السلام عليكم جميعاْ / احب اني اشارك بهذه القصيده وهي لشاعر ثامر بن قطيم السبيعي وان شاالله تعجبكم
[poet font="Simplified Arabic,4,black,bold,italic" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
قالو علامك تترك الشغل وتروح= خليت شغلك يالغشيم الهبيلي
ناسٍ تعرضلي على غير مصلوح= ونا مع اهل العرف رايي دليلي
ماني بحاجة هرج عاذل وناصوح=اهل الشماته قوم قال وقيلي
أدري بمصلوحي ولي عزم وشبوح=ولاغير خلاقي عليه وكيلي
ولانيب فالدنيا حريصْ ومشفوح=المال يخدمني ماجيله ذليلي
وش فايدة مالٍ يقصر عن الروح=وحتيش لو كثرة فلوس البخيلي
ويالله يامنجي من المهلكه نوح=تنشي من المنشامزون المخيلي
ونسمع رعود الوسم وبروقه تلوح=ياوسع الرحمه وفضلك فضيلي
وترجع ربوع الدار والشطه تزوح=ويكسي نبات العشب حزم ومسيلي
ونسج صلاة الفجر عجلين وسروح=فوق الجيوب اللي من اخر مديلي
وشقر الحرار مربطاتْ على اللوح=ورفقة عيالْ يكسبون الجميلي
وجال النشامى مناوش عناد ومزوح=امزوح ذربينٍ هدفهم نبيلي
وراح العماس وضايق الصدر مشروح=وخذت فوق الكف ضاف الشليلي
الاشقر اللي لبرق الريش ذابوح=متفهق الجنحان هجر وطويلي
عريان ريش وكن دقاته فوح=مسعور شوع ولانقلته ثقيلي
وعليه من وجه الحنش شبه ولموح=وافي صخيف امواس عظمه جليلي
وقلت اوقفو وش شاف مع ايمن الصوح=ومع كلمتي قالو تقافن جفيلي
ثم ارتقص ونزاع صامل ولاحوح=صملة شجاعْ من عدوه غليلي
في خايعٍ ماديس وازهاره تفوح= خالْ من العربان مابه نزيلي
فيه الزبيدي صايبْ روسه فلوح= وللصيد جره والمدور قليلي
ويازين شب النار في حاجر السوح= والجو مشمس والشغايا تسيلي
والكيف طايب والغداء قدره يفوح= وريش الحباري مثل كوز النثيلي
وراع الولع مبسوط وبليس مكبوح= والهم يقضي والسعاده تجيلي
وسلامتكم / ثامر السبيعي /
[/poet]
غير متصل
