اول مشاركاتي اتمنى انها تحوز على رضاكم كما امنى منكم الفائده

[شاااعر القلوب]

السلام عليكم
حي الله عيال العم الكرما
كيفكم عسى احوالكم تسر ان شاء الله
انا مسجل هنا من زمان لكن انقطعت وتوني ارجع والظروف حولنا تطوف
فاتمنى ان تتقبلون مني هذي المشاركه وتبدون اراءكم فيها ولا تحرمونا الفايده يااهل الجود والوفا




الشوق يحرق ولا والله دريت *** عني وكل من شاف حالي درى به


واسهر بنار الشوق والا انت غطيت **** بالنوم ماعانيت حر التهابه


داريت حالك وانت ما يوم داريت *** قلب جعل لك فيه جنه ورحابه


من شاف حالي قال وش بك ترديت *** وآقول له لابد نلقى كآبه


ما يدري انك داخل الكبد شبيت **** نار الين اضحت رماد باسبابه


بيّن هواي اللي خفّيته والزيت *** لابد ينبض فوق قاز غدا به


عز الله اني من عنا الحب مليت *** سجن المحبة وين مفتاح بابه


ادخلت به واحسبه هين وحبيت *** اثره سجن به ضاع عمري بشبابه


ياليتي ماعرفك ولا لك هويت *** وياليت كلمة ليت تشفي مصابه


الا تزيد الجرح ياللي تمنيت *** لاهيب تشفي ولا تمطر سحابه


جنك بيوت الشعر بيت ورا بيت *** جنك يقولن ليت تدري بعذابه


سار القلم وابديت شي له اخفيت *** يالله عساها تفيد بعض الكتابه

وسلامتكم

[شبيه الذيب]

وانت سالم وغانم

القصيده اخوي يحتاج لها بعض الوزن

ولاهي من ناحيت العني جيده

والراي عند المراقبين الاعزاء

هذا الي اعرفه والله اعلم

[شاااعر القلوب]

الله يحييك اخوي شبيه تشرفت بمرورك الطيب

لكن ياليتك تفيدني باشارتك للبيت اللي يوجد فيه الخلل ولا عليك امر

شاكر لك تعقيبك ولاهنت

[ابو طنب]

ياليتي ماعرفك ولا لك هويت *** وياليت كلمة ليت تشفي مصابه


الا تزيد الجرح ياللي تمنيت *** لاهيب تشفي ولا تمطر سحابه


صح لسانك!!!


وخذها مني بصراحه وبدون مجامله والله يشهد على كلامي!!!


بأنها قصيده جميله وموزونه وتبشر عن شاعر كبير قادم وبقوه!!!


تقبل مروري!!!

[سبيعي مهجول]

القصيده اعجبتني بدو ن مجامله والله يوفقك وتقبل مروري

[صـــــــــــرام]

صح لسانك اخي الكريم القصيدة رائعة جداً من حيث الفكرة والتدرح في المعنى

ولكن هناك بعض الملاحظات من حيث وزن بعض الابيات وهي:

1-واسهر بنار الشوق والا انت غطيت **** بالنوم ماعانيت حر التهابه


2-ما يدري انك داخل الكبد شبيت **** نار الين اضحت رماد باسبابه


3-بيّن هواي اللي خفّيته والزيت **** لابد ينبض فوق قاز غدا به