تحيه طيبة ،،
قصيدة الشاعر
عيد بن محسن بن جغيثم
والمناسبة مشاهده برنامج يتحدث فيه مجموعه من العلمانيين عن النساء في السعوديه وانهن يحتجن الي قياده السياره ولعب الكره وغيرها
امل ان تنال اعجابكم
القصيده
يالله يالله يــارب المصلـيـنـي=ياغافر ٍ ذنب من أخطا وثـم تابـي
أسألك يا الله تصلحنـي وتهدينـي=درب الرشاد وتخفف لي من حسابي
الناس قامـت تبـدل فالعناوينـي=حتى المطوع يسمونـه بالارهابـي
واللي ترك دين ربه قـام يعطينـي=درس ٍ في سيرة نبيي و ألف كتابي
واللي يسبون في هيئة هل الدينـي=يبغون نشر الرذيله يفتـح البابـي
قالوا تسوق المره وسط الميادينـي=شّين يخفف على الرجال ما عابـي
قالوا تشوت الكره مريوشة العينـي=تلعب رياضه عشان الجسم ينسابي
قالوا تـذب العبـاة الله يكسينـي=ستره ولاهي غريبه تلبس الكابـي
قالوا تشارك مع الرجـال وتعينـي=دنيا ًتعيبه بها الرجال قـد شابـي
قالوا حقوق المره هو حقها وينـي=تبغون شاة العرب ترعى مع ذيابي
يـا كاتـبٍ فالجرايـد بالتلاوينـي=لون كلامك ومعني الحرف ما غابي
لا تحسبنـا مهبـل او مجانيـنـي=حنا نميز كـلام الخبـل لا خابـي
حنا حماة الشرف للعرض حامينـي=ستر العذارى وستر الدار بحرابـي
لا جاء نهارٍ تثوربـه الدخاخينـي=حنا مع الموت تجمعنا به اسبابـي
شوفوا فعول النشاما يـا رديينـي=صولات جولات لا ترحم ولا تهابي
في ضل منهم على العوجا سلاطيني=اٍعيال عودٍ حكـم بالديـن وهابـي
ولاّ انت في مرقصك والليل ياعيني=تشرب قزازة خمر والليل ماطابـي
واليوم تبغـي تٍحكـم بالقوانينـي=ما عاد ترضى بحكومة رب الاربابي
يا عيال علمان يا وجه الشياطينـي=والله ما تفرحـون بهـز الاطنابـي
والله يبعـد مداكـم يـا خبيثينـي=والله يستر جميع الناس و أحبابـي
والختم صلوا على المختار هاديني=أحمد وصلوا على اًله والاصحابـي
غير متصل
