قصيدة الشاعر / شباب بن جزله المهداه للشيخ جفال بن عبيدان

[الجزل]

الله لايهينك ياعايض واشكر مرورك

[زيزوم العتايقه@]

المشاركة الأصلية كتبت بواسطة الجزل

بسم الله الرمن الرحيم
هذة القصيدة للشاعر / شباب بن ذياب بن جزله
بمناسبة استلام الشيخ / جفال بن عبيدان ختم شيخة قبيلة المدارية
خلفا للشيخ الراحل / عبدالله بن مفرج بن عبيدان (رحمه الله)

يالله ياعالم خفيات الاعمال = يارب وفق شيخنا واجتماعه
والثانيه قبل المعاني والامثال = صلو على المختار راع الشفاعه
والثالثه جاني عزيمه ومرسال = وحضرت حفل الشيخ في ظرف ساعه
حسب الطلب جينا مقابيل وعجال = النا الشرف والراس طال ارتفاعه
وأدلي بشعرٍ يشرح الصدر والبال = وازين المعنى بعرف ووقاعه
اخاف من كلمة هل القيل والقال = وعيونهم للناس مثل الاشاعه
واليا بغيت الشعر جبناه فالحال = واطبع بيوته بالضماير طباعه
تواردنّي بين عديٍ وزرفال = ورفعت له بين الجماهير اذاعه
والشعر له بحر(ن) من الجال للجال = وحنا شربنا صافين من فراعه
مثايلٍ مثل العسل عند عسال = وعن الهروج العوج عندي مناعه
وقفت بين العم والاخو والخال = وازرع مواريد المحبه ازراعه
وابرك سنه وابرك شهر لم الاشبال = وابرك نهارٍ لم شمل الجماعه
وابرك نهارٍ لمنا الشيخ جفال = بيته لكل الربع ملفى وقاعه
جفال شيخ القوم زيزوم الابطال = حراً ولد حراً طويلاً ذراعه
امير ولد امير من ماضي الاجيال = والطيب مثل النور يجذب شعاعه
وبعض العرب ماله على الطيب منزال = وجفال منزاله براس الرفاعه
الكم بدرب الطيب مظهر ومدخال = وعندك على كل الامور استطاعه
طيبك نعرفه مايبي حكي وجدال = وانت الامين اللي حفظت الوداعه
وموفقاً للخير ياوافي الاخصال = رائك سديد وفيك عرف وبراعه
وابوك شيخاً فالعرب ماله امثال = وافي مع اهل الطيب شبره وباعه
بيته لذربين المشاكيل مدهال = يوم العرب في وقت عسر ومجاعه
وجدك يقود القوم مع جرد الاسهال = كم هجمتاً بالسيف خذها قلاعه
وكم مرتاً غنى على ذود وبال = وكم ذود مصلاحن من القفر زاعه
ركايبه مابين الاقفا والاقبال = وصلت مغازينا قبايل رفاعه
وفعول جدانك جسيمات وجزال = يدريبها اللي باقين في رضاعه
وربعك هل الناموس وافين الافعال = والكل منهم قال سمعٍ وطاعه
معك على ماقال بالحال والمال = واللي يفرق مانطيع اختراعه
حنا يدٍ وحدة بلا شك واشكال = العز جمعا والتفرق ضياعه
مكيالنا وافٍ على كل مكيال = لامن كلن كال مدة وصاعه
وان قربوا للخيل اعنه وخيّال = عدونا يزداد خوف ومراعه
ورجالنا يسوى ثمانين رجال = فينا المكارم والصخى والشجاعه
متوارثين الطيب شيبان وعيال = والطيب لاهل الطيب ينهض شراعه
مثل الجبل لو جاه عاصف وزلزال = يثبت على مبناه ماهو زعاعه
وحنا بوقتاً فية للدجل دجّال = وقتاً من الفتنه تعاوى سباعه
فالناس مثل ابليس للحكي نقال = وكم واحدن لامن بغى الكذب ذاعه
وكم واحد(ن) من خزنة الكذب يكتال = يجيبــها مابين مزح ولكـاعه
سهمت اضعوف انفوس وارخوم وانذال=تـشــبها شب الحطب بالولاعــه
خلك جمل زومان للحمل شيال = سيف(ن) يشوق بسلته والتماعه
ولا تمشي الدنياء على راي جهّال = ترى الجهاله ماوراها طماعه
واليا جهلت انشد من القوم عقال = يعطونك ارئاً بين عرف وقناعه
وحشمت كبير السن من بر الاعمال = والحلم والاخلاق راس البضاعه
والصبر له ميزات في كل الاحوال = يقضي على فتنة بليس ونزاعه
الا. ليامن شفتلك عايل(ن) عال = حدة على درب القصى والقطاعه
واليا التوى حبل الرشا فوق محال = أضرب على الكايد بعزم وبتاعه
وصلو على شفيعنا يوم الاهوال = الله ومرنا بالهدى واتباعه
وصلاة ربي عد مايمطر خيال = عليك ياراع الهدى والشفاعه

بيض الله وجهك ياشاعر شباب بن جزله قصيده جزله با المعاني وبي الاسم جزالتها ويستاهل الشيخ جفال ابن عبيدان وهو كفو الها

[الجزل]

اخوي زيزوم شكرا على مرورك
والله لايهينك