تين ويعومه..!!

[ابن بداح]

قصيده قلتها في الشيخ / سعد بن ناصر بن جازع أل علي

عندما حضرت احدى احتفالاته الكبيره عند ابله في ربــى جبل تين جنوب شرق وادي الخرمه ..

عد ماهبت ذعاذيع النسايم = في صباحٍ غيبت شمسه نجومه
مرحبا في مرحبا والحظ قايم = عند نشميٍ قوياتٍ عزومه
والجميع بدون تخصيص وقسايم = الوفود اللي على الحفل معزومه
في محل الجود والجو الملايم = كل شاعر ودنا نأخذ علومه
عند شيخٍ في بحور الطيب عايم = من شعر راسه إلين أخمص بهومه
أبو ناصر مع قويين العزايم = في صروح المجد واردةٍ سهومه
المراجل والمكاسب والغنايم = ورث أبوه وورث جدانه وقومه
شاد بيت العز في عبلة يعايم = شامخٍ كنه من بيوت الحكومه
واسعٍ مبناه واطرافه حكايم = سعد من ينصاه لقضيا . لزومه
باذلٍ فيه الشحم والكيف دايم = والنشاما تدهله ليله ويومه
ماتوزى فالجبال وفي اللثايم = انتحى به في ربى تين ويعومه
عند ذودٍ مايسومه كل سايم = كايدٍ وصفه وفارقـةٍ وسومه
فيه زود وفيه ميزاتٍ جسايم = ندرته فالمنطقه شبه معدومه
ذود أبو ناصر يفوز بلا هزايم = فالمزاين والتحدي والخصومه
عربه رجال ماقلبه بنايم = واذكر الله والشياطين مخزومه
زاحم أهل البل معصبة العمايم = ماخذه جو الحضاره والنعومه
أتصل بي في دجى ليل وعتايم = وقمت لجله قومةٍ ماهيب قومه
فزة المشتاق والقلب المهايم = والــّتـبست البشت مقلوبه كمومه
قالوا أركد لاتطيرك اللزايم = قلت عفواً والقرارات محسومه
والله ان اصبر على قطع الخرايم = واصله لوفي ضباء وإلإ تنومه
دعوة الغالي لها قدر وحشايم = خص لاجت من ربع وابناء عمومه
ون حصل تمييز في بعض الحوايم = مانساوي فرخ صقر وفرخ بومه
احكي الواقع ولاحب الظلايم = والصحيح أميزه واعرف سلومه
واكره سلوب التعصب والشتايم = في دفاع الوقت وإلإ في هجومه
وافتخر بــ اللي فعائلهم عظايم = عزوة الغلبا سند راسي و زومه
واثني الترحيب في مسك الختايم = باسمهم واجمع شرفنا قدومه

[فـــالح السبيعي]

المشاركة الأصلية كتبت بواسطة ابن بداح

زاحم أهل البل معصبة العمايم = ماخذه جو الحضاره والنعومه
أتصل بي في دجى ليل وعتايم = وقمت لجله قومتٍ ماهيب قومه
فزة المشتاق والقلب المهايم = والــّتـبست البشت مقلوبه كمومه
قاللو أركد لاتطيرك اللزايم = قلت عفواً والقرارات محسومه
والله ان اصبر على قطع الخرايم = واصله لوفي ضباء وإلإ تنومه
دعوة الغالي لها قدر وحشايم = خص لاجت من ربع وابناء عمومه

صح لساااانك مليون يابوعبدالله
وبيض الله وجهك قصيده جزله جزله ولاهي غريبه
على مفرح إبن بداح الجزااااله لاهنت
ويستاااااهل سعد بن ناصر هذي وأكثر فهو رجل
خدم قبيلته ورجل فيه حميا وشهامه ونفتخر فيه وفيك
تقبل خالص ودي

[اّلرٍمثاّني]

ارحب ارحب يابوعبدالله

يالله ان تصبحه بكل خير


كالعاده يابوعبدالله شهادتي فيك مجروحه

ودايم منفرد بالابداع

" صح كلك يابن العم ولاعدمنا بوحك الراقي"

ويستاهل الشيخ سعد بن ناصر بن جازع

اخوك

عبدالله بن دخيل الله

[منصور الحري]

ابو عبد الله صح لسانك ولا هنت يالغالي

[خالد الشماسي]

صح لسانك يا ابو عبد الله

ابدعت في هذه الرائعة ، ومن افضل ما قرأت لك



والشيخ / سعد بن ناصر بن جازع أل علي يستاهل المدح

[شبل الاسد]

زاحم أهل البل معصبـة العمايـم
ماخذه جـو الحضـاره والنعومـه
أتصل بي في دجى ليـل وعتايـم
وقمت لجله قومتٍ ماهيـب قومـه
فزة المشتـاق والقلـب المهايـم
والّتبست البشت مقلوبـه كمومـه
قاللـو أركـد لاتطيـرك اللزايـم
قلت عفواً والقـرارات محسومـه
والله ان اصبر على قطع الخرايـم
واصله لوفي ضبـاء وإلإ تنومـه
دعوة الغالي لهـا قـدر وحشايـم
خص لاجت من ربع وابناء عمومه




شاعرنا الكبير ابو عبدالله



صح لسانك مدد بلا عدد



يستاهل الشيخ سعد




تحتي.

[عيسى السبيعي]

الله الله يابو عبدالله قصيده طيبه
والشيخ سعد يستاهل

صح لسانك يالغالي

[ابن جمل]

اتصل بي في دجى اليل وعتايم = وقمت لجله قومه ماهيب قومه ----------------------------


---------------------------------------------------------------------------------------------------------------------
---------------------------------------------------------------------------------------------------------------------
-------------------------------------------------------------------------------------------------------------------
------------------------------------------------------------------------------------------------------------------

جميله يا ابو عبد الله صح لسانك

[عبدالله الحضبي]

الله يابن بداح
قصيده رائعه
انت دائما متميز يابو عبدالله
قصيده تعتبر من نوادر التراث العريق
والمدح الجيد
والشاعر سعد بن ناصر من اهل الكرم
والجود ويستاهل مثل هذه القصائد
فهو فخر للقبيله
لك شكري وتقديري
وتقبل سلامي

[مصلح ربح]

المشاركة الأصلية كتبت بواسطة شبل الاسد

زاحم أهل البل معصبـة العمايـم
ماخذه جـو الحضـاره والنعومـه
أتصل بي في دجى ليـل وعتايـم
وقمت لجله قومتٍ ماهيـب قومـه
فزة المشتـاق والقلـب المهايـم
والّتبست البشت مقلوبـه كمومـه
قاللـو أركـد لاتطيـرك اللزايـم
قلت عفواً والقـرارات محسومـه
والله ان اصبر على قطع الخرايـم
واصله لوفي ضبـاء وإلإ تنومـه
دعوة الغالي لهـا قـدر وحشايـم
خص لاجت من ربع وابناء عمومه




شاعرنا الكبير ابو عبدالله



صح لسانك مدد بلا عدد



يستاهل الشيخ سعد




تحتي.

لاتستغرب عليك عرفناك من ذالبدايه وعرفنا الابداع من شخصك الغالي

تقبل تحيات اخوك واحترامه