قصيده تجد اهتمام محبب من زيد المليحي عند الشيخ بن رميزان

[ثامرالسبيعي]

[خيَّال الغلباء]

بسم الله الرحمن الرحيم

هذه القصيدة لأحد مرافقي الشيخ / زيد المليحي الشاعر / عوض بن عبدالله العجيلي العازمي :

يوم يم دياركم يا سبيع جينا
= في ديار تمتلك طيب وحميه

عند أبو نايف خوي الغانمينا
= نعم يا عود السعد زبن الونيه

يالرويبي كل ربعك طيبينا
= مالك الله ما شفت في واحد خطيه

أسرفوا بالذود والكبش السمينا
= كان ما يذبح يقدمها هديه

والسويدي غصن قدمها علينا
= خمس وضح لونها لون برديه

وربعك الوزران فيهم شارتينا
= مع كرمهم شفت حفله عالميه

ومثل ابن قطنان له فعل يبينا
= خاشر ابن مهيد في السمعه وزيه

وفعل ابن فراج سر الناظرينا
= مع عشاه يقدم الوضح عطيه

وكل أهل رنيه زحول وباتعينا
= عند نصر الدين وإلا الجاهليه

ولا قدرت أحصي واعذروا لا نسينا
= واحد ما جيت ذكره في القضيه

وقتنا ضيق وباكر ماشيينا
= يم نجد اللي لها نسمه عذيه

شيخنا راضي وحنا سامحينا
= يا مقدمة الشحم والشاذليه

أخي الكريم / ثامر السبيعي بعد التحية مشكور على النقل وصح لسان الشاعر / عوض بن عبدالله العازمي .