ابن خر الذيب ( راشد بن محمد العجمي )

[ابن مشعب]

حالفٍ ماخذ على الطرقي رياله=وبالثلاث محرم أنه مايجيني

لالقيت اللي على السكة لحاله =يلتفت ويقول وين المستحيني

أوقف الموتر حيا وأبي الجماله =يوم ولد اللاش وجهه مايليني

الطمع في كروة الرجلي رزالة =خص وان جابه مجال الغانميني

والردي في حالة ماهي بحاله =واعوينه من كلام الطيبيني

الردي لو بان مايذكر عماله =مايعد اللاش مقصور اليميني

أركبه لعيون من زينٍ دلاله =ماتحاكوا في قفاه الرامسيني

مابغى غيري وانا مابغى بداله= قاعدٍ لي بالرجا مدة سنيني

الولد وان طاب قالوا :من خواله= وان تردى تر خواله خايبيني

الولد وان طاب طيبه من خواله =بالخوال يسال قبل الوالديني

أشرب الفنجال واكب البيالة =تابعٍ سلمي سلوم الأوليني

ولاقعدنا بالعمل بنا الرزالة =ناخذ العليا طريق الفايزيني

قال خر الذيب من هاجوس باله= كلمة يلعب بها والبال زيني

قالها يومه طراله ماطراله =من هواجيسٍ تشيب المرضعيني

غرني بعض الرجال بكثر ماله= مادرى ان الموت في حبل الوتيني

كيف ينفعني وابا(..........) خاله= مايقوم البيت دام الساس طيني

ناس وين اللي عوايده الجمالة =مثل ابن ظافر حمد ليته يجيني

الثنا والجود دايم في خياله =علمه ظافر سلوم الطيبيني

جوّد العليا ولزمّها عياله =وادركوا من علمته دنيا وديني

واهني من باع حظه واشترى له= وسار في درب النبي وأخزى اللعيني

موقفه ماكل رجال يناله =من بغى ممشاه يقعد مرتيني

كم ذبح من حايل من حر ماله= وعادته لطمة خشوم العايليني

[عبدالله الحضبي]

مشكور يابن مشعب
على القصيده الرائعه
وقد اوردتها كامله
مشكووووور

[عاشق الوديان200]

بيظ الله وجهك يأبن مشعععععععععب وصح لسان الشاعر ولاااااااااااااااااهنت

[ابن مشعب]

مشكور ياعاشق الوديان


لاهنت على المرور

[سعد المحمدي]

صح لسانك يابن مشعب
ياولد انت وين تلقي القصيد الزين ذا

[ابن مشعب]

حياك الله يالمحمدي 2

خابرك تدور هذا النوع من القصايد


ومحركات البحث موجودة

[خالد الشماسي]

ناس وين اللي عوايـده الجمالـة

مثل ابن ظافر حمـد ليتـه يجينـي

الثنا والجـود دايـم فـي خيالـه

علمـه ظافـر سـلـوم الطيبيـنـي

جـوّد العليـا ولزمّهـا عيـالـه

وادركوا مـن علمتـه دنيـا ودينـي

واهني من باع حظه واشترى لـه

وسار في درب النبي وأخزى اللعيني

موقفـه ماكـل رجـال ينـالـه

مـن بغـى ممشـاه يقعـد مرتينـي

كم ذبح من حايل من حـر مالـه

وعادتـه لطمـة خشـوم العايلينـي


قصيدة ذربه بيض الله وجهك




لكم اطيب تحيه

[عيسى السبيعي]

قصيده ممتازه جدا

والف شكر على نقل مثل هذه النوادر الجميله

تحياتي

[ابن مشعب]

مشكور ابو عمر والواسطة على مروركما



ابن مشعب

[خالد المشعبي]

لاهنت يابن العمّ

لكن فيها خطأ اللي هو البيت اللي انت جبته

الولد وان طاب قالوا :من خوال
........... وان تـردى تـر خوالـه خايبينـي

هذا البيت مو مذكور بالقصيده بتاتاً لكنه تداول بين الناس خطأ وظنوا انه صح البيت كذا والبيت الصحيح الثاني اللي هو

الولد وان طاب طيبه من خوالـه
............... بالخـوال يسـال قبـل الوالديـنـي



هذا طال عمرك كلام محمد بن راشد الذيب ابن الشاعر صحح البيت هذا ضمن لقاء مع مجلة المختلف

للإيضاح فقط لا غير ..

صح الله لسانك ولسانه ولاهنت

تحياتي

,,