مرتاح ومريح ولا اشكي من البين * وذي حالتي 24 ساعة.. جديد الشاعر راكان بن بدن

[شافي بن عميش]

ياناشدٍ عنّي بعد غيبتي وين ؟ = وتسأل عن أسباب البطا والقطاعه
أن كان تسألني بعد زل شهرين = فاخذ الجواب اللي يسرّك سماعه :
مرتاح ومريّح وحالي كذا زين = على مدار اربع وعشرين ساعه
اشفق على عِرف الرجال الميامين = وعن رفقة الهافين عندي مناعه
لاصرت متعافي 00 ونهجي على الدين = وارجي من الله الرضا والشفاعه
ومساندٍ ربعي على العسر واللين = ومرضٍ أبوي 00 ومفتخر بالجماعه
ماهمّني لو يرهق امتوني الدَين = المرجله والدِين راس البضاعه
وأغلا من كنوز الذهب والملايين : = كنز الرضا والعافيه والقناعه
وماغير ربّي 00 ثم ولاة الحرَمين = اقول لامن قال سمعٍ وطاعه
صحيح ربّي خالق الناس من طين = ومرّوا بتسع شهور قبل الرضاعه
لكنّ ميّز بينهم فالموازين = وكلٍ حسب عقله ونجدة اذراعه
مايستوي قدر الردي واحمر العين = ولايستوي طبع الحيا والبشاعه
مايقهر الرجال ياغير ثنتين = وماله على تعديلهنّ استطاعه
لاصار وافي شور وفعول ويمين = وطاح بزمن مايعترف بالشجاعه
المال كم وطّا ونزّل سلاطين = وكم طال به قاصر وزاد ارتفاعه
هذي تصاريف الزمن بالبراهين = وكلٍ يترجمها بحسب إطّلاعه
والحين اضنّك فاهمٍ حالتي زين = قل قالها راكان ماهيب اشاعه :
مرتاح ومريّح 00 ولا اشكي من البين = وذي حالتي 24 ساعه

جديد شاعر العرب راكان بن بدن ,,,

[اسير الهمـ]

صج السانكـ وفالكـ البيرقـ والمليونـ

[محمد التواما]

صح لسان الشاعر ولاهنت على النقل

[ابو طنب]

يعطيك العافيه!!!!




صح لسانك ولسان راكان!!!!



تقبل مروري!!!!!

[شافي بن عميش]

صحت ابدانكم

يعطيكم العافيه على المرور

[ابـــن مهـــراس]

صح لسانك ولسااان اخونا راكان
ومشكور على نقل القصيده الرائعه
وبعدين راكان ووووينه
ليه مايجيب قصايده اللي ما انتشرت والجميله للمنتدى

[فواز علي الروقي]

صح لساااااااااانك لاهنت
تقبل تحياتي

[ابن جعوان]

------>

صح السااااانك وسلم بنانك
شكرا على القصيدة
الراااائعه لاهنت

<------