ربعي كما سيف بتوع وميهاف = وإليا ضرب يغدي الضرائب جزافي

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة القديمة للشاعر / ابن كايد القريشي السبيعي رحمه الله وأسكنه فسيح جناته قالها أمام الشريف / حسين بن علي رحمه الله وأسكنه فسيح جناته - حاكم الحجاز قبل العهد السعودي - ومنها يقول :-

غايات قلبي سندن وادي الغاف = وردَ علي من كل هجس عيافي
مرٍ يهوزن اليمن صوب الأطناف = ومرٍ يهوزن الحسا والزلافي
وذكرت الله ثم ذكرت الأشراف = أهل العطايا والوجيه السخافي
يا أبو علي يا شوق عدمات الأوصاف = يا مسند اللي مونسن له خلافي
البرد كلني ما تلحفت بلحاف = وأنا على الرجلين نكلٍ وحافي
دوَر كبيرة منشب الورك موجاف = واللي ثمنها القيس عدٍ وصافي
إلى عطا الله منكم عطيتوا كل مزغاف = خليفها من عقب الأرباع ضافي
يا حبني للي مع المدح زوَاف = اللي إليا هايفوه الطيبين إستهافي
وآخذ مع الطيب حدٍ وميقاف = واللاش ماني له رفيق مصافي
ربعي كما سيف بتوع وميهاف = وإليا ضرب يغدي الضرائب جزافي
وأنا ضارٍ في رداتهم بالتعجراف = إليا دبّر الجمع الموالي مقافي

فقال الشريف / حسين رحمه الله وأسكنه فسيح جناته ونعم بربعك سبيع الغلباء ولو جعلت القصيدة فينا لجزيناك أكثر . منقول مع خالص التحية وأطيب الامنيات وأنتم سالمون وغانمون والسلام .

[حزمي المجامعه]

خيال الغلبااا

بيض الله وجهك

وصح لساان قايلهاا

وصح لساانك انت

والله لا يهينك على النقل

* تقبل مروري المتوواضع *

اخووووك

حزمي المجامعه

[خيَّال الغلباء]

حزمي المجامعة جزاك الله خيرا ولا هنت

[مترك ثواب]

بيض الله وجهك ياأخي خيال الغلباء على ذكر القصيدة ورحم الله قايلها

[خيَّال الغلباء]

مترك بن ثواب جزاك الله خيرا ولا هنت ووجهك أبيض

[فتى سبيع رنيه]

ممكن سؤال ؟ وين يقع وادي الغاف













عبدالله محمد المكحلي

[خيَّال الغلباء]

فتى سبيع رنيه / عبدالله بن محمد المكحلي كل وادي ينبت الغاف فهو وادي الغاف والمقصود هنا الخرمة والله أعلم وجزاك الله خيراً ولا هنت

[صامل الميقاف]

مشكور وما قصرت ولا هنت

[جعد الوبر]

مشكور وما قصرت ولا هنت

[حزم الجلاميد]

مشكور وما قصرت ولا هنت