أجمل ما قرأت من ديوان مواقف وأمجاد ( اعداد / منصور المشعبي ) قصيدة ظروف الوقت

[ابن قباس]

ظروف الوقت للشاعر: سلطان بن سعيد

الفكر شارد وانا ودي ولا ودي = والعمر محدود والانفاس محسوبه
وأنا من العقل متعشي ومتغدي = والحمدلله نعرف الدار ودروبه
والله فلا أطمع بثوب مايجي قدي = يوم أكثر الناس دايم مسبل ثوبه
وشلي على اللقمه اللي في طرف يدي = ما أقدر عليها وهي ما هيب مكتوبه
كم واحد يحسب إن اللوم متعدي = واللوم غشيه من راسه لعرقوبه
نتبع ظروف الزمن ونجيب ونودي = ونقوم ونطيح كل دون ماجوبه
ما بين موج البحر والجزر والمدي = تبقى الثقة حاجة في النفس مطلوبه
حتى لو إن الظروف تسير في ضدي = لابد ترجع ظروف الوقت مغلوبه
ورث ورثته ورثه أبوي عن جدي = ماهين نفسي ورى اللي ينفخ أجنوبه
أعز نفسي وأنا مانيب منحدي = الأمر لله وباب الرزق من صوبه
إخوان يوسف من أصل الأب والجدي = خذوه مره وراحو به ولا جوبه
يبقى الردى في عيون الناس متردي = متوقي في لحاف يستر عيوبه
هذا وانا طول عمري مانكشف سدي = عالي النظر والقلوب السود مقلوبه
نساير الوقت واثر الوقت متحدي = يطرح ويجرح ونار الموت مشبوبه
لا..واعساها سحابة صيف وتعدي = الهاجس اللي يلوف القلب ويلوبه
أموت وارحل ودمعي ماوطى خدي = حتى لو الروح مسلوبه ومنهوبه

[مروّض]

أخي...ابن قباس

لا هنت على النقل...و صح لسان الشاعر سلطان

ورث ورثته ورثه أبوي عن جدي= ما هين نفسي ورى اللي ينفخ جنوبه
أعز نفسي و أنا مانيب منحدي= الأمر لله و باب الزرق من صوبه

تحياتي..مع أمل نقل قصائد أخرى من الديوان

[سعد المحمدي]

يبقى الردى في عيون الناس متردي متوقي فـي لحـاف يستـر عيوبـه
صح لسانك ولسان الشاعر ياخوي منصور

[ابن مشعب]

لاهنت يابن قباس ابيات جميله ورائعة

وهذه تحمسني لشراء الديوان ..... بس قلي القاة بالعبيكان والا لا


مشكور مرة ثانية

[ناصر المديري]

صح لســـان الشاعر

ولاهنت يابن قباس

[قاسي ابن قاسي]

لاهنت يابن قباس ابيات جميله ورائعة

[خيَّال الغلباء]

المشاركة الأصلية كتبت بواسطة ابن قباس

ظروف الوقت للشاعر / سلطان بن سعيد

الفكر شارد وأنا ودي ولا ودي = والعمر محدود والأنفاس محسوبه
وأنا من العقل متعشي ومتغدي = والحمد لله نعرف الدار ودروبه
والله فلا أطمع بثوب ما يجي قدي = يوم أكثر الناس دايم مسبل ثوبه
وشلي على اللقمة اللي في طرف يدي = ما أقدر عليها وهي ما هيب مكتوبه
كم واحد يحسب إن اللوم متعدي = واللوم غاشيه من راسه لعرقوبه
نتبع ظروف الزمن ونجيب ونودي = ونقوم ونطيح كل دون ماجوبه
ما بين موج البحر والجزر والمدي = تبقى الثقة حاجة في النفس مطلوبه
حتى لو إن الظروف تسير في ضدي = لا بد ترجع ظروف الوقت مغلوبه
ورث ورثته ورثه أبوي عن جدي = ما أهين نفسي ورى اللي ينفخ اجنوبه
أعز نفسي وأنا ما نيب منحدي = الأمر لله وباب الرزق من صوبه
إخوان يوسف من أصل الأب والجدي = خذوه مره وراحوا به ولا جوبه
يبقى الردى في عيون الناس متردي = متوقي في لحاف يستر عيوبه
هذا وأنا طول عمري ما انكشف سدي = عالي النظر والقلوب السود مقلوبه
نساير الوقت وأثر الوقت متحدي = يطرح ويجرح ونار الموت مشبوبه
لا وا عساها سحابة صيف وتعدي = الهاجس اللي يلوف القلب ويلوبه
أموت وأرحل ودمعي ما وطى خدي = حتى لو الروح مسلوبه ومنهوبه

ابن قباس جزاك الله خيرا ولا هنت

[حمد ع ح]

مشكور وما قصرت ولا هنت

[عواكيس]

مشكور وما قصرت ولا هنت