رمز القبيلة 503 على لوحة سيارة وبمبلغ مبالغ فيه

[خالد م سبيعي]

السلام عليكم ورحمة الله وبركاته يا جماعة الخير

احد من الاشخاص اعرفه شخصياً عرض علي لوحة سيارة

م ل ك 503

وطلب فيها مبلغ كبير يقول انه يبغى فيها 35 الف ريال ويقول هذا رمز قبيلتكم ومكانها تنحط على بانوراما او بي ام او جيب رنج او لكزس حقت واحد من السبعان

وانا اشوف ان هالمبلغ كبير شوي لكن قلت اكتب لكم الموضوع واشوف رايكم وتعليقكم يالجماعه

[admin]

واذا قالك واحد خرابيط تصدقه ؟


كل هذه الارقام لا تعني شيء


كتبوها ملاقيف وصدقوها مهبل



ههههه وهو مصدق انه بهالوحة بيصير ملك


اهل العقول براحه

[قاسي ابن قاسي]

هذا الرقم (503)

لايعني للقبيله شئ
هل هويرمز للكرم ام للشجاعه والقوه ام لماذا

[خالد م سبيعي]

هذي رموز تعارفنا عليها ولكن لا ادري من اين وحتى اني قبل فتره لقيت كا%u

[صامل الميقاف]

أرقام القبائل رموز لبائعي المخدرات قال الشاعر / عبدالهادي بن شنيف :

بدعه تجول مع العرب شانها هام
= يسرج لها الغاوي مع الجيل خيله

يسعى بها الجاهل مع الخاص والعام
= لو قال أصيله قلت ما هيب أصيله

هذي دخيلة شر في دين الإسلام
= والمحدثات وكـــــــــل بدعه ضليله

مدري غرور صابت الناس وأوهام
= وإلا بدا الكــــــذّاب يوخذ بقيله

ناس يسمون القبايل بالأرقام
= ما فيه رقم تنتــــــــــــمي لــــــه قبيله

أسماء القبايل في دواوين الأحكام
= والرقم يا أهل العرف من ينتمي له ؟

شوفوا خطاهم يا رجاجيل الإعلام
= ما ينتزين فالضــــــــلال وسبيله

اللي منوّل رابض فالعرب قام
= هام الطويل وقام يومـــــــي شليله

وعلم يخالف عن تواريخ الأقلام
= لا أحد يجيبه لين يوجــــــــد دليله

من يقرب الجرباء تورث له أسقام
= ترث مرض تضيـــــــع به كل حيله

وصلوا عدد من حج من صام من قام
= على النبي واعداد رش المخيلة

[ابن ضمين]

السلام عليكم ورحمة الله وبركاته

انا سمعت انها رقوم المكاين حقت الجموس قديماً
لأنها ترمز لقوتها



رحنا مكاين ههههههههههههههههه



وشكراً