منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
جال هاجوس الضماير من البارح رنين = طاري سلط على القلب خمه وغدره
قمت من نومي مااعرف اليسار من اليمين = لين نور الفجر بين شعاعه وسفره
احسب انه بين الاضلاع في حصنن حصين = وأثره أمحق مثل طيرن على غصن شجره
راكب اللي لاانسل مثل زاروق البطين = العضود جسام والبدي مثل المسطره
الكراس اثنين ماتوسع الا راكبين = أجردن بطنه مصفح يقارب لظهره
كن كبوته سرير وتمثاله حلقتين = ماعليه من الحجر لو يشيله بنحره
لا وقف عند المحطه يعبي مصدرين = مركب الاشناب مايصلح لورع ومره
يمنك في العرق بامان رب العالمين =تضرب الفرجه لحالك وكن معك عشره
كان وصفه بين اسمه يابو قلبن فطين = هقوة ان الوصف واضح ولافيه غبره
منوت اللي له مع البدو شان الله يعين = في ربيعن معترض مابعد حت ثمره
شايفن بنت الهوى طول عنق ورمش عين = وأشقرن من فوق الارداف ينهال شعره
كن نهدها من ورى شيلته فنجال صين = ياخذ من الورد الاحمر جماله وزهره
بري حالي بيح الصبر كله والكنين = ارتكى لسياج عوج الحنايا وكسره
أخي الكريم الفاضل الشاعر القدير / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الغزلية الرائعة والمعبرة والجميلة ولك لغة شعرية عذبة لا تشبه أحدا إلا أن عليها بصمة خاصة للشاعر القدير / مبارك مقين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
غير متصل
