في الحفل الذي أقامته قبيلة المجامعه من سبيع تكريما لسعدون بن إبراهيم آل سعدون بمناسبة عفوه عن أحد أبنائها (طماح مسند السبيعي) من القصاص لقتله أبنه منصور كان للشعر حضورا في مدح المحتفى به لنبله ولشجاعته في العفو الذي هو من شيم الرجال وقد اخترنا لكم أجمل قصيدة في الحفل وهي للشاعر سعد بن هندي بن مساعد المجمعي السبيعي وهي
ألا يا مرحبا ترحيبة(ن) من صافي المكنون**بيوت الشعر ينقاها ضميرا هاضت أشجانه
تراحيب تعم ضيوفنا من وين ما يلقـون ****من أقطار الوطن وأهل البلد حضره وبدوانه
ومن شارك بسعي الخير واللي مثلهم يسعون ***لهم منا جــزيل الشكر كل حسب ميدانه
عدد ما لاح برق(ن) وما تنزل من سماه مزون وعدد ما لبوا الحجاج حول البيت وأركانـه
أقوله عن قبيلتنا وانا من فعلهم ممـنون**يشوق العين فعل أهل الوفاء واليوم برهانــه
وبعدهـا أثني على فعل الكريم الصامل الدندون***حزم رأيه بعد ما شـور أخوانه وعربانه
أقوله وأتشرف وأفتخر والنعم يا سعدون****نعم ومئة نعم فيما فعل سعدون وأخـــوانـه
كسبها راعي اليمنى الطليق ولا تجي بالهون******عفا والله عفا عمن عفـا لله سـبحانه
وقف وأختار ماعند الولي ثم أعتق المسجون وحشمة من سعى بالعفو وايضا قدرشيبانه
ذخرها لأجل يوم معتبــــــر فيه البشر يقفون********بدأ كل يدور حسنةٍ ترجح بميزانه
هذا فعل الرجال اللي بحزات الطلب يلقون *****فداهـم من يقفل عـن وجيه الخير بيبانه
وهذي هي العطية والهدية لابغـــو يعطون*****أنا أقول العطايا غير هذه ما لهـا خانه
عطية نفس حيث أضحى بها الديان للمديون ***وتناقلها كثير الناس مسـرورة وطربانه
نبي ننشر خبر عفوه على كل الملا يقرون*****تعالي يا صحافة وانشري عفوه وسمحانه
ووصي من حضروأقول يا أهل المرجلة تكفون ترى عفوالكريم أجرةعلى المعبودحسـبانه
أعفوا واصفحوا لعلكم في الآخرة تنجون****بعفوا من عظيم كل مسلم يرجي أحسانه
وحنــــا في بلاد الخير ما ينســــون *****جزاء راع الوفــــاء شــــكره وتقـديره وعرفانه
وأنا داعي وبطلب من حضر حفلنا يدعون***عسى ربي يعــز بلادنا ويـذل عدوانـــــه
يعزك يا وطن الإسلام والقبلة بحفظ وصون****تحت راية ملوك ثبتوا مجـده وحدانـــــه
وتحت ظل الشريعة ما حمل الدستور والقانون***نحكم سنة الهادي ونتبع شـرع قرآنه
هي الحجة لنا هي السعد والمورد المـــأمون***نجاة اللي يدور طاعة المولى وغـفرانه
ترانا شعب واحد متحد بالشكل والمضمون***على دين السلام أخير مـلة وأكمل أديانة
قبايلنا على درب الجدود الأولة يمشـون ***على عــهـــدٍ مع ملوك البلاد بصدق وأمـــانة
مواقف ثابتـــة واللي يغيرها منه يبرون**وضعيف الدين يخلف عهد أبوه وعهد جدانـه
يصاحب شلة الإرهاب يعمل كل ما يبغون**يسوقونه يحط القنبلة في بيـت جيرانــــــــــه
تجندهم لنا بعض النصارى بس ما يدرون**ألا يا الله تخيب راعي الإرهـــاب وأعوانه
ونهاية قافي اللي ينتهي شطره بحرف النون**الأول ينتهي بالنون والثاني على آنــــــه
صلاة الله على الهدي والمنهج المسنون***وعلى من سار في دربـه على تـقواه وإيمـانه
اتمنى أن نالت القصيدة استحسانكم وهي أفضل ما قيلت رغم أن هناك شعار معروفين شاركوا بقصايدهم في الحفل المقام بهذه المناسبة
غير متصل
