بسم الله الرحمن الرحيم
الغزل الصامت :-
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الجميلة والمعبرة والمسماة بالغزل الصامت للشاعر الكبير الشيخ / مهنا بن سعود بن خزيم السبيعي رحمه الله وأسكنه فسيح جناته والتي يقول فيها :-
نو (ن) نشا برقه من البعد قداح = أقبل تمايح به ذواري رياحه
كنه سواد الليل والبرق الإصباح =تجهر حديد الطرف ومضة الماحه
إلى نجد منبت كل خير وفواح = شهرين والوسمي يصبح صباحه
في ظل ورف غصونها الورق نواح = وفراشها تفرحك وشمة جناحه
أزكى النفل من نفحته كل سواح =وأبكى الزهر طير السحر من نواحه
دموعها طل على الغصن سفاح = والشمس لي شعت تبخر سفاحه
وصار الزهر ما بين جاذب ومياح = لي هبت الذعذاع هزت مياحه
وتنكست فيه أم سالم بالأجناح = بأنغامها تسقي القلوب الفراحه
وراع الربابه حنن القوس بالاّح =ما كان في نفسه من الوجد باحه
وأودع طيور الروض في همس وأفراح = وذوق خلي القلب طعم النياحه
له ونة تطرب وأناته أنواح =أذكى هوى العشاق هو وش صلاحه
واللي دله من الغي خلاه ينلاح = وراح يتصور له مداوي جراحه
وصار يتمنى لو عشيره معه راح = كف (ن) بكف وخطوة (ن) في فياحه
وقف وتبسم قال أنا خاتمي طاح = ومن الدله ضيعت يمة مطاحه
يالله نعود كود نلقاه يا صاح = وأثره نكايه من عجايب مزاحه
وأرضاه زهرة قحويان لها أنفاح = فيها حكت ومضة ملامح ملاحه
إلا صفار اللون صر عنه صفاح = واستبدله لون (ن) يحالي نصاحه
متلثم (ن) طرق (ن) عفيف (ن) له أوشاح =الله لو شوقي نسج مع وشاحه
الليل داكن لكن النجم وضاح = والليلة الغدرا تزيده وضاحه
بذنيه من سحر التعاجيب كالراح = وفي عينه الدنيا تبسم فساحه
قال : اهدنا من العيد قال : العطا باح = فناظر وإلى الحنا تعورج براحه
وطاف بخياله من أخضر العمر ضباح = وجادت بعشرات المثايل شحاحه
الشوق لأسرار العشاشيق فضاح =وبراءته سر وجمال انفضاحه
يا حلو لعق الدم من بيض الأجراح =من رمش خافية المنايا رماحه
معشوقتي مرباه في بيض الأصفاح = تناجي وتسقيني الشهد من قحاحه
لي خاطر (ن) عن خطر البعض يناح =لخطر ومزهرة الخواطر جناحه
هو تاح لكن رايد الحظ ما تاح =وما حسه إلا عقب ما أقفى متاحه
مصقول وعقول العباقر لها أقداح = ما أروى ولا تعبس مناهل اقداحه
الجهل بحر عنه الأنهار جناح = حي (ن) ولكن رمز موته ملاحه
ومطامح الأشفاف يشقن الأرواح =وأشفاف كاسات الشقا أنفاح راحه
ما تدرك إلا عقب قومه ومطراح = يقرا طلاسم سرها في انطراحه
والقدر لولا صالي النار ما فاح = والنار لولا الزند ما أضرم قداحه
من لا يشم الهون ما فهم الأمداح = ومن لا لهم ما ذاق طعم الفصاحه
مشكور يا دهر هداياه الأفداح =الله لو ينشاك كاس الفداحه
ألذ من نجوى جلت كل الأتراح =وأهنى على كبد الصدي من قراحه
أسبح على موج (ن) بلا دسر وألواح = والكون في عيني جنان مباحه
يا طير ما في أحد الجناحين مفساح =تاخذ كتاب اللي تناهى فزاحه
متضمن (ن) شكوى معانين وألماح =منها القلم سقت دموعه طلاحه
لولا النوى ما حن ولف ولا صاح =شر أشر الشر صامت صياحه
في حس عشاق الميامين صداح =وبعطفك يا أبو تركي سقيته صداحه
فكره تطلسم واّثر الصمت مفتاح =بلماح عرفك يستجيب انفتاحه
همي إلى زرته عن الصدر ينزاح = وأحس للدنيا مذاق وملاحه
معارفه لي لأعتم الفكر مصباح =حساس عرف اللي عميق نزاحه
يرسم بهاجوسه قبل شوف الأشباح = فراسته تشتم غمض اشتباحه
مخضل بال بالتفائيل نضاح =من عاشره يورق خياله نضاحه
سلي معشر للأسارير مناح =كالشمس تهدي الكون ضي ومناحه
وفي (ن) وأديب للمحة الطيف لماح =ولا به على كشف السراير شفاحه
إن جيت في بيته تاّديب وأمزاح =وإن زرت فالمكتب بشاش وسماحه
من منبت بالجود والحب نفاح =كنه من الجنه شرب نخب راحه
منداح عرف (ن) لي نزق كل منداح =ثاقب صويب الراي عمدة سلاحه
إلى أشفقت نفس اللجد للجد =شاح ما ينتبه كود الفطن لانشياحه
نهنيك في ثرات مشرقة الأطلاح =وجناه غرس (ن) ممرياة بلاحه
لين اعتمت موحشة الأغوار ضياح =ينور عتيم الكون مشكا ضياحه
ألبابها منجاع روض ومسراح =دمث الربى تعشق خطاك اندياحه
ماجور يا قلب (ن) شدى عذب الأصداح =في سامقة غصن (ن) يداعب جناحه
ملاح وبحور الأدب موج وارياح =رضى ضميره والأداب ارتياحه
وترى السفينه لوح والروح ملاح =طاب السفر يا أهل السفن والملاحه
والشاعر الكبير الشيخ / مهنا بن سعود بن خزيم رحمه الله وأسكنه فسيح جناته ليس الإبداع عليه بغريب فوالده الشيخ / سعود بن خزيم رحمه الله وأسكنه فسيح جناته من شعراء الحربيات وقد ذكر له الشيخ / عبد الله بن محمد بن خميس وفقه الله عدة قصائد حربية في كتابه من أهازيج الحرب وقد اشتهر الشاعر الشيخ / مهنا بن خزيم رحمه الله في وصف البادية والفياض والربيع كما اشتهر بشعر المقانيص فما أجمل قوله :-
وتنكست فيه أم سالم بالأجناح
= بأنغامها تسقي القلوب الفراحه
وكلنا نعرف أم سالم الطائر المكاء الذي يتفرد بحركة بهلوانية تشبة حركات مظليي القفز الحر ففي الربيع وفي الرياض النضرة تقفز بشكل عمودي في السماء وتنزل وهي تطلق تغاريد جميلة تعبر عن فرحها بالأعشاب والورود والجو الربيعي ويقول أحد الشعراء :-
يا أم سالم لا تجرين الألحان
= يسمعك قلب المعني وتشعينه
والشاعر إنسان وهو ابن بيئته ويتأثر بما حوله ويؤثر وهذا شيء طبيعي لأنه حساس وهو القائل :-
الجمس جاهز والسلوقي جريمه
= لا شافن المحفار والطير ركبن
كن السلوقي لأجحرت فالخريمه
= عبد طروب في الحفل لابسه جن
وهو القائل :-
ما ني بشاعر بس أبا أقول بيتين
= بيت بدور له وبيت لقيته
وقد قلت بيت من الشعر فاستغلق عليّ إكماله وهو قولي :-
لا خير في دنيا بها النفس تنذل
= ولا خير في راس ينزل مباديه
فأخبرته به فأكمله ببيتين من الشعر قبله حيث قال :-
يا خاطري فل المعاني لنا فل
= فل الكتاب اللي فتن قاريه
حسب دقيقات المعاني وحلل
= تحليل من خطي ولا فهم مخطيه
لا خير في دنيا بها النفس تنذل
= ولا خير في راس ينزل مباديه
وقد رثاه أحد الشعراء بقوله :-
قال الذي شاق له فنّا
= وغنى على راس مشرافي
الله يرحمك يا مهنّا
= حام الجهامة والأسلافي
شيخ وبه دايم حنّا
= نتسنم العز ونشافي
ما كنه بيوم قد غنّى
= مثايل كالصدى الصافي
وله ديوان مطبوع اسمه : ( طاف بي ركب الليالي ) جمع وترتيب وتقديم الأستاذ / سعود الزيتون الخالدي وفقه الله طبع شركة مطابع البيان العربي المحدودة تلفون 8521182 سنة 1425 هجرية 2004 ميلادية وختاما رحم الله الشاعر الكبير الشيخ / مهنا بن سعود بن خزيم السبيعي وأسكنه فسيح جناته هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
غير متصل
نو (ن) نشا برقه من البعد قداح = أقبل تمايح به ذواري رياحه
