قصيده رثاء في / الشاعر محسن بن علي بن جغيثم القريشي
كُتب : [ 19 - 05 - 2006 ]
قصيده / عيد بن محسن في رثاء والده الشاعر محسن بن علي بن جغيثم
يقول من حزنه كسى كل الأوطان=ومن زود حزنه غادي (ن) له ونيني
تسمع ونينه من وراء حد نجران=ومن سمع صوته قال يا ويل عيني
مرحوم يا عود (ن) عرف عنه الإحسان=ومن زود دينه عارفينه اميني
مرحوم يا شيخ المراجل والإيمان=ريحانه المسجد وركن ركيني
يبكيك بيت (ن) قد مليته بسبحان=ومسجد مكانة روضة الصالحيني
يبكيك رحم (ن) ما شكي منك نكران=تاصل قريب الناس والمبعديني
يبكيك جار (ن) ما شكي منك عدوان=ويبكيك ضيف (ن) ذابح (ن) له سميني
تبكيك عيني ضلع قلبي والأركان=تبكيك روحي أأه من حزن فيني
والله لو العمر يشري بالأثمان=لا أسوق عمري فدوة (ن) له ثميني
حبوه كل الناس بدو (ن) وحضران=حتي صغار السن والعارفيني
يالله عسي قبره يجي فيه رضوان=تأخذ سجلات العمل باليميني
ويالله عسي منزلك روح وريحان=في جنت الفردوس والحور عيني
والختم صلا الله علي خير انسان=محمد شفيع الخلق يا السامعيني
الله يرحم موتانا وموتاكم
وسوف اقوم بتزويدكم بقصائد الوالد عن قريب
تحياتي
ابو عزوز
محمد بن محسن بن علي بن جغيثم
التعديل الأخير تم بواسطة خيَّال الغلباء ; 31 - 07 - 2008 الساعة 14:18
غير متصل
لمواضيعي
