إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإن الكلام شعرا كان أو نثرا إذا صدر من القلب فإنه سيصل لا محالة إلى القلب وهذه قصيدة جميلة ومعبرة وجدتها مهملة القائل فأرجو أن تنال على استحسانكم ويقول فيها :-
فكــرت بالدنيا وبرقــت بالحـــــــــــــال =وقلبتهــــــــــــــا ما بين عدل ومـــــايل
جلسـت أفكر وأتفكـــر بالأحـــــــــــوال = أجمع وأفــــــرق دقها والجـــــــلايــل
في ساعة مـا فيه من حـــــــــولي أزوال = إلا أنا والنار تشـــــــعل شــــــعـــايل
مركي على جال الجمـر خمســة ادلال =يقـدح ســناها مــــثل برق المخــــايل
وأخـذت لي منهن على الكيـف فنجــــال =يجلي هــموم وســط فكــري تشـــايل
في صحصح ما فيه حاســـــد وعـــــذّال =أهل القلوب المبغــضــــات الغــــلايل
في صـحصح يطرد على بيــــده اللال =قــفـر خــلا مـا فيه غـير الهــمـــــــايل
أخـذت أراجــع مــا عرفـته من أمــثــال =مــاضي العــلوم مــوثـقـات الــدلايـل
لقــيت في دنياي مــــا يزعـج البـــــــال =مما يريب النفـس شــــفت الهــــوايل
ســندت أبرقى نايف الرجــم والجــــــال =وزلت قــدم رجــلي بجــــرف وتهـايل
وطيتها شعـــبان وحـــزوم وجـــــــبال =وسـريتها مـسرى وصــــبح وقــوايل
خاويت أنا ارجــال من ناس ورجــــال =ومــال الـرخـم مـاكر على راس طـــايل
شـفت الحـصـاني تعتلي روس الأقذال =والذيب يمـشــي يتقــي بالمســــــــايل
صارت على الأجــواد هـم وغــــربال = فـــيـهـا تســـــاوت بالفــــضـيله رذايل
ضــاعت مـفاهيم عــريضات وطـوال =فـيـهـا اخــتلـف درب السـنع والوسايل
دنـيا غــريبـه مـا عــرفنا له أشكــــــال =منهـا لبـيب العـقل شــاف العــــــــلايل
دنـيا تقـلب بين الإقفـاي وإقــــــــــبـال =ضــاعت بهــا الحـسـبه بكــل المسـايل
كــل (ن) غـدا للحــق ناقض وفــــــــتــال =من يوم صــارت هـرج قـيل وقــــــايل
حتى الكـرم شـبه مـع الناس بخـــــبال =والحـق عند الناس عــــــدله تمــــايل
مـنهـا نشـف حــالي غدا كنه اخـــلال =هذي عظـامي تحت ثـوبــي نحــــــايل
مــا كل مـن يلبس له اعـقـــال رجــال =ولا كل عـــســـاف يعسـف الأصـــــايل
المـرجلـــه مــا هي ســواليف دجــــال =المرجــله جـزم وعــــــــزم وفعــــايل
والشــور مـا يؤخـذ من عقول جهـــال =والحـق مـا يقــبل عليــــــه البــــــدايل
أصد وجهي عن بعض شوف الأنذال =وأقبل على راعــي الــوفا والجــــمايل
ما عـاد لي رغـبه ولا عـندي اّمـــــــال =ولاني من اللي للردى هـــد عـــــــايل
لي رغــبة وحـدة ســـجود بالاّصـــال =أخـــط لي مـسجد وأصلـــي نفــــــايل
أخي الكريم الأستاذ / خالد الشماسي السلام عليكم ورحمة الله وبركاته وبعد : شكرا جزيلا لك على مرورك الكريم والإتيان باسم الشاعر / نايف بن مهنا الصهيبي العدواني صح لسانه وسلم نبضه وبنانه وإعتلا شانه والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وإمتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير
غير متصل
دنـيا غــريبـه مـا عــرفنا له أشكــــــال = منهـا لبـيب العـقل شــاف العــــــــلايل
