السلام عليكم ورحمة الله وبكاته
( رثاء )
لوالدي رحمه الله
محسن بن علي بن جغيثم القريشي
اخوكم
ناصر بن مفرح بن جغيثم
يالله يارب المخاليق يالله = يالواحد المعبود رب السماوات
رب ٍ خلق ذالكون كله وسواه = يسكنك ياعمي جنان ٍ فسيحات
يالله ترحم عبدك وتغفر اخطاه = عبد ٍ خشع لك في جميع الصلاوات
ابو على اكبر فقيد ٍ فقدناه = نذكر على روح الفقيد التحيات
نقرا بيوت ٍ منك ياعيد ترثاه = مامات من ذكره بقى حي َ مامات
ابكيتنا ياعيد من اللي قريناه = ودمع ٍ سكبته سطر ابيات وابيات
ابيات شعر ٍ تشتكي حر فرقاه =ابيات شعر من المعاني الجزيلات
في ذكر عمي كل جزل ٍ نظمناه = رجل المواقف له مع الكل وقفات
كل عالي ٍ متعلي َ00 العم يعلاه =ابو على محسن تعلا الطويلات
يبكيه طيب ٍ شاهد ٍ فعل يمناه = كريم سبلا له على الطيب بصمات
يرحمك ياللي من الجزايل عطاياه = يعطي العطى متظريَين العطيَات
رجل على فعل المواجيب ممشاه = تاريخه الحافل مفول ٍ شهادات
عمي يوقف عنده العلم لاجاه = والحر تقصر له جميع المسافات
من زود دينه بالامانه عرفناه = قرم ٍ وله تاريخ يشهده هيهات
يالله عسى في جنة الخلد مثواه = وعلى رسول الله صلاة ٍ كثيرات
اللهم أكرم نزله وأوسع مُدخله وتجاوز عن خطاياه وارفع درجاته
واجعله شفيعا لمن يحب واحشره مع الأنبياء وصفوة الخلق والصالحين
واستقبله بالحور العين وأفسح له في قبره واجعل في قبره نورا وزده نورا
اللهم تغمده بواسع رحمتك وارحم أمواتنا والمسلمين أجمعين
غير متصل
