دروب الهوى

[فاهم النظرة]

اعزائي اعضاء ومتصفحي منتدانا العزيز اضع بين ايديكم هذه القصيده المتواضعه على امل ان تحوز على استحسانكم ورضاكم


لاتركنا العشق وقلنا منه توبه
اصدفت من تاخذ العقل بترفها



ثم زادت شبة الصدر بشبوبه
كل ماتبدي على اللقيا شغفها



طبعها في العشق مغناج ولعوبه
مهرةً من صغرها محدً عسفها



هرجها معسول ومليانً عذوبه
كان طاعونا اهلها ولاانخطفها



كل ماشاهدت زوله رحت صوبه
لو عليها خمار قلبي بيعرفها



جيته فيها غرابيل وصعوبه
ليتني في حجرها ولابكنفها



منيت العاشق ترى شوف محبوبه
مايفكر في الحياه وفي شضفها



الهوى ياهل الهوى هذي دروبه
يلحق العاشق ذنوبً ماقترفها



ومن عصى قلبه لياهبت هبوبه
بتذبل الورده وهوه ماقطفها



اخوكم /مفرح سيف السبيعي (فاهم النظره)

[رنيه المفيلحي]

فاهم النظر قصيده جزله وصح لسانك

[فاهم النظرة]

المشاركة الأصلية كتبت بواسطة رنيه المفيلحي

فاهم النظر قصيده جزله وصح لسانك

مرحبا يا المفيلحي وصح بدنك وانت الجزاله كلها يا الوافي تحياتي لك رعاك الله

[smart]

صح لسانك

قصيدة شاعر مبدع


لاهنت يابو سيف

[خالد الشماسي]

صح لساااااانك يا مبدع

قصيدة قمة في العذوبة

سلمت لنا وسلم لك من تحب

[فاهم النظرة]

المشاركة الأصلية كتبت بواسطة smart

صح لسانك

قصيدة شاعر مبدع


لاهنت يابو سيف

صح بدنك ياsmart وتشرفت بمرورك الراقي رعاك الله

[فاهم النظرة]

المشاركة الأصلية كتبت بواسطة خالد الشماسي

صح لساااااانك يا مبدع

قصيدة قمة في العذوبة

سلمت لنا وسلم لك من تحب

تشرفت بمرورك يااستاذناالعزيز خالد الشماسي والله لايهينك علي الاطراء

[احساس انسان]

حلوووووووووووووووووووووووووووووووووووووووووووووووو وووووووووووووووووووووووه


تسلم ياعمي



قسم قسم قسم قسم أعجبتني



تحياتي

يا MY Uncale

[فاهم النظرة]

ثنكيو ماي بووووووووووووووووي