بيان من وزاره الداخليه
8
ان
هذه السياره تحتوي علي متفجرات فعلي من يجدها يبلغ عنها وله
7 ملاين ريال
يا ساتر سبع ملاين مرتن وحده
يا شيخ ببلغ عنها ببلغ عنها حتي لو هي لحبيبتي
8
8
اول ما تفوه به المدعوا مشعااااب بعد سماعه هذا النبأ ؟؟؟؟؟؟
والكلام القادم على لسان الاخ مشعاااااب طبعا .......
طلعت للشارع ابروح اقضي لي مشيوير
ومعي مفتاح جمسنا وما طلعت عند الباب الا وانا اشوف خشيشه الجمس وامسك راسي
يا ولد اركض شف وش اللوحه لا يصير جادعين بلاهم عندنا
ر ن ا 4 3 0
بس يا ولد تاكد من الاستماره نفسها اخاف هه والا هه ونروح في هه
وافتح الباب وانزل الدرايش واطلع الاستماره
واقراء اسم المالك ابوي واطبع علي اسمه قبله حانيه
تعبر عن ما بداخل صدري من مشاعر تجاه هذا الاب
وما دريت الا وهو تافلن بخشتي
حتي بالاستماره ملاحقن التفال يا ربيه بس وش مسوي بعمري انا
واتاكد من اللوحه اثرها رنا
وما دريت الا حصاه مستقره باطراف خشمي
وش السالفه توني اشوف الاستماره مهيب اللي يبون
والقي بنظره علي يميني واثر ابو الشباب اخو شما معه حصاه ويعاين في بعين.....
وانزل واقول وش فيك عسا ماهيب تطول بس
وهو يقولي انزلع يا اللي مانيب قايل
اجل معبي سيارك طرطعان وتبي تفجر فينا ؟؟؟؟؟؟
لحووول وش فيه ذا علينا يا خو شما انت علامك اي طرطعان واي تفجير
انت اللي امس بالاخبار وهذا موترك والله لعلم عليك ذي سبع ملاين موب هينه
قلت له اقسم بالله بالله صدقني يا اخوي انها راء موب دال
بس اخو شما ناشب له الا يبي يحطني ارهابي وانااقول ما بدهاش حرك السياره وانفذ بجلدك
واعشق الجمس علي دي ويوم وصلت اخر الشارع واديور له وارجع لخو شما
ويوم وازيته انطل الموتر واغبر عليه
خله مرتن ثانيه يسوي حركات نص كم
ويوم وصلت اخر الشارع واشوف علامه قف واقف امامها احتراما كاول مواطن
سعودي يعطي هاللوحه وجه ويوقف لها
ومير يمر العسكري راعي اللومينا واسلم عليه والضحكه شوي وتشق خشتي
من باب التعاون بين المواطن ورجل الامن
وهو يرد علي السلام وضحكته كبر السفتي اللي فوق راسه
وما دريت الا وهو تالن ام الجلنط
ومولع السفتي ونزل من السياره وموجه سلاحي باتجاه خشتي
سلم نفسك ... سلم نفسك يا راعي الجمس والعن ابليس
وهالشرطه ما يصدقون الواحد يضحك لهم الا ويمزحون معه
سلم نفسك اخر مره .. سلم نفسك
يا شين وخر وراي مشواير يا ليتني ما ضحكت بخشتك
ومير اسمع صوت طلق نار بالهواء وبدت ركبي تصافق وعرفت ان الدعوي ماش
مهيب مزح
بسلم نفسي يا ابن الحلال بس كلش الا السلاح طلبتك
وانبطح علي ارضيه الشارع كاول مره في عمري عقب ما كنت انبطح يوم اني ورع
علي وقت البامبرز
وهو اللي يتمردغ بخشتي وخذ يا تفتيش وصك الكلبشات وياطي علي خشتي كنايه في التأكيد
ويدخل ويحوس في الجمس يمين يسار وينبطح عند اللوحه اللي قدام واشوفه يمسح بايده
ويجي يمي واجهز له خدي اليمين عشان يبرمه بكف
اآسفين يا الطيب بس اللوحه اللي قدام مزود عليها بقلم صبوره
وخلتني اقراء حرف الراء دال
عادي وش دعوا يا اخي وثق ثقه تامه اني معكم قلبا وقالبا
واطلع وانا اعرق من الخوف واروح لمشواري اللي انا
طالعن له
وصراحه انا نفسي من زمان اشوف البقلاوه اللي ما ادري وشي
بس اللهم اني اسمع اهلي يهرجون فيها وجمالها وحلاوتها
اول الامر احسبها جارتنا السوريه؟؟؟؟؟
ووصفت لي امي محل حلويات بالربوه ويا ليتني ما رحت
الربوه حي في شرق الرياض وهو اخر حي شوهدت فيه
سياره الجمس المطلوبه ولذلك يكثر جدا التواجد الامني فيه بشكل واضح
وادخل شارع الثلاثين وادور محل جهينه
واخش فيه برجلي اليمين واول ما خشيت بوجهي بنت تضحك لزميلتها
وانا اللي اجيك مكيم الطبلون علي بلاط المحل
واااو صوت بنت وتضحك يا ساتر
ويقعد حق المحل يفهمني نص ساعه وشي البقلاوه واخيرا اقتنعت واخذت كيلو يم يم
وانا طالع مسوي ابختصر وارجع للبيت من شارع الميه
لا والوقت مغرب وخربان السكن حق السياره يعني ان لوحات السياره ما عليهن نور
ويوم وصلت للاشاره واشوف رجال الامن بشاص مقفلين نص الطريق عشان ابن امه يهج يحجرون له
واخش من بينهم بكل حريفه وذهانه ابن امه يسويها حتي لو في درايفر
وطردي هالشاصات وراي وانا فاقع الطبلون ابلحق علي الاشاره قبل ما تقفل << يلعن ام التفكير
واقطع الاشاره وهم وراي يا سنايدي ذولا موكب تفحيط
واسفط عند هرفي ونفس السالفه فيها تكفيخ وجلد
وينورون علي اللوحه وبلعنه الجدف تاكدوا انها راء موب دال
واروح وفيني الصيحه للحاره
<< بالله ما ترحمونه
واول ما دخلت وكالعاده دخلاتي يا في الرصيف يا في سطل الزباله
واشوف ذيك الفتاتان من بعيد تمشيان علي استحياء
واقول اكيد الحين ان كل وحده تقول للثانيه
يا ملحه ملحاه ذا مشعاااب لو يفرشي سنونه
الثانيه وه بس وه منه وربي شوفه عيونه تكفيني
قلت يا ولد ادخل من عندهن عرضيه واغمز لهن خلهن يفرحن شوي
وادعس لك دعسه عقبها المكينه مدري وش بلاها
وقل بالدرسكون يمين يسار هيه يا سلام اثرني في نخله جارنا ابو عمر
وطلعوا الجيران يشوفون وش السالفه
واول ما شافوا الجمس كلن يقول يمه يمه ارهابي امسكوه امسكوه
يا ناس قسما بالله اني انا مشعاااب ولد جيرانكم
والله ثم والله اللوحه راء موب دال
المقصود
هاللي فاهمين الجهاد غلط
وشوهوا سمعه الاسلام ثم سمعه هالبلاد عند غيرنا من بلاد العالمين
وكرهوا الناس في بلدهم ونفسهم واموالهم
وقلبوا الامن فوق حدر
متي يستحون ويسلمون انفسهم بعد ما اعترف قوادهم انهم علي غلط ؟؟؟
وما اقول الا الله يوفق الحكومه وتمسك هالجمس وباقيهم وتريحنا
غير متصل
البيت محاصر
