Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 350 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 452 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 587 )           »          حساب سعر الصرف (اخر مشاركة : ارينسن - عددالردود : 0 - عددالزوار : 795 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 683 )           »          قمصان نوم تركي (اخر مشاركة : ارينسن - عددالردود : 0 - عددالزوار : 598 )           »          فستان مناسبات (اخر مشاركة : ارينسن - عددالردود : 0 - عددالزوار : 610 )           »          جلابيات مغربية (اخر مشاركة : ارينسن - عددالردود : 0 - عددالزوار : 629 )           »          ايشارب حرير (اخر مشاركة : ارينسن - عددالردود : 0 - عددالزوار : 543 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 954 )           »         
 

 
العودة   منتديات سبيع الغلباء > المنتديات الأدبية > منتدى المسابقات الشعرية
 

منتدى المسابقات الشعرية أخبار ، قصائد المسابقات الشعرية مثل شاعر المليون ، شاعر المعنى ، شاعر العرب ، قلطة الوطن سوق عكاظ وغيرها


بين الشاعر / ناصر بن محمد الفراعنة والشاعر / خالد بن مدعث الدوسري

أخبار ، قصائد المسابقات الشعرية مثل شاعر المليون ، شاعر المعنى ، شاعر العرب ، قلطة الوطن سوق عكاظ وغيرها


إضافة رد
 
أدوات الموضوع
 
غير متصل
 رقم المشاركة : ( 1 )
محمد الجربوع
عضو
رقم العضوية : 14365
تاريخ التسجيل : 25 - 06 - 2007
الدولة : ذكر
العمر :
الجنس :
مكان الإقامة :
عدد المشاركات : 7 [+]
آخر تواجد : [+]
عدد النقاط : 10
قوة الترشيح : محمد الجربوع is on a distinguished road
الأوسمـة
بيانات الإتصال
آخر المواضيع

التوقيت
بين الشاعر / ناصر بن محمد الفراعنة والشاعر / خالد بن مدعث الدوسري

كُتب : [ 09 - 01 - 2008 ]

السلام عليكم ورمة الله وبركاته

خلال متابعتي لمقابلة شاعر المليون للشاعر الفرعون ناصر الفراعنه وخاصة في التقرير الخاص بناصر

شد انتباهي انه تأثر بوالده محمد بن فارس الفراعنه رحمة الله

فحاولت ابحث عن قصائد ابو ناصر فلم اجد الا موقع واحد فقط عرض قصيدته

وبعد قراءتي لقصيدته عرفت ان ( هذا الشبل من ذاك الاسد )

اللي عنده قصائد ابو ناصر الشاعر محمد الفراعنه يالي يدلنا عليها

القصيده كانت رد على قصيدة الشاعر خالد بن مدعث الدوسري ورد عليه الشاعر محمد بن فارس الفراعنة السبيعي

اخليكم مع القصيده




قصيدة الشاعر خالد بن مدعث الدوسري


مسموعة http://www.9q9q.net/up3/index.php?f=MqLSsRuYT






كل مافاضت عيوني باشة الاضـلاع غنـا

]الموارد في الضلوع وكل ضلع فيـه ونـه

والتمني مايحقـق هقـوة القلـب إن تمنـا

بس قلبي مايدانـي تبعـد الهقـوات منـه]

ووجودي وجد من جلّي عن ديـاره مجنـا

تو عمره عشر واربع والليالي مـا تحنـه

ماوراه الا عجـوز واختـه وعـودٍ مسنـا

بين فقر وبين دين وبين ضيم وبيـن منـه

ما ذبحهم غير دمعاً مـن الغبينـه مايكنـا

ويل من سود الليالـي بالمصايـب يبتلنـه

راح مثل الذيب اهبلته حيـاة الذيـب ظنـا

وامن والموت يومي بيـن مخلابـه وسنـه

راح ينقل دم قلبه وان ضـواه الليـل ونـا

الذيابـه مروحاتـه والسيـوف يـدورنـه

لا ذكر دم القرايـب عانـق البيـدا وثنـا

وان تذكر دمعة امه زاع قلبـه مـن مغنـه

مايلوعه في حشاه الا لا شاف البرق سنـا

غاب عشر سنين مابه من يرد العلـم عنـه

إن حداه الخوف منا هزت الاشـواق منـا

يوم طال الوقت عود لديـار اللـي ربنـه

قـال مـادام المذلـه والبـلاوي يبتلـنـا

والله ان الموت في الاوطان بين الربع جنـه

يوم وقف في المنازل مالقـى بيـتٍ مبنـا

غيـر بيـتٍ للهبايـب والـذواري يلعبنـه

راح يمه كنه اللي ضاربـه رمـحٍ مطنـا

واعذابه مادرى ان سهـوم بقعـا يحترنـه

يوم قرب سمع له صوت من العلـه يحنـا

وحصل امه عندها ضيف يقول الموت سنه

قال يمه قالت عيوني مـن الدمـع انعمنـا

قال ابوي وقالت اطوال النصايب قد خذنـه

قال واختي قالت اقفوا القوم باختك مع ضعنا

قال ربعي قالـت سنيـن المجاعـه فرقنـه

قال جيتك قالت إن المـوت ماأظـن يتونـا

واستلمهـا نـازع الارواح روحٍ مرجهنـه

ثم صاح من التفرق صيحت اللي فيه جنـا

ودق صدره وانطوى من حر مابه طي شنه

كل هذا حال قلـب مـن خلقـه الله معنـا

الهمـوم يوكلـنـه والـروابـع ياكلـنـه

ليه ادور للسبايـب والسبـب فينـا ومنـا

النفوس وماتسوي واليدين ومـا احصدنـه

لا توسدنا الخطايا نلحـق الشرهـه زمنـا

ماجزانـا الا عملنـا والحقايـق يثبتـنـه

قلت اجرب وش ورانـا بنتسـلا وانتهنـا

الليالي ماتخالف مـن طلـب شـيٍ عطنـه

جاهلٍ في الغيب واثر اللـي يسلينـا طعنـا

مادريـت الا بقلبـي والمحانـي يردعنـه

قلت وين تروح خلك في ضلوعك مرجهنـا

قال مدري مير كن الحب تل العـرق كنـه

قلت مخطي قال ليه ليـا ذكرنـاه اشتحنـا

وانتبهت وطاح فكري للطـواري واخلفنـه

رحت ابسأل بنت حواء ليت حنـا ماسألنـا

كان والله مستريح ومخلـفٍ قلبـي وظنـه

قلت هز العود صفق النود قال النـود حنـا

ماذكر بـه عـود الا والهبايـب يطرقنـه

قلت في دارك غريب وقال حول في وطنـا

لك محلٍ فيه قصور لـه سيـوف يحتمنـه

قلت اهلنا قال والله مانعيـب سلـوم اهلنـا

والعفيف من الهوا مابـه علـوم يحرمنـه

وابتدينـا قصـة السبـع العجـاف ومللنـا

كل عام يمر يعطينـا مـن اللوعـات فنـه

وافترقنا ما لقينـا مـن يـرد العلـم عنـا

غيـر حـبٍ للهبايـب والـذواري يلعبنـه


قصيدة الشاعر محمد الفراعنة السبيعي

مسموعة http://www.9q9q.net/up3/index.php?f=dGcLlKyXx




كل ما فاضت عيوني نجر ابـن حربـان دنـا

في ضلوعي يسمع اللي مـن ورا بغـداد دنـه

يومٍ ابن مدعث لنا سـن الوجـود الحـق سنـا

وافؤادي كن دود الارض يرعـى فـي مسنـه

وافؤادي لو تضنا ياابـن مدعـث مـا تضنـا

كنه المجـدور عقـب الجـور مرمـيٍ بعنـه

أشعـل التنبـاك مـن خلقتـه ماشبـه وكنـا

مير كنه من عجاج فـاح مـن صـدره يكنـه

واوجودي وجد من هو عض بإبهامـه وحنـا

واحدٍ شاف الثـلاث البيـض سـودٍ مستجنـه

شاف قـدام الخيـام خشيـف ريـم مرجهنـا

وثور البندق يبي يصيده وراغ الخشـف منـه

اطلق اربع عقبها اربع ثم سمع صـوت يونـا

واثرها امه صابها طلقه وطـار العقـل منـه

واتهمـوه بذبحـة امـه ليلـة العيـد وتجنـا

اتهمتـه النـاس وصـدوف النقاديـر اتهمنـه

قالوا اخوانه ترا ما أنا بمنـك ولا انـت منـا

يفرق الله بيننا وبينك عسى مـا لـك مضنـه

لك ثلاث ايام من ذلحين وارحـل مـن وطنـا

عقبها تخطر على راسـك مضاريـب الاسنـه

ودع مريتـه وتـو بنتـه صغيـره ماتحـنـا

توها ام اربع شهـور وفـي لحمهـا زود لنـه

ركب غوجه وانقلـب قبلـه بليـل مـا تونـا

والحمايا من خلافـه ارخـوا حبـال الاعنـه

المطايـا والسبايـا مـن خـلافـه عمـدنـا

والمنايـا سجـدٍ قــدام عيـنـه يحتـرنـه

كل ماعنز علـى قـوم وطـنّ الـراس طنـا

قالوا اذلـف ذابـح امـه لعنبونـا لـو نحنـه

ذابـح امـه لـو زبنـا عـده انـه مازبـنـا

لعنبـوك بيـوت قـوم ذابـح امـه زبنـنـه

الجمالـه ماتجمـل فـي ولـد حــرٍ تـدنـا

ميـر دور غيرنـا وانحـش بقلبـك لاندنـه

وانقلب من عندهم كنـه علـى محمـاس بنـا

يمة اهل الغوص عجـلات الركايـب وجهنـه

ركب بابور البحـر ودمـوع عينـه يذرفنـا

فـوق خـده كنهـن اذواد بــدوٍ مرثعـنـه

يـوم حـل الليـل اشرعـة السفينـه دودلنـا

والهبايـب مـا يخلـن محـبـلٍ مادودلـنـه

قـام ربـان السفيـه قـال يانـاس امتحـنـا

قوموا ادعوا ربكـم عـلام ماوسـط الاجنـه

قال شيـخ منهـم الا عنـدي الـراي المطنـا

ضحوا بواحد عسـى الله ينقـذ يديـن رجنـه

وطاحت القرعه على اللي ذابـح امـه ماتتنـا

ثم رموا به فـي ظلمـات البحـور المستكنـه

وادبحوا عنه وهو فـي غبّـة البحـور يتثنـا

ثم عرض له من وحوش القرش جرجور وصنه

عض جرجور البحر ساقه وصايـح واستجنـا

ابك لـولا الله كـلاه القـرش مايسلـم مطنـه

وفي ديار من بلاد الهنـد بيـن انـسٍ وجنـا

من فضل ربي عليه اطراف الامـواج احذفنـه

ومثل ماقبل امـس متهـوم بذبـح امـه معنـا

اتهمـوه بـذبـح سلـطـان البلادالمطمئـنـه

وفي السجون المظلمه خمسة عشر عام قضنـا

مع ثلاث ماقضـن الا عقـب حالـه قضنـه

لاسمع ورقـاً تغنـي جـر مسحوبـه وغنـا

وكل مغنى يزعجه غصب يجـي تاليـه ونـه

لاطرته بيـوت قـوم فـي الخلايـا يرفعنـه

دار دولاب الدبـا الدالـوب دولابـه وزنــه

كل مابرقٍ سرى شرقٍ صـدوق الغيـث شنـا

كن قلبـه فـوق سبـق طيـور بـر شطرنـه

عقـب مـده جـاه مـن داره نذيـرٍ مرثعنـا

قـال انـا جيتـك بعلـمٍ والله إنـه والله إنـه

حرمتك ماتت لها عشر سنـوات قـد مضنـا

والبنيّه معمـسٍ تقـرع عليـك اقـراع شنـه

عمهـا عزربهـا فـي وسـط بيتـه ماتهنـا

خادمـة نسوانـه الثنتيـن واللـي ضيفـنـه

ثم زوجها لابـو سبعيـن عـام مـا انقصنـا

شايب يطرب خفوقـه لاسمـع للقـرش رنـه

يوم سمع هروجهم فاضـت عيونـه وازحرنـا

وسط سجنه كنه اللي ساكـنٍ لـه فـي مجنـه

قال ياربعي افزعوا لي مـن سجـونٍ غيضنـا

قبر قلبـي الدمـدم اغـادي يديكـم يظهرنـه

قالوا انا وش لنـا انـا والله انـا مـا شحنـا

غير بنتـك والامثلـك مابقربـه قـرب جنـه

وانتحـوا وعيـون قايدهـم جنـوب خايلـنـا

وهو ورا سجنـه عيونـه كـل نجـمٍ خايلنـه

وعقب عام من مجي ربعه وسنٍ عـض سنـا

اعفوا الكفار عنـه مـن عقـب سـودٍ دهنـه

يوم فكوا قيـد رجلـه وانطلـق خاطـره منـا

وانفلت يبغى ديـار مـن ورا نجـد اشحننـه

حـث ساقـه مايشـوف الا بنيتـه يـوم قنـا

من عقب عشرين عام في وطن قـومٍ مصنـه

من ردي حظه نهار اغظـن عيونـه وارقدنـا

فز من نومه عقب عضـه حنـش داب بسنـه

ومن اثر سم الحنش يونس ضلوعـه يطبخنـا

وطاح عزي لواحـدٍ سـود الافاعـي طيحنـه

يـوم هـو فكـر إلـى فوقـه نجـومٍ يبرقنـا

وشاف بكيت بنتـه اللـي جـا يبيهـا بينهنـه

قال يانجوم السماء تكفين روحي صوب اهلنـا

علمي بنتي عن اللي صـاب ابوهـا واستسنـه

اشهـد إنـا مـا بحلنـا بالليالـي اشهـد إنـا

مير حظي خانني ثم مـات مابـه مـن يقنـه

ذاك وجده وجد حالي في وطنـا مـن عطنـا

من هنوف خدرهـا بيـض الهنـادي يحتمنـه

ان شالله تعجبكم


رد مع اقتباس
 
 
غير متصل
 رقم المشاركة : ( 2 )
مترك ثواب
عضو مميز
رقم العضوية : 6145
تاريخ التسجيل : 27 - 02 - 2006
الدولة :
العمر :
الجنس :
مكان الإقامة :
عدد المشاركات : 1,068 [+]
آخر تواجد : [+]
عدد النقاط : 10
قوة الترشيح : مترك ثواب is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 09 - 01 - 2008 ]

السلام عليكم ورحمة الله وبركاته

الخ محمد الجربوع حياك الله

القصيده التي عرضتها قصيد ناصر الفراعنه مجارة قصيد ابن مدعث ليس لوالد ناصر

بارك الله فيك

تقبلوا خالص تحياتي
أخوكم/ مترك الثوري

رد مع اقتباس
 
 
غير متصل
 رقم المشاركة : ( 3 )
محمد الجربوع
عضو
رقم العضوية : 14365
تاريخ التسجيل : 25 - 06 - 2007
الدولة : ذكر
العمر :
الجنس :
مكان الإقامة :
عدد المشاركات : 7 [+]
آخر تواجد : [+]
عدد النقاط : 10
قوة الترشيح : محمد الجربوع is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 09 - 01 - 2008 ]

غريبه انا نقلتها من منتدى وكاتب الموضوع يقول انها للشاعر محمد بن فارس الفراعنه

الله يعطيك الف عافيه اخوي مترك على تصحيح المعلوومه

رد مع اقتباس
 
 
غير متصل
 رقم المشاركة : ( 4 )
مترك ثواب
عضو مميز
رقم العضوية : 6145
تاريخ التسجيل : 27 - 02 - 2006
الدولة :
العمر :
الجنس :
مكان الإقامة :
عدد المشاركات : 1,068 [+]
آخر تواجد : [+]
عدد النقاط : 10
قوة الترشيح : مترك ثواب is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 09 - 01 - 2008 ]

الله يسلمك ياخي محمد

وبارك الله فيك

رد مع اقتباس
 
 
غير متصل
 رقم المشاركة : ( 5 )
فيصل الربيعان
عضو نشط
رقم العضوية : 14884
تاريخ التسجيل : 20 - 07 - 2007
الدولة : ذكر
العمر :
الجنس :
مكان الإقامة :
عدد المشاركات : 42 [+]
آخر تواجد : [+]
عدد النقاط : 10
قوة الترشيح : فيصل الربيعان is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 10 - 01 - 2008 ]

مشكور اخوي

لاكن القصيده لناصر والدوسري صديق عزيز لناصر والقصيده موجوده بشريط ناصر السادس وشكرا....

رد مع اقتباس
 
 
غير متصل
 رقم المشاركة : ( 6 )
أبوراجح العريني
عضو فعال
رقم العضوية : 15094
تاريخ التسجيل : 01 - 08 - 2007
الدولة : ذكر
العمر :
الجنس :
مكان الإقامة :
عدد المشاركات : 104 [+]
آخر تواجد : [+]
عدد النقاط : 10
قوة الترشيح : أبوراجح العريني is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 10 - 01 - 2008 ]

لاهنت اخوي ع المجهود

لاكن القصيدة لبوفاررررررررررس

ولالها لبوه الله يغمد روحه الجنة ا نشاءالله

ولاهنت

مــــجــــالـــس قــبــيــلــة الــعــريــنـــات
تفــضــلوا بالدخــول والمشــاركه معــنا
http://www.arinat.com/vb/index.php
رد مع اقتباس
 
 
غير متصل
 رقم المشاركة : ( 7 )
الـسـهـلـي
عضو
رقم العضوية : 18215
تاريخ التسجيل : 29 - 12 - 2007
الدولة : ذكر
العمر :
الجنس :
مكان الإقامة :
عدد المشاركات : 29 [+]
آخر تواجد : [+]
عدد النقاط : 10
قوة الترشيح : الـسـهـلـي is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 10 - 01 - 2008 ]

على العموم لاهنت

رد مع اقتباس
 
 
غير متصل
 رقم المشاركة : ( 8 )
الليل صمت
عضو نشط
رقم العضوية : 18529
تاريخ التسجيل : 07 - 01 - 2008
الدولة : ذكر
العمر :
الجنس :
مكان الإقامة :
عدد المشاركات : 55 [+]
آخر تواجد : [+]
عدد النقاط : 10
قوة الترشيح : الليل صمت is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 12 - 01 - 2008 ]

هذي القصيدة للشاعر ناصر بن محمد الفراعنة
ولقد ألقاها في امسية الكويت
احترامي وتقديري

الليل صمت

رد مع اقتباس
 
 
غير متصل
 رقم المشاركة : ( 9 )
ابونااااصر
عضو
رقم العضوية : 3410
تاريخ التسجيل : 20 - 06 - 2005
الدولة :
العمر :
الجنس :
مكان الإقامة :
عدد المشاركات : 13 [+]
آخر تواجد : [+]
عدد النقاط : 10
قوة الترشيح : ابونااااصر is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 14 - 01 - 2008 ]

ما شاء الله مترك رادار المنتدى الله يقويك يا مترك وكلامك صحيح هذي سمعناها ومتناقله بالجوالات انها رد ناصر على ابن مدعث الدوسري والله يبيض وجيهكم جميع

رد مع اقتباس
 
 
غير متصل
 رقم المشاركة : ( 10 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : الشاعر محمد بن فارس الفراعنه ( ابو ناصر الله يرحمة ويغفرله )

كُتب : [ 28 - 07 - 2008 ]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هاتين القصيدتين مما دار بين الشاعرين الشابين / ناصر بن محمد الفراعنة و / خالد بن مدعث الدوسري

علم ولا حلم يا قلب حشاه عويد سمره
= كن من بين أضلعه جنية تصفق يداها

مناسبتها : أن الشاعر / خالد بن مدعث بعد وفاة زوجته كتب قصيدة يرثيها وذكر ابن مدعث في القصيدة أنه لن يتزوج بعدها علم شاعر الثقلين / ناصر الفراعنة بما ينويه ابن مدعث فكتب قصيدته المذكورة أعلاه على نفس الوزن والقافية ويذكر أن ابن مدعث حين قراءته للقصيدة دمعت عيناه . وبعدها بفتره قصيرة تزوج . وهذه قصيدة الشاعر / خالد بن مدعث اّل عمار الدوسري :

هيه يا قلب المحبة ما بقـى فـي العيـن عبـرة
= كـل يـوم والعيـون مـن الغـرام يسيـل ماهـا

لين صار الجفن عنده من غزيـر الدمـع خبـرة
= وأنت شيـخ حنـوة الأضـلاع مسجـون وراهـا

ما تعدى لو طلع راس الجمل مع سـم الإبـرة !!
= في ضلوعي بكيتـك مـا غيـري بيسمـع بكاهـا

يا سجين الجوف تدري ما لنا فـي الحـب قـدرة
= سنة للنـاس مـدري وش قداهـا مـن خطاهـا

الهوى كانه خطيّـة مـا حـدٍ قـد جـاب عـذره
= والهـوى كانـه مباحـي علّـة صعـب دواهــا

اصبر ويلقى طويل الصبـر فـي الأيـام صبـره
= كم صبور ٍ جـاب صبـره حاجـة عسـر لقاهـا

يا فؤادي صرت لك حزمة هشيـم وأنـت جمـرة
= كل مـا هـب الهـوى بأطرافهـا يكبـر سناهـا

والهوى تاليه فرقـا والنـوى لـو طـال عمـره
= ما نسينا العهد وجروحـه براهـا أو مـا براهـا

دام عهده فـي يمينـي والنجـوم اتجيـب خبـره
= نعتبرهـا غايـبـة عـنـا وحجّتـهـا معـاهـا

لو درت وش صار فينا ما خذت عن نجـد سفـره
= يا هبايـب علميهـا كـم شقـيّ فـي رجاهـا

منبـت النـوّار عقبـه يذبـح العسّـاس دهـره
= حالف ما عاد ينبـت فـي ديـار مـا وطاهـا !!

المولّـع عقبهـا ينقـل علـى الكفيـن قبـره
= ميّس ما عـاد تشتالـه عظامـه مـن جفاهـا

عقبهـا راع المطايـا مـا دعـى للعـد نـشـره
= والظوامـي صافـي الميـراد مـا يقطـع ظماهـا

جادل ٍ حـده زمانـه عـن روابـي نجـد مُكـرَه
= والليالـي مـا تخلـي مستريـح فــي ذراهــا

صوب دار ما لهـا مـن قسمـة الأجـواد بـذرة
= النجايب سبعة أشهـر مـا يجـن أرض نصاهـا

البحور تحول دونـه والفجـوج الجـرد عسـره
= والذيابة تحتـري مـع سكـة الطرقـي عشاهـا

فرّق الله شمل مـن فـرق ثنيـن كـان خشـره
= في غـرام وفـي علـوم يشهـد الوالـي علاهـا

مـا يحـق الواحـد ما لقـح النخلـة بتـمـرة
= من سقاها واحتماها لأثمـرت يقطـف جناهـا

كنت أقول يموت رجل ما نفـع نفسـه بعمـره
= ثم قلت يمـوت رجـل حـدّ نفسـه منتهاهـا

كنـي الرحـال وسنيـن الليالـي الشهـب بكـره
= شلت زادي في خباها والحيايـا فـي خباهـا

يا عنود الصيـد لـو آخـذ مـن الأيـام عبـره
= كان روحي في يمينـك حكـم ربـي مـا رماهـا

جيت لك غيث تهادى وأنت يمي جيت حسـره
= يوم علّقت السحابة سقـت رجلـك مـن سماهـا

لك شهر من غبت عنا والهوى يا طـول شهـره
= ذكريـهـا يالثـريـا وانشديـهـا وش بـلاهـا

العرب قد قالوا إنه ( مع توالـي العـج مطـره )
= وا عذابي كانها عجـت والأخـرى فـي قفاهـا !!

والهـوى لا زان قـاده للولايـف سلـك مكـرة
= مير روحي من عرفتـه والهـوى يلعـن ثواهـا

آتصبـر وآتحـرى رجـعـة الغـيّـاب بـكـره
= والزمـان بعيـد والأيـام مـن يلحـق مـداهـا

يا نديبي هاك خـط ٍ مـن دمـوع العيـن حبـره
= الرسالة غيـر ( ناصـر ) لا حـدٍ يبحـث خفاهـا

صاحبٍ بيـن النشامـى بالمراجـل بـان ذكـره
= ( السبيعي ) لا تعـزوى عـزوة العـود احتماهـا

يا ( ابن فارس ) شف صحيبك عيّب الجبّار كسره
= إن بكى قال : اقطعوها وإن شكى منها كواها !!

يا ( ابن فارس ) كان عندك في عميق الجرح دبره
= لا تخلـي صاحبـك ينقـل جـروح ٍ مـا قواهـا

حالتـي حالـة فقيـر يـوم قـام يسـدّ فـقـره
= ما لقى له غير عيـن تدفـق مـن الفقـر ماهـا

وهذا رد الشاعر / ناصر بن محمد الفراعنة السبيعي :

علـم وإلا حلـم يـا قلـبٍ حشـاه عويـد سـمـره
= كـنّ مـن بيـن أضلعـه جنّيّـةٍ تصـفـق يـداهـا

قلبي اللي مـن سطـر ما بـه تقـل غاشيـه خمـره
= يـوم فيـه قلـوب شـق الثـوب مـا كـدّر كراهـا

قم يا ( مانع ) فوق وجْناً من خيـار الجيـش ضمْـره
= وصـف شقـرا ربّهـا دون المليحـة مـا نحـاهـا

بنـت هـرشٍ كـنّ قـرن العامريّـة وصـف وبْـره
= وكـنّّ نيبـان السبـاع الضاريـة تنهـش حفـاهـا

( ابن مدعث ) لأجـل عينـه نقـرن الحجّـة بعمـره
= ابن مـن همّـل مجاهيمـه علـى البصـرة وجاهـا

لا تحسّـر دام باقـي فـي صليـب الـراس قُـطْـره
= يا ( ابن مدعث ) والضلوع العوج داهـا فـي رداهـا

لا وربـي مـا نقلنـا السيـف أبـو حدّيـن بطْـره
= كود لعيـون الصبـيّ ( الدوسـري ) نطعـم شباهـا

يا ( ابن مدعث ) ما نلومك في الهوى لو شفت عُزْره
= الهـوى قبلـك غـدالـه بـأمّـةٍ بِـيْـضٍ لحـاهـا

ما أطال النوم في عمـر الفتـى المكتـوب فتـره
= والسهر مـا قصّـر أعمـارٍ كتـب ربـي بقاهـا

زمّ نفسـك والهـوى سكرتْـه عـن مليـون سكـره
= لو حصـل منهـا سلامـه ويـن تسلـم مـن نماهـا

نركـض وتركـض ومـا نجمـع بأيادينـا نِخَسْـره
= الليالـي دوْل والدنـيـا رحــول الـلـي مشـاهـا

تالي الدنيا يا ( خالـد ) حفـرةٍ فـي جـوف حفـره
= نطـرد الدنيـا ولا نفـرق خطـاهـا مــن قـداهـا

هيّ وش هي ؟ هيّ من هي ؟ هي ثمـانٍ كـان عشـره
= البـواشـق قرنـسـت وأم الكبـايـر ذا جـزاهــا

مير أخذ من دنيتك ( صاحب ) و ( باروده ) و ( خفره )
= زبـدة الدنيـا ثـلاثٍ عانـهـا واتــرك سـواهـا

اتـرك اللـي يطـرد الدنيـا يبـي عـزٍّ وشـهـره
= كيـف يبغاهـا تعـزّه وهْـي مـا عـزّت ضنـاهـا

يا ( ابن مدعث ) لو عرا جسمـك بمشلحهـا تغمـره
= لا لقـت غيـرك تِحَذْفـك حذفـة الجاهـل حصـاهـا

رايعـت مـن لا بنـى مـن شامـخ البيتيـن وكـره
= ولعـوزت كـل ابـن حـرٍّ بـأوّل الهجـره عطاهـا

وصفنـا وصـف ثْمَـرَه والزيـن فـلاّحٍ بغمـره
= يعتنيها وإن حداه الجوع مـا أسـرع مـا كلاهـا

يا ( ابن مدعث ) لا رعت بين الجهام السـود عفـره
= حاجةٍ تقضي عقب سن الصبـا وش هـو قضاهـا ؟

أبعـد الله دار مـن يبعـد ثنـيـنٍ كــان قـصـره
= أمّـة لا شافـت الشمـل اجتـمـع جـاهـا بـلاهـا

لا سقـى الله فيضـةٍ فيهـا سميـن الصيـد قُـعْـره
= كـل دِحْـلٍ واجهـوا بـه حيّـةٍ تلـحـس جمـاهـا

عزّتـي للـي بقـى بينـه وبيـن المـوت شـعْـره
= روحه أقـرب للمنايـا السـود مـن حذفـة عصاهـا

طال وقتك يا ( ابن مدعث ) بين لا تطريه واطْره
= حيّ أبو مجناك ويـن الله شلـع بـك فـي فضاهـا ؟

شدّها مـن خدّهـا واقطـر علـى المركـاز صفْـره
= والحمى ما أحـدٍ حماهـا كـان ربّـي مـا حماهـا !!

أنـت مثـل اللـي يـدوّر للوسايـد وسـط خُـبْـره
= وخُبْرة الـروض ايتحمّـل مـا يجيـه اللـي رباهـا

نقطـن الـواد المخيـف ونضـرب البيـد أمّ جُفْـره
= لعنبو بعض البنـي يـا مـا لحقنـا مـن هواهـا !!

ما لقينـا مـن يقـول : أبطـى بهـاك السيـل كُبْـره
= طالـت المـدّة و ( خالـد ) فـي رجـا دورة رحاهـا

الوجيه البيـض سفْـرة والوجيـه السـود ودْره
= وجثّةٍ مـا سـرّت الصاحـب علـى ويـش انغذاهـا ؟

هيه ياللي فـي فـؤادك مـن عسـام الوقـت نفْـره
= طالت الدعوى ولا أدري وش حجَلهـا مـن قطاهـا ؟

آخـر المنصـوب فتحـة وآخـر المجـرور كسْـره
= حطّهـا نـذرٍ علـيّ إنّـي لألـيّـن لــك قسـاهـا

واجمع أوّل حرف من كل بيت تلقى بيـت شطْـره
عقّب اللي مزنتـه مـا يـروي العطشـان ماهـا

منقول وأنتم سالمون وغانمون والسلام .


رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة الشاعر / مخلد السهلي في ناصر الفراعنة خيَّال الغلباء منتدى المسابقات الشعرية 10 25 - 04 - 2008 22:51
اهداء الى الشاعر ناصر الفراعنة ولد الجابري منتدى المسابقات الشعرية 4 08 - 04 - 2008 03:37
متى عرفت الشاعر ناصر الفراعنة ؟؟؟ أبورميح منتدى المسابقات الشعرية 12 30 - 03 - 2008 14:13
{مطلوب } ياضلع للشاعر خالد بن مدعث الدوسري خالد الشماسي منتدى الشعر الشعبي والنبطي ( شعراء الشبكة ) 1 21 - 02 - 2008 23:14


الساعة الآن 22:07.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها