احسن طريقة لطبخ الضب ( يوجد صور )

[فهد ابو نايف]

احسن طريقة لطبخ الضب

1- ربص الرز بعد غسله

2- سو تكشينه ( وذلك بتقطيع البصل إلى قطع صغيره ثم تكشنه مع الزيت حتى يشقر بس انتبه لا يحترق

3- ضع الطماط المقطع أو بدون تقطيع بس لا تنسى (تطعنه بالسكين)
حسب الرغبه لاأجل تكثير الماء ( ترا الطبخه هذي بدون ماء) اقصر الدافور وخله خمس دقايق ولاتنسى تغطيه بها الخمس دقايق

4- افتح الكاتم وضع لحم الضب ( المقطع والمصلوخ طبعا )
ثم ضع الملح حسب الرغبه وكذلك البهارات والدارسين والليمون الأسود و الحبحر

5- أغلق الكاتم بإحكام ثم زد عليه النار

6- إذا تس احسب له 45 دقيقه وخل النار متوسطه

7- بعدين طلع اللحم وخذعقوده واشخله من البصل والطماط ثم أعد العقود إلى الكاتم

8- ضع الرز المربص بالكاتم مع عقود الضب ( العقود هو البلول أو المرق) ثم شف هو يبي تزويد العقود وإلاتنقيصه وانتبه للملح

9- أغلق الكاتم ثم زد عليه النار حتى يتس وعلى طول اقصره لآخر حد عشان مايحترق ثم انتظر خمس دقائق

10- افتح الكاتم واحرك الرز من فوق لتحت

وبالهنا والعافية

[+الشنيفي]

ههههههههههههههههههههههه والله انك فاضي يا تس تس

[الزناجه]

هلابك يابو نايف والله شغل ممتاز او ريحه طيبه
تسلم يابو نايف 10/10
او لاتنسى ضغطه قي قوطي النيدو شي

[zo0o0m]

الله يا بونايف




متى تعلمنا طبخة الغزلان




ههههههههههههههههه





ما قصرت واشكرك على المشاركة

[صامل الميقاف]

جزاك الله خيرا