قصيده أبي ألقيها في زواج ولد عمي أرجوا التقييم

[شوشان]

يا مرحبا يا مرحبا لكم الشكر والسلام ××× ولكم الثنى والتقدير هو أصل تقديمها
أدري انكم وافين وهذي مافيها كلام ××× ولو ما تصح الأقوال ما يبخل كريمها
تيعيشون بالدنيا هذي على خير و سلام ××× والفرحه هذي لنا يا ربي أنك تديمها
ومبروك يا محمد ترانا طيرنا الحمام ××× وصل لحد النجوم وحول على مغيمها
عزالله انك اخذتلك من نسل الكرام ××× أرجالن تأخذ العلم في وقت تعليمها
ويبو شداد من دونك نشد الحزام ××× نرضا على حلوها ونصبر على سقيمها
واليوم ذا مبروك يا طيبين المقام ××× كنها هلات مطر ويارب أنك تعيمها
وسلامي لكم فالبدايه وفالختام ××× والفرحه هذي لنا ياربي أنك تديمها

[خالد الشماسي]

هلا شوشان


القصيدة غير مناسبه لمثل هذه المناسبة

اذا تبي نضبطها لك ابشر :)


البدايات صعب تلقيها على الاجتماعات


خلها على اصدقاءك لين تضبط الوزن والسبك للبيوت


تحياتي لك

[شوشان]

تسلم باللهي ضبطها لي يالشماسي...

[خالد الشماسي]

هذي القصيدة بعد التضبيطات

وتراني ما اجتهدت واجد لجل تناسب مقدرتك

يا مرحبا يا مرحبا باللي لفانا والسلام =ليلة بها نور القمر يبدع لنا تصميمها
أدري انكم وافين ياهل الجود مافيها كلام = اعتز فيكم وأفتخر والناس من تقديمها
عشتوا لنا في هذي الدنيا على خير و سلام = الله يزيد أفراحنا والله لنا يديمها
مبروك يا محمد خذيت الطيب وأغلى من وسام = وحنا فرحنا لك مثل فرحت بدو في غيمها
عزالله انك اخذتلك من روس شجعانٍ الكرام = رجال لهم قدر وفخر والناس من تعليمها
وحنا يابو شداد من دونك نبي نشد الحزام = نرضا على حلوه الزمن ونزود مع سقيمها
واليوم ذا مبروك ياربعي رفعين المقام = ماكنها الا ماطرٍ يسقي مفالي ريمها
وسلام مني في البدايه والمعذرة في الختام = الله يزيد أفراحنا والله لنا يديمها

[عبدالرحمن غثيث]

مـــشـــــكـــوريالـــغــالــــــي الـــلـــه يـــــعــــطـــيـــك الـــعـــافـــــيـــــــه

[جبر الغبيشان]

بــيـض الله وجــهـك اخوي خــالـد على التعديل

وصح لسانك