الحرس الوطني

[الدويش العريني]

السلام عليكم ورحمه الله وبركاته
انا اللحين بالصف الثالث ثانوي والسنه الجايه خلااااااص بتخرج وبفتك من المدرسه
وفكرت بالدخول بالحرس الوطني او الجويه ...
لكن ما اعرف احد بالحرس وابي اعرف كيف النظام كم سنه ؟؟؟ بعدها ملازم ولا ايش ؟؟ وبعدين هل هناك افواج لسبيع لأني سمعت ان في
فوج بأماره ابن شويه وهل يمدني ادخله ولا ولا
وشكرا ولا الجويه ازيــــــــــــــــن

[$$ابن ملافخ$$]

الله يوفقك ان شاء الله.........................

[فهيد القريشي]

دامك بتفتك منت معين الا جندي ..


ياخوك كمل دراستك وخلك الصبح تصير قااضي

<< حلمه يصير قاضي ولا دختور مير اشغلنا الزمان الله لايشغلنا الا بطاعته


الوكاد عليك بالدراسه وشكراَ

[أبن عزوان]

ياخوي الدويش العريني ان بغيت رايي وانا اخوك؟,,,

شد حيلك بالدراسه وجب معدل ممتاز ورص على نفسك معليه تحمل بس سنه وحده وترتاح...

وبعدها ادخل جامعة نايف ....

وهذا شوري وانا اخوك


واتمنى لك التوفيق انشالله وعليك بالصلاه لاتفرط فيها ان بغيت ربي يوفقك ...

وتقبل تحياتي واشواقي....

[ابن جعوان]

:أخي: الدويش العريني : بارك الله فيك :

اولا نصيحتي لك بطاعه الله عز وجل
وثانيا طاعه والديك وهتم بالوالده كثيرا وشد انتبهاها اليك
لجل الله يوفقك وتدعيلك وانت ماتعلم بما تقول وانت غايب
واقراء هالموضوع لجل تعرف ماذا فعلت من اجلك هاذي الانسانه
الصابرة المثابرة
سارع بتقبيل حبيبتك قبل فوات الأوان
http://www.sobe3.com/vb/showthread.php?t=26688

وثالثاانصحك بتكميل دراستك الجامعيه وليس الثانويه فقط

تقبل مروري لاهنت

أخـوك

أبن جعوان

[الصمله السبيعي]

ليه دايم بعد التخرج كل يبي يروح في العسكرية ولا الحرس ليه ما تكمل دراستك وترفع راس قبيلتك

[س ب ع 777]

انصحك بالدرررراااااااسه (الدراسه تخلي التاليه من الغنم ......)

[فيصل الشنيفي]

اخوي الدويش العريني حيااااااااااك الله ونصيحتي لك وانا اخووووك كمل دراستك وخلك عنك الحرس والجوية لان العسكرية مالها مستقبل من غير شهادة اكاديمية .... واسئل الله لك التوفيق ورضا الوالدين ....




اخوك فيصل الشنيفي

[@ أبو إبتهال @]

إن طعتني كمل دراسات عليا لأن أصلاً مافيه وظايف بالثانوية إلا إذا عندك واسطه أو قويه بعد .. ومن سمعك قال إنك ضامن الوظيفه بس تبي الرآآآآآي ولا بعد تبي تسجل بالأفواج ماشاء الله عليك

[الدويش العريني]

السلام عليكم ورحمه الله وبركاته
شكرا لكم على هذا الاهتمام بافراد القبيله وخاصه من قال ارفع راس قبيلتك
ومن قال الاهتمام بالام فهو صادق 100%
ومادامني شرتكم بسمع لشوركم وبنفذه
وجزاكم الله خير وما قصرتم ...
تسلمون
تحياتي
الدويش العريني