السلام عليكم ورحمة الله وبركاته
هذي المجاره تنشر لأول مره وهي مجاراة الشاعر هيف الاكلبي لشاعر محمد بن فطيس
قصيدة بن فطيس
ياشين طبع ً فيك يازين الاطباع = لولا الرجا ماكان خليته ايفوت
سنع يشوه لاتذكرته اسناع = مثل الحصاه اللي وسط عقد ياقوت
تخفي هيامك وانت ميت وملتاع = ماتدري انه في ملامحك منحوت
ويبخل لسانك وانت لسمع طماع = والبخل في سلم المحبين ممقوت
الحكي قوت السمع واسماعي اجياع = ومسامعي ماتت من الجوع للقوت
وحكي الغزل في صدرك اشكال وانواع = لكن صمتك حول الصدر تابوت
اليا طلبتك وصل صعبت الاوضاع = مدري من اللي درسك جعله ايموت
تصد ماكنك من الصد مرتاع = وان قلت يالقاطع تلفت مبهوت
اقطع بدرب امواصلك بالشهر باع = والا انت تقطع للوصل في السنه فوت
طعني وطاوع واحد ً فيك ماطاع = ناس ً صغار اعقول واشوار وابخوت
واللطف بحال اللي نحل حاله وراع = قلب ً جروحه تنزف افكار وابيوت
قلبي ليا منه شرى قلب ماباع = وانت الله الله فيه والعمر لايفوت
اسمع اشعاري في الهوى وارخ الاسماع = ياللي غلاك بتربة القلب مكتوت
لا للفراق ولا لتجديد الاوجاع = ونعم نعم للوصل لو كان بالصوت
مجاراة هيف الاكلبي لبن فطيس
يامحمد ابن افطيس هيضت منلاع = وحركت شي ً داخل الصدر مكبوت
جاريت من حب ً لجا بين الاضلاع = اشد من حب العواجي معا نوت
اصويحب ً له بالمعاليق مرباع = غلاه من بين المحاديب مثبوت
بيبان قلبي له على طول شراع = بنيت له بالحب في وسطه ابيوت
خل ً ذبحني بالغنج والتدلاع = وان سلهمت عينه بها سحر هاروت
عوده من اللينه تمريع تمرياع = وشفايفه في لونها تشبه التوت
عليه قلبي دايم الدوم ينزاع = زوع اشقر ً من كف راعيه مفلوت
يلعب بقلبي كل ماهب ذعذاع = غرامه اللي شاتني بالهوى شوت
لاحيت من فرقاه يامحمد اسباع = وقطعت من شانه محيطات واخبوت
القلب عقبه مالغنادير منصاع = مالينه هرجة مضاوي وبخوت
يفداه من معظم غرامه تمتاع = اللي تلولش كل يوم ً لسربوت
واختامها يالله ياباسط القاع = يامنجي ً يونس وهو في بطن حوت
تلمني باللي مضاليله اوساع = اللي عروق القلب من حبه اخفوت
فيامحمد ابن افطيس جاريت منلاع = من واهج ً في داخل الصدر مكبوت
غير متصل
