وربعي اسبيع اوحيها من لابة

[مقعدابن مطيحن]

قصيدة في الشيخ / محمد ابن خالد ابن قاسي في حفل زواجة

الاولة يا اللة عضيم الشـــان= مبدا كلامي بسمك الرحمـــن
جلا جلا لـــك لاالــة غيــــرك =سبحانك انت المعطي المنان
انت العليم انت الكريم المعطي =مدات جودك مالـها مـــيزان
وسجد رضلك ماسجدت الغيــــرك =ورضاك عز وللكفـــر خـــذلأن
وما بعد ياهاجســــي جملنــي =حان الوعد والشعر وقتة حـان
طبيت في بحر الخلــيج اعومـة=لجل كنوزة غاليت لثمـــــان
وخترت منها وستفدت اطيبها= منها الدرر والولو والمرجان
والشاعر الي مال قولة معنى= كا عاسف المهرة بـدون اعنان
وانا الفكر علا البكر يدفعني =وفطن لــها وصونها من شـان
يطرب لها قلب اللبيب الواعي= وتصغي لها العراف باالاذهان
في ليلة الجمعة وجمعً حاشد=علا عوايـــدنا تقول اخـوان
يامرحباء عد السحاب اليا انشى =ومطر وجالها في السما ربان
ترحيبتن مربوعتن مثنية =مضمونها التقدير والصفطان
باضيوفنا الي لبو الداعينا= قادات وشــيوخ وجبر وعيان
با الضيافة الشيخ الكريم النايد= تاج الفخر ومعزب الضيفان
محمد ابن خالد ابن قاسي= نسل الشيوخ معرب الجــدان
ساس الشجاعة وشجاع امنجى = وكريم سبلا والكريـم امعان
تخسر يمينة من طناخة راسة= والاش عن مايفعلة عجـــزان
ويضحك حجاجة في قدوم اضيوفة =ماهوب متضايق ولاعمســــان
والبن الاشقر لضيوف ايقدم = سلمن لنا من ماضــي الازمان
والعود الا زرق ينتقي غالية= وعلا الصواني بــرك القعدان
هاذا ولد خالد عساة الجنة =سقم الحريب مخلص الديــان
يوم الحريب والزمان الاول =وقفاتهم يرجح بها الميزان
عند القواسي شيختً مشهودة = ماغيرهم يوم الجهل شيخـان
قادات حرب ويلطمون العايل= قومن فعايلها لها ثبتـان
وبالعزوة الي ماتخجل نعرف= انا ابن صندل بالفم المليان
وقعاتنا يوم الجهل مشهورة = فابا النفوس وهيـــة اعقيلان
والغثوري مع هية المصيدة= يشهد عليها سرج كـــل احصان
ياما كسرنا في الملاقى هجمة = وسيف مـن دم العدا رويـــان
وغرس الجدود اوذودنا وحمانا=مـن دونها ناقف بحد اسنــان
كم قايدً جانا ومعة اجنودة=علا حمانا غشـــة الشيطـــان
ولاواجة الا الابة المسمية= يوم اقردة ربي وحضة شـــان
نلطم شباة ونستحل اجيوشة=حتى يشوف ابعينة الحقـران
وعقب الطنى ماعاد يرهي ينقف= ويجية من سقم الحريب اجنان
واليا غزينا القوم في حلتها = نارد ب شلفً ضربها وكـــدان
وابعلط الرماح الي تفج الناحر= ومن بهدها رمين علا اذرعـــان
ولا نجندل الا كل شيخ وفارس = ونكدر المشرب علا العــــدوان
ولانبطش الا بالقنا والشلفى = ومخيرً يغدي العضـــــم قطعان
هذا فعل ربعي ويرفع راسي =الاد صندل كـــسوت العريـــان
نبذة قصيرة من بعض ماضينا = والا مايحصي مجدنــــا ديوان
وربعي سبيع وحيها من لابة = اهل الكرم وهل الوفــا وشان
اهل العوايد والسلوم الحية = ون ركب عيرات النضى سبعان
نبطش ويردن السهوم العطش = ومن ضرب الاجرب يشبع السرحان
ونرعى بذودن نادرً من شكلة = فــي كل دارن علــــها ودان
نرعابها جوس وتحت هيبتنا = علا السلايل تـــــرتع الذيدان
وكبر دليل السلة المشهورة = شلفى القريشي جري ابن هملان
وأرماح والحاير وعبلت شوية = وشمخ جبال الهضب والـــودان
حامينها يوم الزمان انهابة = وفي حدنا مايطمع الطمعان
ولاندفع الجزية علا طالبها = ولانقطع النقذة عن اليتمان
وحنا الرجال امزبنين الجاني= الخايف الي مالقى مزبـــان
وحنا الر جال مقدرين الجيرة = فعلن موكد ونشدو قحطــان
وستر الهنوف الي تصيح وتنخى = تكفون ردو الذود ياالشجعان
ترجع عليها ذودها وتغطرف = وتبقى هل الغلباء طوال ايمان
وحنا هل المثلوثة المشهورة = مثلوثتً يشبع بها الجيعــان
هلها يومن زاد الرجال اقليل = وفي حدنـا مايطمع الطمعـان
هاذا وكلص دون ورث اجدودة = وكل القبايل مابها نقصان
واليوم في حكم المليك العادل = وزاح الجهل والشرك والطغيان
في حكم ابو متعب رفيع الهامة = نعيش فـــي ضلة فمن ومــان
وجدنا بجودة جعل ابوة الجنة = عبد العزيز الي ذبتح عجلان
وخر يسودن تحكم ب شرع اللة = من سيطرتهم كل قاســي لان
واللة يخلي للبلد حاكمها = عبد اللة الي تمتنية اوطان
ونايف وزير الداخلية نايف = ومير نجد الداهية سلمان
وحنا جنود المملكة وحماها = في الشرق والا في جبل دخان
وعمارنا ترخص لجل موطنا = ولايرجــع الا واحدً جبــان
وختامها صلو علا سيدنا = محمد الهادي نسل عدنــان

[خالد الشماسي]

صح لسااااااااااااااااانك ملايين

مبدع اخي مقعد بن مطيحن

سلمت وننتظر جديدك

[مقعدابن مطيحن]

صح بدنك ووشهادتك علا صدري وسام

[حامي التوالي]

كفو ياشعرنا صح السانك مدد بلاعدد اخواني وخواتي اعضا وزوار منتديات سبيع الغلبا هذا الشبل من ذاك الاسد الشاعر مقعد ولدالشاعر جبار بن مطيحن الشاعر الي لاطلما ذاد عن حيض سبيع لامن اجل المال ولامن اجل الشهرة فقط من اجل سبيع الغلبا فلهما منا جزيل الشكر ولمتنان مصحوبتن بتحيا الحامية