بسم الله الرحمن الرحيم
هذه النصيحة طلبت في آخر ابياته من رفيق لي مجاراتها بنصيحة مثلها لكي تعم الفائدة اكثر
[poet font="Simplified Arabic,4,darkblue,normal,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله ياللي تنزل الغيث وتكفه= واحدٍ بيده مفاتيح ألأرزاقي
كل تالي ليلةً باسطٍ كفه = يعتق اللي تاب من ناره اعتاقي
وكلبونا ياهل الميز والعفه = ندري انحن خلق والرب خلاَّقي
لافنا صفة خلق بعدها صفه = وكل مافالكون زايل وهو باقي
ولايكابر كون جهال ومسفه = من عذاب ألآخرة مالهم واقي
وحظ من مالت حسانيه بالكفه = جاعلٍ بينه وبين الشقاء تاقي
وان رجح شين العمل هف بة هفه = في جحيمٍ تحرق اعظامه احراقي
بعد ماشربه وزاده على شفه = مايذوق الاَّ حميمٍ وغساقي
يالبنادم صف باقي العمل صفه = واعلم انك الصبح بتموت وتلاقي
يمكن ان رجليك قدهي على الحفه = طول آمالك لاتوهقك وهاقي
صل وحذر في صلاتك من الخفه = يامطبق خمس ألأركان طباقي
وبعدها آوصيك حبل الصلة وفه = وحَلْ برك والدينك بالأخلاقي
وصل تالي الليل والناس منكفه =وكل ماضحيت الضحى صل ألأشراقي
والنمايم خلها واللغى كفه = والتهم لاألتفت الساق بالساقي
واستقم فالدرب وحذر من اللفه= لايغرونك رديين ألأعماقي
هينٍ محوالهم بك مع الطفه = وكايدٍ مرقاء الطويلة على الراقي
اعتبر بالبوسنة واهل الظفه = وآهل الشيشان والموس حلاَّقي
كم بلادٍ شعبها كان مترفه = ومزقت شعبه معاصيه مزاقي
شجرة الفتنة لها اغصان ملتفه = ودايماً وفنودها خضر ألأوراقي
لن ابليس وكل من كان في ضفه = من قرب منها عدل صوبها الساقي
للخسيس اسنين مااحدٍ كسر صفه = وكاثرٍ حزبه عساه التفراقي
كنهم اللي تلقط الحب وترفه = لآكبر اعداء اللَّه يرخون ألأعناقي
وكلهم لوحو صداء طبله او دفه = تشخص ألأبصار وتجف ألأرياقي
واخجل من البنت في ليلة الزفه = جهدها اتطقطق لصابيع طقطاقي
طير ياللي تنشر الريش وتصفه = خذ خطابٍ ما ملفه بعلاَّقي
وهف ريشك مع رواق السماءهفه = صوب من قلبي لمعناه مشتاقي
شايبٍ راسه هواء الشرك مانفه = من حماة الدين شينٍ ليا ضاقي
وصاحبه ماهوب يرضىله امحفه = من ربوة منزلٍ عزه اطباقي
بيت عزٍّ فيه ربعة ولـه رفه = مايجي فيها منافق وبواقي
يالفلاني لاركي داميٍ خفه = مايقاود لي ولاعاد ينساقي
وعان بابور الغناء شغله طفه = وسق ترى ماعادني لـه بسواقي
طالبينك درجه وإن طفاء دفه = ولابه الًّ تم مافيه دناقي
لاتحط العلم فارداك وتلفه = والحق الثاني معى دربه الحاقي
ولاتقول اعجزت وتعظ فالشفه = يابحر موجك على السيف صفاقي
خلها تمشي مع الدرب مصتفه = وكان جاء المعنى على هقوة الهاقي
ثقل معنى القاف والقاف ياخفه = وانت للمعنى وللقاف عشاقي
وجاك بالبسام معناي والدفه = ذوقنا وكسوه ياصحاب ألأذواقي
[/poet]
ملاحظة (عجزت اعرف للتسطير وتكبير الخط والألوان ارشدوني)
غير متصل
