اقتباس:
المشاركة الأصلية كتبت بواسطة راشد التوم
يا هاجسي زف التهاني مطاويع =للي تقــــلد بالثقه من ملكنا
زفه اباقة ورد شعر مناويع=من روضة الأشعار ورده قطفنا
يزفه سمي لك وفي شورك إمطيع=وبســـمك يماري يفتخر ويتكنا
بسمه وبسمي يا وريث الزعازيع=شيح يعط وطيـــــــب مسكٍ وبنا
نزفه لشيخ له طموح ومراميع=شيخ عن الأمجاد ماهوب يثنـا
شيخ بسوق الطيب يشري ولا يبيع=وفي ساحة الأمجاد طيبه غلـبنا
حمد ولد ناصر أصيل المنابيع=شــيخ على شــيخ ومنــصا ومجنا
تقلد الرتبه صبي المطاميع=مكسب يده ما هي من أقصى ولا أدنا
من عادته فالمجد يبدى مع الريع=يـــومٍ غـــيره فـــي مســــيرة تـــدنــــا
سيوفه لكسب الطيب جردٍ بواتيع=وسيفه بمجــــده لاضـــرب مـــا تثنــــا
فالطيب ما يسمع الأشاوير ويطيع=يســمع ولا يسمع وغيـــــره يدنا
غاذيه شيخ له فعول مراويع=شيـــــــخ نباه بكـــل ديره يبنـــا
شيخ فعوله مثل شهبٍ مساطيع=حرٍ على كســب الجميـــل إيتعنا
شيخ له الأمجاد تخضع تخاضيع=وقدام مجــده مجــد غيــره تحنــا
من العزه اللي للمعادي مقاميع=يشهد له الحــائر وســيفٍ محنــا
في ملتقى يومٍ شهوده مراويع=يومٍ به العقـــال خطـــرٍ تجنـــا
وناصر له الأمداح تاتي مخانيع=وفيه المدايح من حلاها تسنا
وأكبر فخر لسبيع إنه من سبيع=وتزها وتفخر فيك يا بن مهنا
وقلته وأنا راشد وبالطيب ليي ريع=من روس قومٍ فاللقا ما تونا
إرويبي من روس قومٍ أشاجيع=وعدونا وأن همنا ما هزمنا
وفالجد لي ماقف ولاأغوى ولاأضيع=وليا زهمنا من نصانا وجدنا
فيا هاجسي زف التهاني مطاويع=على حمد وأثنه على بن مهنا
|
مشكور اخي راشد التوم على التنسيق
القصيدة فيها اخطاء بسيطة قمت بالتعديل عليها وامل منك تسوي تعديل على عليها بعد ان قمت بالتنسيق
وهذة الابيات بعد التعديل
زفه اباقة ورد شعر مناويع=من روضة الأشعار ورده قطفنا
يزفه سمي لك وفي شورك إمطيع=وبســـمك يماري يفتخر ويتكنا
غير متصل
