فلة ..وخدامه.. ولكزس.وجوال= وانا عجزت ادفع رسوم الشريحه

[الغــريــب]

بعد الفقــر حطت شريحه وجوال= يسعد مسا جوالها والشريحه
كانت تجيني تشتكي قلة المال = وتصيح لاجا طاري الفقرصيحه
تقول ابويــــه دايم الدوم رحال= وامي كبيره سن دايم طريحــــه
وانت الوحيد اللي لك القب ميال=دايم تصارحني وانا لك صريحـــه
طفله وانا معشوقها بين الاطفال =جريح حب وطاح له في جريحه
كنا سوى نرسم على التربه امال=وأحلام تقتلها الحياه الشحيحه
كم دمعةٍ كانت على الخد تنهال =واذا نزلت ضاقت عليّ الفسيحه
الله كم صرخه..وهمسه.. وموال= الله كم جادت علينـــــا القريحه
الله كم بيتٍ كتبنــــــاه يختال =واقول انا (ضيدان) وانتي(مليحه)
نخيل لومافالسمـــا برق وخيال= وانكذب الايام لوهي صحيحــــه
تقول لاحطيت لـــك بشت وعقال =وسخّرلك الرحمن عيشه مريحــه
اخاف تتركني على عثرة الفال=. للفقر ووجيه الحياه القبيحـــــه
وحبيتها بين الخلايق والازوال =حبٍ يطول الوقت محدٍ يزيحــــــه
وسلمتها قلبٍ تبــــاريه الاهوال =وطاح الخفوق وطيحة القب طيحه
راحت وخلتني مع القيل والقال =شاعر صواريف الدهر تستبيحــه
ودار الزمان وغير الحال بالحال=وجاها الزمان بكل ورده وشيحه
فلة ..وخدامه.. ولكزس.وجوال= وانا عجزت ادفع رسوم الشريحه

مرسله عبر الأيميل

[البدر]

الاخ الغريب

لاهنت على نقل القصيده الرائعه وسلمت يمناك ياذيبان بس عاد ترانا نبي من قصايدك انت مهوب من المنقولات ولالك عذر .

اخوك البدر

[المزاح]

ودار الزمان وغير الحال بالحال=وجاها الزمان بكل ورده وشيحه

فلة ..وخدامه.. ولكزس.وجوال= وانا عجزت ادفع رسوم الشريحه

الله يكون في عون صاحب القصيده اللي حتى شريحة الجوال عجز لايدفع رسومهااااا يالله ان تفرج له ؟

تسلم يمينك اخوي الغريب على نقل القصيده الرائعه ويعطيك الف عافيه ....

تحياااااااااتي .....

[خالد الشماسي]

هلا بالغريب

قصيده ممتازه واختيار موفق ولا تخلينا من ايميلك تراه شكله ينقي

[عيسى السبيعي]

[poet font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
الأخ الغريب
السلام عليكم ورحمة الله وبركاته
وحبيتها بين الخلايق والازوال =حبٍ يطول الوقت محدٍ يزيحــــــه

وسلمتها قلبٍ تبــــاريه الاهوال =وطاح الخفوق وطيح القلب طيحه

راحت وخلتني مع القيل والقال =شاعر صواريف الدهر تستبيحــه

ودار الزمان وغير الحال بالحال=وجاها الزمان بكل ورده وشيحه

فلة ..وخدامه.. ولكزس.وجوال= وانا عجزت ادفع رسوم الشريحه
تسللللللللللللللللللللللللللللللللللم يمينك يالغريب على هذا النقل الرايع وصح لسان الشاعر
[/poet]

[سعد بن جراش]

بسم الله الرحمن الرحيم


سلمت يمينك يالغريب وهذه قصيدة من اشهر قصائد ضيدان بن منصور بن قضعان لاتحرمنا من ايميلك ومن بنات افكارك نبيك تشد حيلك

تقبل تحياتي

[ابن شطيط]

يعطيك العافيه اخي الغريب


ومشاركه جميله

تحياتي

[ذيبان]

الغريب شكراً على نقل هذي القصيده الرائعه

وسلمت يمناك ولا قصرت بس نبي مثل مقالوا الاخوان من شعرك انت

تقبل تحياتي

اخوك:ذيــــــــــــبـــــــــــــــان ;)

[السيف]

بيض الله وجهك يالغريب على هذا الاختيار الموفق

والحقيقه ودي اقول بيت سمعته في هذا الموقف

انصح الي في هالابيات يوحيني @@ من يصدق ضحكت السن غلطاني

وهو بيت من قصيدة طويله

ومشكور ما قصرت

[البحيح]

بيض الله وجهك على الاختيار الطيب وصح لسان الشاعر المبدع قصيده متعوب عليها جدا