وهنا قصيدة الشاعر زايد بن عوض المالكي التي تدعو لدعم الشاعر ناصر الفراعنه والتصويت له والتي قيلت اثناء الحفل
يا الله يا ربًا جمعنا بميعاد=يا الله جنبنا دروب الخطيّه
يا الله يا منشي سحابًا ورعاد=جنّب لساني هرجةً موثميّه
سلام يا حفلاً على دعم الاجواد=سلام ما ناضت بروق النشيّه
سلام غالي قدر غالي من فواد=فواح من فوح الورود الزكيّه
ما ينقصر ينصا مضيّف ورواد=يسعد به اصحاب الوجيه البهيّه
من سد فيفا لين منعا وحداد=ومن دهم لا يام للمالكيّه
ومن ضواحي نجد من غير تعداد=الى حدود المملكه الاردنيه
نبا الفرح مثل نبا الشرب والزاد=قلوبنا لافراحنا مشرعيّه
ساس المحبه صلب واركانها عماد=وبيتها في حب رب البريّه
اخوان وابناء عم فالضاد والصاد=فالدين والاخلاق والمنهجيّه
بالعون يجمعنا شذى البرك والكاد=في ليلة يا طيبها عسجديّه
يا شاعرًا هيضه كما الغيث لا جاد=جينا وفينا شوق مثل الوريّه
اوردتنا يا الشيخ ناصر بميراد=عذاه ترواء به كبودًا ضميّه
حبك وقدرك واحترامك لنا قاد=حتى جمعنا في محبه قويّه
وانا لساني يشبه الشابي الحاد=لا قال كلمه بالوفاء فيرضيّه
حشدت فكري لين عديته اعداد=اعداد شاعر ما يحبّ الزريّه
يطوّع الكلمه على كيف ما راد=يبعد هواجيسه عن الجاهليّه
حطيت جنب النار دله وبراد=وانا لحوني كلها سامريّه
الصقر يبقى صقر لكن ينصاد=لكن يجهل من يحطه شويّه
شكري لمن شارك وساهم ومن شاد=اخوان واللي بيننا مقدريّه
طرحت قولي بين ناقد ونقاد= انسان لكن اطلب المعذريّه
غير متصل
