عارفينه نعم والشك زايل لو تسموا بقطاع الازره

[عبداللهHالقريشي]

ياسلامي على راعي الجمايل راعي الطيب كساب الجميله==عارفينه نعم والشك زايل لو تسموا بقطاع الازره



فيه ماني براضي بالبدايل راعي الجود ما نرضى بديله==أفتخربه نعم بين القبايل صيرمين ولاشين يغره

[مقطع الازره]

مرحبا مرحبا يا نجم طايل راعي العرف يعرف من عميله ==يوم قلتو نعم مانيب قايل غير نجم(ن) بدى لله دره

ما عليكم قصور ولا قلايل راعي الحر الاشقر يحتميله=عقب هاذي نعم هات المثايل لين نفرق بها وادي وحره

[حوت البحور]

صح لسانك يالقريشي و صح السان مقطع الازره ابداع في أبداع




وبالتوفيق ،،،،،

[محمدSلقريشي]

صحت السنتكم على الطاروق الكيف على القوووه

[شاعر المعنى]

الله الله الله الله الله


صحت ألسنتكم وبيض الله وجيهكم على ذا البيوت الجزله

[عبداللهHالقريشي]

والبقا وستلم مني رسايل وأنت رجال فالمسراء دليله=لامتى والكبود أبها ملايل لامتى صبر ناسٍ مستضره


تالي الوقت ياكثر الهوايل والبلى قيل مافاليد حيله=وكل قولاً له أثبوت ودلايل والعرب بالحقيقه مستقره

[مقطع الازره]

ما تطيب القلوب من البلايل والسمينه مهي مثل الهزيله == ما نبا الحمل فوق شعيل مايل ثم يقصون لك في الدرب جره

يالقريشي نشوف الضول ضايل كل زند(ن) يولع له فتيله == والبروق العريضه فالمخايل ما تضر البعيد ولا تسره

[مقطع الازره]

شاعر المعنى الله يعطيك العافيه


محمد القريشي مشكور ما قصرت

حوت البحور الله يعافيك

[عبداللهHالقريشي]

الله يعطيك العافيه يامقطع الازره
(والبروق العريضه فالمخايل ما تضر البعيد ولا تسره)

أقود النار في روس الفتايل والموكل يبا يعرف وكيله= مانجنب ليا جات الصمايل وانت وين أنت من فره وكره

أرفع الشبح يا وافي الخصايل كل رجلٍ يبايعرف حصيله=كلمةالحق من عصر الاوايل دايم(ن) ياولد للعين قره

[ابـــن مهـــراس]

أمسي عليكم جميعا بالخير واشكركم جزيل الشكر على هذه الابيات الطيبه الجزله
والى الامام يا ابناء عمومتي
وفالكم العلوم الطيبه
تقبلو مروري وخالص تحياتي
اخوكم/بـــــدر ابـــن مهـــراس الــقــريــشــي