المقناص

[شيبان]

أنا أشهــد إن الصيـــد صيــد الحباري=بالطير والا باقي الصيد ينعــاف
مالي هوى بصيـد الضبـا والقـمــاري=حتى القطا ما ابغيه خليته اخـلاف
إلآ طرى في البـال بـعض الــطواري=وازداد شوقي للخـلا شلت نـواف
وشديت ظهر الجمس وروحت ساري= لم الديار اللي بها الصيد ينشـــاف
لا صرت بالصمـان حــول المعـاري=بأول سماح الصيد والطيـر ميلاف
بأول سماح الصيـد والطيـر ضـاري= ضاري على صيد الحباري وعراف
طيـــرٍ من طيار الحبــاري امبـاري= في جــــــوها ياخـذ من الريـش نتاف
وفـي مـفـرسه تلـقى لهـن بالمـذاري=ريـش الحبــــاري بالذرى كنه لحاف
الطـــــير قـلب ولا تـبـيـن مـــواري=ومن قال اعرف الطير ما عنده انصاف
كم أشقــرٍ صدره زهى به غتـــاري=وقصير عظم الـساق وكفوفـه اجــلاف
وقصير ريش الذيل وعنقه سـواري=والــجرم نــادر بــس للصيـد خـــواف
اخذت انا والطيـــر ليـــل ونهــاري=ستيـــن يـــوم ٍبالخـلا كلهــــا اريــاف
مـن لامـني بالطــير جـعله يــداري=يـدرى طــريقه بالعصا فيه لكـفـــاف

[عيسى السبيعي]

الله مره وحده الحباري

واللي غيرها ماله قسم تراهم بيمسكونك بحق

تسلم يالغالي على التحفه

تحياتي

[خالد الشماسي]

صح لسانك


قصيدة تحرك الشوق للمقناص

[لاد قبان]

صح لسانك

[smart]

صح لسااااااااانك


قصيدة قمة لاهنت اخي شيباااان


ننتظر منك اكثر واكثر من هااالنووعية



اسمحلي على التنسيق وان شاااء الله يعجبك :021:



تقبل تحياااااااتي

[شيبان]

اشكرك يا خوي smart
انا اشهد انك سمرتها

[قرناس]

ونا أشهد أنك ضربت على وتر يطرب له كثير