استراحة المنتدىالطرائف والنكت والتسلية والفكاهة المقبولة والنكت البريئة حيث ينشر فيه أطرف المواقف و أغرب السوالف التي لا تخدش الحياء ولا تعارض أدب مجالس سبيع الغلباء
ماذا حدث للبنات الاربع في يوم الاربعــاء في العلياا بالريــاض....؟؟؟!!
ماذا حدث في يوم الاربعاء لبنات في حي العليا..!
منقول من لسان شخص عاش الموقف بنفسه
يقووووووووول
كنت في منطقة العليا بمدينة الرياض وكنت على
موعد مع صديقي على العادة كل اربعاء يمرني بعد صلاة العشاء نتمشى الى
الساعة عشر ونتعشى وبعد العشى نمر نستأجر افلام ونروح البيت ونسهر
عليهم الى صلاة الفجر وفي هذا اليوم اختلف البرنامج تماماً مرني صديقي
وطلعنا وسوالف وقال بمر المملكة والفيصلية اللي هي قريبة
شارع التحلية قلت له لا تروح هناك قال يا رجال نتفرج لاحول قلت اليوم
اربعاء وزحمة واكيد فيه هيئة قال وش علينا كل العالم تروح المهم رحنا
دخلنا السوق وكان مزحوم وكانت الهيئة موجوده وبشكل كبيرة اكثر من سيارة
المهم أخذنا لفة وحدة وكان قلبي مش مرتاح قلت فيه شي او راح يصير لنا شي
وانا من النوع أحس اذا فيه شي ودايم سبحان الله يطلع احساسي صحيح المهم
وحنا في اللفه الثانية رحنا مع شارع كله محلات راقية وهناك لقينا سيارتين للهئية
واقفين متخفين بعيد وكأنهم يراقبون احد المهم قلت لخويي قلبي قابضني فيه
شي بيصير لا تترك الشارع هذا خذ لفة ثانية المهم وحنا في اللفه الثانية الا
الشارع
فيه زحمة وصوت كلام عالي ومانشوف شي سيارات زحمة
والسيارات واقفه قلت افتح الباب واوقف المهم
فتحت الباب ووقفت لقيت واحد من الهيئة يصارخ
على اربع بنات ووحدة منهم هي اللي تصارخ عليه وتتكلم معاه وشوي وهو
يقول لها ما اقدر امد يدي عليك خليها تجي بالطيبه وهي تقول انت خليت فيها
طيبة المهم قال شغلك معاي قالت له البنت
اسبق خيول ابوك اركبه واذا انت رجال الحقني المهم ركبوو السيارة وهو يقول
لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات
اللي شافت الزحمه وانطلقت السيارة اللي فيها بنات ومسرعين على شارع التخصصي
ووراهم سيارتين حقت الهيئة وحنا ومعانا سيارات زحمة نلحقهم المهم السيارات
في سرعة عالية مرة
وهنا يبان لنا انها مطاردة ياساتر على السرعة وانا خويي اقول هدي
السرعة وانا خايف من جد لان صديقي اندمج وهو يلحق السيارات وانا يا فلان
اتركهم وش علينا منهم وهو هذا تخصصه يحب يشوف علشان العالم كلها تدري
صاير(واش) المهم وحنا وراهم وجاء الدوار الكبير حق الثمامة وكل السيارات
مسرعين والسيارة اللي فيها البنات
اول سيارة في المطاردة وشوي وفي الدوار يالله سرعة جنونية وسيارة الهيئة
وراهم نفس السرعه وقرر يجي جمبهم سواق البنات تفجئ من جد وشوي الا هو
فوق الدوار وتنقلب سيارة البنات ومن جمب الدوار وتنقلب وتطلع من الجهة
الثانية وهنا في بنت من قوة الانقلاب طلعت من السيارة بدون عباء
واخيرا وقفت السيارة بعد اربع قلبات وسيارة الهيئة صدم في الدوار ولا انقلب
وانا هنا وقف شعر راسي وجاتني مثل الدوخه وخويي وقف سيارته نزل قلبه
قوي وانا قلبي قوي بس منظر البنت سبب الصدمه يخوف ولي اسبوع اذا ذكرت
يا سلام الصورة اللي بالتوقيع ممتازة جدا >>> يصرف السالفة كأنه ما اكل المقلب ههههههههه
لكن احرص على القصص الواقعية لأن النبي صلى الله عليه وسلم قال: "ويل للذي يحدث فيكذب ليضحكبهالقوم ، ويل له ، ثم ويل له" رواه ابو داود والترمذي وصححه ابن حجر.
لولا المشقــة ســــاد الناس كلهم = الجــــــود يفقر و الإقــدام قتّــال
غير متصل
بنات العليا {{{ أستغفر الله }}}
سبيعي
