فيصل صباح الجميلي الهلالي القيسي

[الجميلي]

قبيلة الجميلات الهلالي قبيله عريقه لكن كل زمان له ارجاله وهذي قبيله معروفه والحين اكثر القبائل تقول ان هذي القبيله تنتمي لنا .. لكن انا اقول ان ماقال عن القبيله هذا لايجوز وكلن يعرف انسابه لكن لاتخلطون القبائل ببعض او العائلات وال صباح وال خليفه هم من قبيلة الجميلات الجميلي .. واكثر متواجدون في من نجد و الشمال من حفر الباطن الي العراق في الفلوجه والكويت ..وماحب اكثر الكلام راح اكتب القصيده هذي انشالله تقتنعون فيها لا انها قصيده قبيله وشاعرها يقولك قصة القبيله فيها ..قصر سلمى .. المكان القديم للقبيله ولحد الحين نخوتهم اخوان سلمي وكل جميلي يتبع اسم القبيله تكون هذي نخوته وبعض الجميلات داخلين مع قبائل
.................................................. .................................................. ..............................
ابدا بذكر الله المعبود واسطر .........يوم العرب كل واحد يعرف انسابه

ابذكر جميلة قيس بالفخر وأفخر .....مادامت نفوسنا للعز كسابه

مادام حنا نفك العاني المعسر ......ونعزز الجار وندافع عن اطنابه

مادمنا نكرم الطرقي ومانذخر ........ونجود للضيف والماجود جد نابه

نحمي دخيل القبيلة وان كدر نكدر .....واللي يجي في حمانه نحمى اركابه

ومن ذلنا ماتبات عيوننا نسهر.....نغير والغيض فينا فتل اشنابه

نبيته قبل طلوع الشمس ومايظهر.....وليا غزينا غزينا مارحمنابه

ماهمنا لو يقل الجند والعسكر.......عدونا يندحر لو كثرت احزابه

من يوم كنا ملوك الدار والمخبر ......من عهد عاد الي وقت قضينابه

من عقب ماكنا نحكم الدار ونسيطر .....هالحين محد يمون يحسب احسابه

زماننا وانهزم وش عاد تذكر ......ياليتنا ياجماعه ماطغينابه

أخوان سلمى اذا خان الزمن وانكر .....لابة ماندور مثلها لابة

اليا ركبنا ولو الزمن قصر .......نهد هدات من للثار طلابه

واليا سترحنا دعينا الله ونكبر...... للحق والعدل حنا ناس نسعى به

سلالة من شيوخ افعولنا تذكر .....من فيصل اللي حمانه واحتمينابه

يابنت لاتحسبينا ضعاف مانقدر ....في قصر سلمى علينا واعتلينابه

عزيزه نفوسنا نرقي ولانفتر .....نروم للعاليه والعز نرقي به

وليا ذكرتك يالافلاج أكتفي واذكر....شموخنا مجدنا واشلون ضعنابه

انا ابن دار الوطن وافخر به واكثر .....دار بها الطيب والجود يتغنى به

الله يجازي معزي جنة الكوثر .......من يوم لم الشمل واجتمعت احبابه

من حكمة اقفي زمان الشر وادبر .....واليوم كل القبايل كنها اقرابه


...... لشاعر ... فهد الجميلي الهلالي القيسي

[الراعي]

مرحبا أخي الكريم
لعلك تدلي بدلوك ونستفيد مما لديك
http://www.sobe3.com/vb/showthread.p...CC%E3%ED%E1%ED

[الجميلي]

بسم الله الرحمن الرحيم

انشالله لك الرد المقنع الي اخي راعي وانا من قبيلة الجميلات ماقولك من قبيله ثانيه وانا متاكد انا الجميلات الي منهم فيصل الجميلي لايرجع الي سبيع ولا الي عنزه لا ان عنزه لهم فخذ اسمه الجميله لكن لاينتسب اليهم الجميلي في فرق بينهم الجميله والجميلي
وقصر سلمي في الهدار وسميت اخوان سلمي على الاسم هذا ولك القصيده هذي ومن فرسان قبيلة الجميلات

..................................
يا امير حنا محتمين الرعايا.............قوم تشب الطيب في راس مرقاب

حنا جميلة قيس بيض النوايا ............ مثل السحاب قلوبنا عند الاصحاب

المرجله نشرب دلال التحايا ...........للجار عز وضيفنا مثل الاقراب

والا العدو نسقيه سم الحيايا .........يشهد لنا لوطان بايام الانشاب

واحقوقنا محدن خذاها عطايا ..........يامير دون حقوقنا هانت أصعاب

محد كسب منا ركاب وسبايا .........واللي يجينا باللقا ياكل أتراب

حنا يابومتعب حجاب الصبايا ..........لازرفلت يوم الوغي خيل وركاب

لنا على الافلاج يوم القرايا ........... تسعين عام بعزنا عد وحساب

يقودنا فيصل خطام المطايا ............زيزوم لادقت رحي الحرب ماهاب

وابن منيجل مثل ذيب الخلايا .........وسعيد بالعليا تشرع له ابواب

وملوح قرم مايهاب المنايا .............ترتاع من فعله مفتلة الاشناب

ربعي سباع بالملاقا بلاي ..............أخوان سلمى عزوتي نسل الاعراب

نسوق كل أعمارنا له ضحايا ..........ام رضمه تشهد ونجران ونصاب

هذا الصحيح وبينات الخفايا ..........المملكة حنا لها درع وحجاب

في ظلكم للعز نبني بنايا ............انتم هل الطولات للعاني أحباب

وان نصيتك ياحميد السجايا .........ماخاب منهو يعتزي فيك ماخاب


صح لسان شاعرها الجميلي ........ ومقصد في نصاب هي الشعبة نصاب على طريق الشمال

وهي ديارنا والحجره والحدقه وام رضمه ديار الجميلات


وهم فرسان مع عبدالعزيز بن سعود في المملكه الاخيره وهم من ارجاله وفرسان لكن لاتخلطون
الامور لصالحكم لا ان قبيلة الجميلات لاتتنتمي الي اي قبيله واتمنا انك تفهمني لا اني تعبت من الناس

وانا افهم فيهم كل واحد يقول ان قبيلتك منا واللحين تلقا في قبيلة حرب جميلات كثيره

لا انهم افزعو مع حرب واختلطو اكثر الجميلات معاها وناسبوهم

مع تحيات اخوك الجميلي

[الراعي]

حديث حديث وقصيدة حديثه لا سند لها
لكن ننتظر منك
ولك كل التحايا والتقدير

[مؤرخ]

الاخ الجميلي بالنسبة للجميل اللى في الديار اللى ذكرتها كلهم من قبيلة الصلبة هذا هو المعروف وشيخهم مطنى المنيجل

[الجميلي]

السلام عليكم ورحمة الله وبركاته

انا اعطيكم دليل لكن ابي دليل منكم انت قلتي انهم من قبيله انا اقولك اذكرلي دليل ان قبيلة الجميلات مايرجع لها فيصل صباح الجميلي وانا اقولك ان الجميلات تلقاهم حتي في العراق قبيله وفي قبيلة حرب جميلات هل يرجعون الي الجميلات انا اقولك هم قبيله ولكن الزمان اختلطة اوراقهم منهم من راح من حرب ومنهم من راح مع قبائل ثانيه لكن اكثرهم موجودين ولاينتمون الي اي قبيله ......... والدليل هو اسم القبيله الجميلي والاصل مايرجع الي اصلين الاسم الجميلي واي واحد يذكر في اسم الجميلي يرجع الي قبيلة الجميلي ... تحياتي لكم


شيخهم بن شرشاب .. وبن منيجل من كبارهم وهو امير القبيله في رفحاء ولكن بن شرشاب امير القبيله باكملها :) .

[محمد بن سلطان]

لا هنت اخوي الجميلي ..

قولك ((ان لا ينتمون الى قبيله )) هذا خطا ... وانت ذكرت سابقا في نهاية موضوعك ..

((فهد الجميلي الهلالي القيسي)) .. هذا هو نسب القبيله اذا ..

اخي الفاضل انا اعرف ان قبيلة الجميلات من اكبر واشهر قبائل العراق ومنهم الشيخ طايس الجميلي في قطر وابنائه ..

نتمنى منك اخي الفاضل التوضيح اكثر وتقديم ادله وافيه اكثر تدل على نسب قبيلة الجميلات الى قبيلة قيس .. لكي يتم توضيح الصوره للاخوه الاعضاء ..


((ان اخطات فمن نفسي وا صبت فمن الله ))
والله اعلم ..

تقبل تحياتي ،،
اخوك
محمد بن سلطان الثوري

[الجميلي]

محمد بن سلطان السلام عليكم ورحمة الله وبركاته


انا قلت لا ينتمون الي قبيله ذكرها لي شخص وهي قبيلة الصلبة هذا قصدي

وانا اقول ان الجميلات قبيله هلاليه


تحياتي لك اخوي محمد بن سلطان .


اخوك الجميلي

[الراعي]

شكر ا ابا سلطان
وشكرا اخي مؤرخ
على اضافاتكم

[الجميلي]

السلام عليكم ورحمة وبركاته

بقولك كلام وفي اختصار انت تقول فيصل الجميلي الهلالي من قبيلة سبيع وانا اقولك في كتب مؤرخين كويتيين يقولون انهم من عنزه وهذا دليل انهم من عنزه وكتاب ماقول عنهم في الكويت

لاتخلطون الاوراق في بعض كل واحد مشهور كل قبيله تقول مني لكن انا اعطيك دليل واضح وهو فيصل صباح الجميلي الهلالي اسم القبيله الجميلي من الجميلات هذا اكبر دليل .... تحياتي لك