري يالحبيب=هالشكل ما هو غريب
قال:قل,يمكن تصيب=من قضب دلوٍ جذب
قلت واحد بسّ مات=واسمه محمد ثبات
والعمر سبع سنوات=صارع الموت ونشب
قال:ياناصر وصلت=ذا جواب اللي سألت
ان عدلت او ما عدلت=كل عود له مشبّ
يا محمد بن جمال=يا ابن ابن درة تعال
ريح دمك لا يزال=يثوّر الأمّة غضب
قال وحتى يا رفيق=الطريق هو الطريق
واللجج ما بل ريق=مثل نار بلاحطب
قلت:ليه؟وقال:هه=كل شعب له جهة
باني له فوّهة=وان بغى ينجح رسب
قلت ما تدري وكاد=ويش سووا في البلاد
يوم نادوا للجهاد=جت مكافحة الشغَب
قال قابلني إذا=جاك أحد منهم في ذا
تحسب الدعوى كذا=دون جيّتهم ضبَب
قلت في هرجك غموض=قال تبغاني أخوض
قلت كلْ شيْ له فروض=كل قانون بسبب
قال أجل على البلاط=قصدي أصحاب البساط
كل جبار محاط=بالعساكر والكِتَب
قلت قرّب لي شوي=قال واضح كلّ شي
يا أخي خلك معي=قصدي اصحاب الرتَب
كل سادات العرب=همها حفظ الرتب
همها جمع الذهب=تحسب الفقر مْعَيَب
من الخليج اليا المحيط=كل حاكم في غبيط
عن ألم شعبه مُغيط=مع مخمّرة العنب
كل حكام الشعوب=من شروق في غروب
ما تخيط فتق ثوب=جنح ظلما لم تغب
بس تحشد في الجيوش=من أجل حفظ العروش
خايفة يوم يهوش=شعبها والا يقبّ
كل من لبس الصواع=جاع شعبه صاع ضاع
ما يهمْ دام الصواع=فوق راسه ما انسحب
دام عرشه في يديه=كل شعبه طز فيه
وكل شي العنة ابيه=في العنته أمٍّ وأب
دام عرشه في ثبات=طزّ في شعبه لمات
بات والا ما يبات=بنار تحرقه ولهب
دام عرشه في ذرى=كل حاكم ما درى
لو كلا شعبه ....=لو تسلّخ وانصلب
من حنى راسه لعرش=بيبيع ارضه بقرش
وبأقل من ربع قرش=تلقى عرضه ...
كل حاكم عن مطيح=شعبه الثكل الجريح
فوق عرشه مستريح=بين ود وبين حب
كل حاكم لبس تاج=ساج عن شعبه وماج
ما يراه الا دجاج=أو قطيعٍ به جرَب
يا ابو فارس وش هقيت=في مصدّرة البكيت
ان بكيت او ما بكيت=قلب قادتنا قلَب
لو ترى الناقة تبيض=ولو طيور الما تحيض
ولوّ ماء زمزم يغيض=وتطلع الصبخا ذهب
ولو بعد شاب الغراب=وآمن ابليس وتاب
ولو يحجّن الكلاب=وتاب فرعون وخطب
ولو رعى الذيب الغنم=ولو حكى صم الصنم
ولو يصير الميّ دم=ولو يتوب ابو لهب
ولو غدا القاضي جحا=ولو يصيب اشعب سحا
ولوّ من قبره صحى=ابن عبد المطّلب
ولو يصير العبد عم=ولو نسى العود المعمّ
وعاير السيف القلم=والدبا صارت دبب
ولو تطير السلحفاة=ولو خلط داب الصفاة
بالحلاوة سم فاه=ولو يصير الدب ضبّ
ولو يصير المستحيل=ولو يصير الصبح ليل
ولو يصير الراس ذيل=والجبب مثل القبب
ولو يخاوي القطو فار=والحمار ابن الحوار
ولو يخاوي الثلج نار=ولو يصير العلباْ عِب
ولو تصير الست خمس=ويصير باكر ليلة امس
ولو بدت في الليل شمس=وتشرق الشمس مغرب
كل شي ممكن يصير=الا شي واحد ما غير
مستحيل انه يصير=بأي ربع وبأي غي
مستحيل مستحيل=ان تلاقي بأي جيل
قائد ما هو عميل=عاهلٍ ما هو ذنب
قلت اقول اربط جحَشْك=صك بالبرقع وحَشْك
كان به شي محَشْك=في العرب لقّاط حب
لا تعمّم يا خبل=آفة العلم الجهل
كمّ به قائد بطل=وكم من زعيم ما يسب
ازعج اذني حس طار=وطار نومي طار طار
من يمين ومن يسار=كل آتٍ قد ذهب
وقمت من نومي وصحت=قلت تكفى لو سمحت
يا محمد وين رحت=لي على طيفك عتب
ليتني مع حلم دام=ساعةٍ عشت الف عام
آه يا محمد حرام=وين أرضك والمربّ
يا عيوني هللي=حرمي أو حللي
في بطن حجلة طلي=يال سوء المرتقب
ما تشكى ضامري=حب بنت العامري
ولا لعبت السامري=ولا رقيت المطلحب
يا جروحي كبّري=أقبلي أو أدبري
كسّري أو جبّري=ماء هدّاجٍ نضَب
يا ضلوعي نوّخي=في حشاي وفرّخي
وان زعلتي صرّخي=مثل من صاح ولتَب
يا مداين شيّعي=احفظي أو ضيّعي
لن يعي من لا يعي=لو عوى الذيب وقنب
صرخةٍ بأقصى البلد=روّعت من في المهد
أخرجت من في اللحد=كل ذا قلبٍ أشبّ
صرخة الاقصى الكريم=احيت الجرح القديم
وكل ما تحت الأديم=من عصور ابنَ وهب
صرخةٌ في إيلياء=أفجعت قلقيلياء
جاوبت إشبيليا=لحن أصداها شحب
صرخة الاقصى الأبيّ=زلزلت قبر النبي
والف قبر يثربي=جر صوته وانتحب
صرخة منها استهام=منبر البيت الحرام
عانق الركن المقام=موعد الحشر اقترب
صرخة هزت عزاز=أرض نجدٍ والحجاز
في تهامة كل باز=رف جنحان الغضب
صرخة أم الأبرياء=في قصور الأثرياء
ردّدتها سوريا=من دمشق اليا حلب
صرخة هزت بلاط=كل قصر في الرباط
ثوّرت أهل الرِّباط=كل إبن أمٍّ وأب
صرخة منها يهيج=كل شبر في الخليج
نار تقصدها الحجيج=في جماد وفي رجب
صرخة هزت طباق=أرض بابل والعراق
والتوت ساق بساق=أرض فارس والكرب
صرخة هزت لدن=أرض صنعاء اليمن
حضرموت مع عدن=سد مأرب والشعَب
صرخة هزت عمان=واربع في القيروان
وطار بالسودان جانّ=من عظيم مجتلب
صرخة هزت سميت=ليبيا حتى الكويت
وبالجزاير بيت بيت=نارها شبت لهب
صرخة منها انشطر=طود بحرين وقطر
وفي الامارات انفطر=كل قاعٍ مشلهبّ
صرخة في ظاهرة=جاوبتها القاهرة
أرض مصر الطاهرة=وصمةٌ إن لم تجب
صرخة هزت قصور=بعلبك صيدا وصور
وكل الاردن سور سور=وسايح البرّ انقلب
صرخة منها استحال=بحر صومالا ومال
موريتانا جال جال=وغور جيبوتي زهب
يا رجال العرب وين=كن ما فيكم أمين
الكبار مخدّرين=وارض الاقصى تنتهب
لعنبوكم كيف كيف=دونكم يومي بسيف
طفل توْ عظمه صخيف=ذاد عنكم واعتصب
طفل صدره خندقة=عظم كفّه بندقه
في ضلوعه خندقه=يعتننقها لا انسحب
آه يا والله القهر=ألف مرة في الشهر
من الصباح اليا الظهر=من عصر اليا مْغَرِب
غرّكم من هو يقول=أن عبّاد العجول
عندهم جيش مهول=وا خسارة من رهب
السلاح بلا قلوب=لا يثوب ولا ينوب
حن صناديد الخطوب=حن عريبين النسب
ما رضخنا للعصيّ=مْعَصِي ثم مْعَصِي
قوم ارجلهم خصي=بمثلهم كيف نْحَسِب
القلوب مخمّرة=والرجل منهم مرة
لو تصيقر حمّرة=ما تضوّي راس ضب
استجرتم بالطغاة=ثم نسيتم واسفاه
أنّ جانبكم إلاه=وعنكم النور احتجب
يوم وطّى روسكم=احتقار نفوسكم
كلٍّّ اضحى يدوسكم=حتى بوم ابو حقب
يا مكبّرة اللحى=والعذارى تستحى
وصفكم يشبه جحا=من خبيب في خبب
لا صرخ هاك الصبي=وفرّعن سود العبي
ما تجون الا حبي=لعنبوكم من حِزَب
لعنبوكم خير خير=كل ذي ريش يطير
لا قليل ولا كثير=كلكم حسوة جرَب
كان ناسين اليهود=آبي اذكّر باليهود
هم مصبّغة الجلود=هم مدنّسة الجِعَب
لعنبوهم فرد فرد=كلب كلب قرد قرد
المحارم جرد مرد=والرجال اهل مْعَلَب
يقتلون الانبياء=ويعبدون المومياء
لا كرامة لا حياء=باقية شعب خَرِب
كذّبوا موسى واخوه=واذبحوا يحيى وابوه
فوق طست قدّموه=لل....... .......
وابن مريم كذّبوه=خاصموه وحاربوه
لولا ذو العرش اصلبوه=فوق عود المنقرب
اقسموا بالفانية=أنّ مريم زانية
واولغوا في الآنية=ونجّسوا نهر الحبب
صادوا الحيتان يوم=سبت واصغوا للنجوم
عقب ما هم كان قوم=راحوا قرود عُصب
تاهوا بسينا سنين=في سنين الأربعين
لا معان ولا معين=تايهين في النُقَب
افسدوا وسط الديار=واسجدوا في اول نهار
عند عجل له خوار=والدما حد الركب
ويوم طالوت بغى=قتل جبّار طغى
ادبروا قبل الوغى=شرق يبغون الهرب
احمد قد سمّموه=اغدروا به واسحروه
وآزروا من حاربوه=ابن أخطب ذو الجِلَب
فيهم الفرعون سيد=ساطهم سوط العبيد
بالحبال وبالحديد=والفوا منه التعب
بالرجال انزل بلاه=وبالنسا خدّم نساه
لين موسى جاه جاه=وكبّله راس وكب
وبختنصّر ذو الوثاق=بين فارس والعراق
ساقهم سوق النياق=نصْ ونصّ آخرْ صلب
وهتلر عشّى بهم=جايعات كلابهم
زين ما سوى بهم=يوم خلاهم صلب
للغواني يركعون=وللزواني يسجدون
لا جباه ولا عيون=جاثمين في الذرب
هم قووايد الخنا=هم عماميل الزنا
لا هناك ولا هنا=هم مجنّدة القحب
اعظم الامم ذنوب=وانجس العالم قلوب
ضايعين في الشعوب=لا مربّ ولا مضبّ
زين الدنيا لهم=شمعدان اطلالهم
المذلة فالهم=في الحناجر تشرأبّ
حلت اللعنة بهم=سابحين في وهم
مثلهم مثل البهم=في رجاء المرتقب
الدياثة طبعهم=والخنا من نبعهم
ساد فيهم ضبعهم=اهب يالملعون اهبّ
هم اذل العالمين=لا بدنيا لا بدين
كارهين صاغرين=لو علوا هام السحب
شعب كل يلعنه=ماله الا المسكنة
لو سعى ما أمكنه=في الامم صاروا ذنب
مالهم في الارض أرض=عرضهم ما هوب عرض
حكم هتكه فرض فرض=فرض عين إن وجب
من ذبح فيهم وحيد=هقوتي له اجر الشهيد
بشّره يوم الوعيد=يال حسن المكتسب
والسبب أن اليهود=ذبحهم يبرى الكبود
آمّة تؤمن بعود=ولا ترى في الرب رب
لو بيدها اخطر سلاح=شعب اذل من السحاح
طفل بليا سلاح=شاعهم شوع الهلب
من حجر طفل شهر=شافوا نجوم الظهر
طفل في عمر الزهر=شب فيهم واحتطب
طفل خلاهم خشاش=كيف لو بيده كلاش
مثل ذا الطفل او بلاش=من نسانا في الطلب
كيف من ذولا نخاف=يا موسّرة اللحاف
الحلايل تستضاف=والمنازل تقتضب
لعنبوكم من رجال=انخدعتم في مقال
لا سلام بالقتال=بل بإبرام الخطب
ما بعود الخيزران=قهر رمح ذي سنان
لا ولا بالسنديان=عاض عود من قصب
يا سلام آخر سلام=لا سلام بلا حسام
من سلام يا سلام=فيلق الطاغي غلب
غاية من دون سيف=يا رجال العرف حيف
ما شتاء يأتي بصيف=ولا من الآغا انخطب
آه يا امة خلف=للأمم صارت علف
تاخذ الذلة سلف=مجدها الماض اغترب
يا...... الدول= كيف تحقيق الأمل
دام طيبكم خول=والذنب فيكم شنب
آه يا شعبٍ ذرف=وين يبغى له شرف
شعب الهاه الترف=واحرق الدمع الهدب
شعب اعمى ما يشوف=بين حوف وبين خوف
بين ابو عايف وعوف=متربّع له كنب
فوقهم شب الرصاص=كل حايص ثم خاص
وكل ما قالوا خلاص=ابتدى بأخرى وشب
فوقهم سيف كما=قذف نجم من سما
وهو على صهيون ما=سل سيف من خشب
اجتماع كبارنا=ما يطفي نارنا
لين ناخذ ثارنا=والفشق صوته طرب
ما عساهُ أن ينم؟=اجتماع للغنم
يا صنم قابل صنم=كل نتايجكم لغب
هم يسموه اجتماع=اجتماع للسباع
ولا يجيه الا الضباع=وكل ثور مقتصب
الولد مما نشا=والقدم مما مشى
والحشا مما انحشى=فيه بارود وحب
لعنبوكم من رجال= ما تضوي راس مال
همكم في كل حال=كيف توثيق الرتب
لعنبو مصلوبكم=عن صواب شعوبكم
غامسين كوبكم=في الزبيب وفي العنب
لعنبوكم كيف جات=طفل ابو سبع سنوات
دون الاقصى استمات=في جحيم مصلهبّ
طفل ما هاب الفنا=دون بيت الله ثنا
وانتم ولا انتم هنا=من سرير في كنب
باع دنياه بثمن=الثمن جنة عدن
قبره ارضه والكفن=قبة الاقصى الأشب
يا شعوب آخر زمن=من يبيع الروح من
ليس من حياً كمن=باع روحه واحتسب
مسجد الاقصى يضام=هه يا سادة يا كرام
وين من صحصح وقام=وطوع الكلب الأغبّ
يا مكثّرة الخدم=كلنا لحم ودم
البداية من عدم=والنهاية في تُرَب
يا بشوات القصور=يا بهوات الخمور
ما درى باهل القبور=من قضى وقته طرب
عن الم كل الشعوب=نظرة الحكّام صوب
كل قائد يم صوب=راح يبحث عن لقب
ولا تطول ارقابها=ناس لولا القابها
ما حسبنا احسابها=لا اصول ولا حسب
يا مليمة الخدن=سابق المجد الزمن
حكم ياسر راح صن=وانطحن في الراس حب
يا ........ العرب=تبت يديكم وتب
مثلما تبّت وتب=يد شارون وتب
خل ترديد الحكم=وقل لنا يا ابو الحكم
بعت دم شعبك بكم=وكم ولد طنطا قضب
بس يا ياسر خلاص=كل جرح له قصاص
لا ملاذ ولا مناص=...................اهب
بس يا يا,, ....=ما ورا هذي ورا
من هو جايبنا ورا=غير شاكلتك ..أجب
ولو وجوده ما افاد=مستحلين البلاد
كان مثل ابو جهاد=عيدوا بك يا ذنب
لو ..... .........=منك عز وراس مال
دبّروا لك اغتيال=او سعوا لك في العطب
امة تذبح فدي=نصف شعبك يا ردي
ولمصافحها تعدي=لعنبو هاك الشنب
راح دم شعبه سلف=والسلف مثل التلف
لو بينكر ويحلف=يْعَقُب ثم يعقب
كان مقصده السلام=يا رفيق اخذ الكلام
عطّف الطاغي شمام=الحرَب ثم الحلَب
عمر حبر في ورق=ما يرجّع ما انسرق
كل شيّ له عرق=والعرق مثل السبب
ما ورا كوفي عنان=ذلك العبد الجبان
الخصي حلو اللسان=كود ذلّ ومْغَلَب
وين مرخين الخطام=وين مروين الحسام
وين مقفين الظلام=ايه!! لله العجب
وين صافين الذمم=من معصّبة العمم
وين أعلام الامم=وين أرباب الرتب
وين حامين الخبا=في البيان وفي الغبا
وين مروين الشبا=عن حريم تحتلب
وين مرعبة الجموع=عن مسبّلة الدموع
عن رضيع يموت جوع=عن رضيع يموت جبّ
وين بانين الذرى=وين قازين الكرى
وين عبّادة حراء=وين حلوين القرب
وين كاسين الفرود=عن مصلين سجود
عن هلٍ كانوا رقود=يذبحون ولا تهبّ
وين مرغمة الخصوم=كانها نامت تقوم
هذا ما هو وقت نوم=ما ورا النومة شبب
وين مسقين السيوف=وين مردين الحتوف
كل عين ما تشوف=جعل فيها يثرّ شبّ
وين مدّبة العُصاه= عن طواغيت طغاه
آه ثم آه آه آه=كل بن كلب نهب
وين حامين الرغام=وين حاجين الجهام
عن حلال هو حرام=حلّلوه اهل السلَب
وين نزرين الرجال=وين عزرين العيال
مثل (فيصل) أو (جمال)=لا بغى شي وجب
وين غاذين الحصن=عن مصون لم يصن
يوم طقن صن صن=يا مكبرة العيَب
وين صعبين المراس=ما ستر بعض اللباس
فضّة صارت نحاس=مير شب النار شب
وين جبرين الضلوع=يا محمد يا يسوع
عن منام فوق كوع=امة راحت كبب
وين حامين الحمى=ادرك الكبد الظما
هيه يا مال العمى=كيف يكسب من كسب
وين مشبعة السباع=والجياع من الضباع
وين مزحمة القلاع=وين مدركة الصعب
وين مجرعة الحساس=وين ملهبة الحماس
كل ذيل صار راس=واستوى عظم العصب
وين صلفين التروس=وين معطين الدروس
دكت الحرب الضروس=وهم ورا سود الحجب
وين عسرين الجبال=خازمة روس الجمال
عن مروبعة الحبال=عن ملغّمة الحلَب
وين مردمة الحيود=وين مضرمة الكبود
وين مدحمة الزنود=وين متعبة الثعب
وين بارين السهوم=وين جزمين العلوم
وين ذربين السلوم=وين بارين الكلب
وين ملحمة القنا=واردة حوض الفنا
حامية رهو الضنا=ويوم ساء المنقلب
وين زاهين الفصوص=وين مفحمة اللصوص
وين مقطبة النصوص=وين أساتذة الكتب
وين شمطان اللحى=من عفاريت الضحى
عن دواليب الرحا=يوم دارت بالسعب
وين مصخين القلوب=وين مرخين الجيوب
عن ذنوب في شعوب=من مقصدرة العلب
وين ظفرين البخوت=وين ضافين البشوت
كيف ترضى بالسكوت=والطلق تحت الطلب
وين متعبة العسيف=وين مرهقة الحفيف
وين منقذة الحليف=وين حامية التلب
وين عطبين الطعون=وين مرهين الصحون
عن موسّعة الطعون=عن مرقّعة الجلَب
وين فزعات الشيوخ=الشيوخ اهل الشموخ
عن صغار كالفروخ=دمها صب وسكب
وين مدركة الذبيح=شافية قلب الجريح
مقعدة راس الطريح=تلحق الدم الركب
وين مطلقة الرصاص=يوم ماص فوق ماص
لا ملاذ ولا مناص=والهرب ما من هرب
وين حمران العيون=وين قاضين الديون
وين مثنين الجنون=وين ملحقة العصب
وين قادات الجيوش=وين سادات العروش
وين وثبات الوحوش=عن مطوّية الحقَب
وين صلبين الكيان=مرتضى خضر الجنان
يوم عشر جت ثمان=وبرزخ الحشر اقترب
وين موجهة الخيول=وين حاملة الحمول
وين هدات الفحول=يوم كل فحل ينبّ
وين سفرين العمل=من منوّخة الجمل
يوم الاقصى من الهمل=كش وجهه ثم شحب
وين عقبان الرجوم=مرقبة بيض النجوم
لا دفاع ولا هجوم=والشلي فيهم ذرب
وين أبحار الندى=مجهدة جند العدا
وين اقلام الفداء=ما احدٍ فيهم وظب
وين مرسين الديار=وين صنّاع القرار
من يمين ومن يسار=مثلهم مثل اللعب
وين غلمان الثنا=شاربة كاس الطنا
بالقنا لا بالغنا=مصاب مجد لم يصب
وين عشاق الصلف=وين طراد الكلف
يا خلف أفضل سلف=في الزمان المحتجب
وين حامية الذمار=وين مرخصة العمار
صيّحت ذات الخمار=وين ندب المنتدب
وين مدخلة الدخيل=عن يويل وقطع حيل
بين حط وبين شيل=بين مدح وبين سب
وين مكعمة الحريب=عن صحيب وعن قريب
قطع صيب وشق جيب=كل ملهوف ندب
وين مرذية الركاب=مخرجة ما في الجراب
وين مكرمة الحراب=عن ضعوف تطّلب
وين مصخية الرقاب=عن سؤال هو جواب
ما ورا هذا الجواب= يا مجدّدة النسب
وين الاحرار الحرار= عن طوال وعن قصار
الحمار بن الحمار=عن شرفنا لم يتب
وين دبكات الجنود=وين رزفات الحشود
بالمسالم لن نسود=عدّنا طين لزِب
وين حومات الصقور=وين رفّات النسور
وين ركضات النمور=مسجد القدس اضطرب
وين لبّاس الحديد=عن مية الفٍ شهيد
يوم سيقوا كالعبيد=يقتلون بلا سبب
وين صولات الاسود=وين خبطات الفهود
وين صعقات الرعود=يوم ريح الحرب هب
وين مدّية الفروض=وين ساترة العروض
يوم أغرتها العروض=واسلمت من كل لب
وين بانين الحصون=عن هلٍ يستنجدون
في القبور وفي السجون=استبدّبها الوصَب
وين معلين البروج=وين مخلين السروج
وين ماشين الفجوج=من مدابيس السرب
وين وين اللي بحض=قال لالا وانتفض
ضف ريشه وانتهض=جر صوته ثم قنب
طش ثوب الذل عنْه=وزحزح الذل ولعنْه
وساق للأقصى ظعنْه=سرّج الخيل وركب
اقعديني يا مها=انتهى القول انتهى
يا لبيب القلب اها=في العرب عقرب نشب
عيش يومك واترك امس=واقلع الشيطان وامس
ثم صلْ خمس وخمس=فوق سبعك والركب
لوّانا ما امون امون=لو يكون اللي يكون
من سيوف الأقربون=في وجه ربي مُكِبّ
بتبارك والعلق=وجزء عما والفلق
عذت من شر ما خلق=وغاسقٍ إذا وقب
وجه من أنزل سبا=والمعارج والنبا
لذت من خابي خبا=وكل من خب ونكب
منزل قافاً وزاد=الف لامٍ را وصاد
كاف ها يا عين صاد=غير ربي ماش رب
منزل آيات الرعد=قل هو اللهُ أحد
والمسد هي والبلد=هو ملاذي والمربّ
منزل اقرا والطلاق=والضحى والانشقاق
هو ملاذي يوم ضاق=بي فضا الكون الرحب
منزل آيات الزمر=والتكاثر والقمر
رب نونٍ والحجر=باسمه الفرد احتجب
من بدا بالبسملة=كل آيٍ منزلة
الضحى والزلزلة=في كتاب ما كذب
منزل السبع المثان=والبراءة والدخان
خالق إنساً وجانّ=جاعل لكلْ شيء سبب
ذا نهاية ما نظمت=من حلو قافٍ حكمت
يوم سلمت استلمت=كل مصبوبٍ على اب
من قصيد ما يموت=ملحمة فيها البيوت
الف قاف جت ثبوت=وبحر فكري ما نضب
هي هدية من فقير=القبر طفلٍ صغير
هيّض بموته ضمير=له سنة ميت وقبّ
ذا وخاتمة الكلام=السلام ازكى ختام
عد ما يضرب سلام=عد من هبَّ ودبّ
ما جرى عيد لعيد=وما سعى عبد لسيد
للنبي احمد وازيد=لآل عبد المطّلب
أخي الكريم / الليفاني السلام عليكم ورحمة الله وبركاته وبعد : شكرا جزيلا لك على نقل الملحمة المقدسية وصح لسان شاعر الثقلين / ناصر بن محمد الفراعنة السبيعي وبيض الله وجهه وجعلها في ميزان حسناته يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خير ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .


رد مع اقتباس
 
 
غير متصل
 رقم المشاركة : ( 8 )
مسلط 22
وسام التميز
رقم العضوية : 8443
تاريخ التسجيل : 02 - 07 - 2006
الدولة :
العمر :
الجنس :
مكان الإقامة :
عدد المشاركات : 1,834 [+]
آخر تواجد : [+]
عدد النقاط : 10
قوة الترشيح : مسلط 22 is on a distinguished road
الأوسمـة
بيانات الإتصال
آخر المواضيع

التوقيت
رد : الملحمة المقدسية ألف بيت للشاعر الكبير / ناصر الفراعنة السبيعي

كُتب : [ 27 - 12 - 2008 ]

جزاك الله خيرا

الطـيـب لا تسـتغربه مـن هـل الطيـب = اللـي لـهم في منهج الـطـيـب خـبـره
أوسع على الأجواد من فيضة شعيب = وأضـوق على الأنذال من خرم الإبره
والأمثال قـالـت كل طـيـر ٍ لـه لـعـيـب = يـدرع بـمـا يـدرع ويشبــر بـشبــره



[ مدلهة الغريب - موردة الشريب - مكرمة الضيوف - مروية السيوف ]
رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الملحمة المقدسية للشاعر الكبير / ناصر بن محمد الفراعنة السبيعي مخايل الغربي منتــــدى القصائـــــد المنقولــه 31 03 - 04 - 2009 14:44
مرثية الشاعر الكبير / ناصر الفراعنة بمولوده خيَّال الغلباء منتــــدى القصائـــــد المنقولــه 13 25 - 08 - 2008 22:47
وصف ذلول اللغز للشاعر الكبير / ناصر بن محمد الفراعنة اللفياني منتــــدى القصائـــــد المنقولــه 3 19 - 06 - 2008 07:39
مجاراة للشاعر الكبير ناصر الفراعنة غزاي.السبيعي منتدى المسابقات الشعرية 5 14 - 06 - 2008 19:44
شيلة الشاعر الكبير / ناصر الفراعنة في الكويت مخايل الغربي منتــــدى القصائـــــد المنقولــه 18 11 - 02 - 2007 07:32


الساعة الآن 18:04.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها