منتدى السياحة و المقانيصرحلات وصور و مقاطع أفلام للصيد وستجد صور الغزلان والأرانب والصقور و رحلات سفاري ورحلات ومكشات وقناصة السودان تنزانيا جنوب افريقيا الصمان الطيور المهاجرة
رحلات وصور و مقاطع أفلام للصيد وستجد صور الغزلان والأرانب والصقور و رحلات سفاري ورحلات ومكشات وقناصة السودان تنزانيا جنوب افريقيا الصمان الطيور المهاجرة
موضوعي هو عباره عن مجموعة نصائح قبل شراء السلاح المستعمل ، ويمكن تلخيصها في النقاط التاليه :
1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .
2/ تفحص السبطانه وتأكد من اهنا تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )
3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل .
4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ
5/ تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )
6/ عب المخزن كامل مع بيت النار واسحب القير بسرعه يعني لقم البندق ورى بعض جرب هل هي تنفض جميع الفشق والا لا عشان تتأكد من ان الناتوش يعمل بشكل صحيح .
اما اذا كان السلاح ام وحده ام ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا .
7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .
8/ تأكد من وجود قطع الغيار قبل شراء السلاح .
9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد ،
10/ تفحص الخشاب وتأكد انه يكون خالي من الكسر او الشعر . او الخدوش العميقه
11/ اخيرا تجربة السلاح ، وهي المهمه ـ فالتجربه خير برهان .
منقوووووووول كلاشنكوف سبيع @ @ @ @ @
حنا سبيع اللـي نضـد عدانـا
حريبنـا فـي كبـده الوقـيـد
يشهد به الله ثـم يشهـد فعلنـا
ويشهد به العاقل مـن الضديـد
ما شا الله عليك يا كلاشنكوف خبره اكيد انك بارع بالصيد عشان كذ ابا اخاويك وكل ما صدنا شئ تقول هو وانا اقول انا
حقيقه بيض الله وجهك هذي علوم الرجال الي تسر ولا تضر ما عو زي علوم عوض الخلف اها ياماجد هي روح قول لعوض ههههههههههههه
اللهم انت ربي لا اله الا انت خلقتي وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك علي وابوء بذنبي فاغفرلي فأنه لا يغفر الذنوب الا انت
((لا اله الا انت سبحانك اني كنت من الظالمين))
غير متصل
