قصيدة الشاعر الكبير / دسمان بن مناحي في وصف الشعل إبل الشيخ / فراج بن جفران

[مسلط 22]

بسم الله الرحمن الرحيم

لا زاعت الشعل جنب عن سناينها =ما أخبلك ياللي بتقهرها عن الراعي
كن السرايا جنبها يوم أعاينها= تنزاع في ساقة الراعي إليا انزاعي
مهيب وسط الهمل تذكر عواينها= دون الرويكب يمينه ذكرها شاعي
عند ابن جفران مرسية سفاينها= هزع عراقيبها ونحورها وساعي
يمشي بها بالفلا ما هو بهاينها= وإلها بالأقفار مصياف ومرباعي
اعداه من همها تكثر غباينها= تزعل وتفرح وتبري كل الأوجاعي
من شعلة الشمس تطري لي بطاينها= شمس الضحى شاركتها لون وإشعاعي
اعراضن خدودها ربي مزينها= سندا مقاديمها والروس شلاعي
إن طبت السوق يا مكثر زباينها= وإن طبت البر تشعف كل مولاعي
وإن جاء نهار المراء تسبق قراينها =تاخذ وراء الباع باع وشبر وذراعي
تبحث خفا الناس وتبين خزاينها= ويصد عنها غليل القلب مرتاعي

صح لسان شاعر القبيلتين الشاعر الكبير / دسمان بن مناحي المحمدي السبيعي وفقه الله وحفظه من كل سوء والشعل تستاهل . منقول وأنتم سالمون وغانمون والسلام .

[خالد الشماسي]

صح لسان شاعرها وسلمت يمنى ناقلها


قصيدة جزله في رجال يستاهل والشعل تستاهل .

[مسلط 22]

الاخ ابو عمر شرفني مرورك ووضعك القصيده في هذا الشكل الجميل وبيض الله وجه الشاعر والشيخ فراج بن جفران يستاهل وشعله تستاهل وتقبل فائق الشكر والامتنان في هذا الصرح الشامخ والسلام

[مسلط 22]

صحت البيت ماقبل الاخير
وان جاء نهار المراء تسبق قراينها تاخذ وراء الباع باع وشبر وذراعي

[لاد قبان]

بيض الله وجه الشاعر بن مناحي وصح لسانه, والشيخ فراج بن جفران يستاهل وشعله تستاهل.
بيض الله وجهك يا مسلط...مبدع كالعاده

لاد قبان

[مسلط 22]

الاخ العزيز الادقبان السلام عليكم ورحمة الله وبركاته وبعد شرفني مرورك والقصيده تستاهل والشاعر الكبيردسمان بن مناحي خدم القبيله بقصائده العظيمه والشيخ فراج يستاهل والشعل تستاهل والسلام

[وافي السبـيعي]

صح لسان الشاعر وبيض الله وجهك يا مسلط 22 ابيات جزله

من روس جزلين

تقبل تحياتي

[مسلط 22]

الاخ العزيز وافي السبيعي السلام عليكم ورحمة الله وبركاته وبعد حياك الله ولايعرف الكلام الجزل الاالجزل مثلك والشاعر الكبير دسمان بن مناحي غني عن التعريف والشيخ فراج بن جفران يستاهل والشعل تستاهل وانت سالم والسلام

[ماضي المديري]

بيض الله وجهك اخوي مسلط22 على القصيده الجزله

[مسلط 22]

ووجهك ابيض ياعقيد القوم على المرور ووجه الشاعر والغلباء تستاهل اكثر