بكلفة 27 مليار ريال وعلى مساحة 31 مليون متر مربع مدينة سعودية جديدة شرق الرياض

[راعي الجوفا]

الرياض - ناصر الحمدان :
كشفت شركتا اعمار العقارية ومجموعة الشعلة السعودية عزمهما اقامة مشروع مشترك لبناء مدينة سكنية فاخرة ومتكاملة شرق العاصمة الرياض باستثمارات تقدر بـ 27 مليار ريال (7.2 مليار دولار) تحت مسمى "روابي رماح".

واضافت شركة اعمار اليوم ان مشروع "روابي رماح" الذي يقام على مساحة 31 مليون متر مربع سيتضمن فلل ومراكز تجارية ومرافق للرعاية الصحية ومؤسسات تعليمية وحديقة نخيل مساحتها 400 فدان وحزاماً أخضر.

وقال صاحب السمو الملكي الامير مشعل بن عبد العزيز مالك مجموعة الشعلة في البيان ان المشروع سيوفر 25 ألف فرصة عمل وسيكون "نموذجا يقتدى به على مستوى القطاع ووجهة تلبي كافة متطلبات الحياة العصرية التي يتطلع اليها الشعب السعودي."

[راعي الجوفا]

يعني راحت فيها مراعي رماح

[ابن جعوان]

:أخي: راعي الجوفا : بارك الله فيك :

مو على كيفهم والله ناخذهم بالحصى
معاد الا مكان حلانا
ههههههههههههه
اخي العزيز المشروع فيه فائدة لابناء رماح العاطلين
ومن حظنا اقامته عندنا وعين الحسود فيها عود
خير وجاء بجوارنا وهذا من فضل ربنا
وبيض الله وجهك ماقصرت طال عمرك
اصفقلك على نقل الخبر والمجهودات الراااائعه
والله يجعلها في ميزان حسناتك

تستاهل
تقبل مروري لاهنت

أخـوك

أبن جعوان

[الحررر النبيطي]

27 مليار ريال على 31 مليون متر مربع.. يعني لو قلنا 40% من الاراضي راح تكون مرافق عامة و60% راح تكون سكنية

فتقسم المبلغ الاستثماري على ال60% من الارض المخصصة للبيع راح تطلع التكلفة 1451 ريال للمتر مساكن تسليم مفتاح ومباني استثمارية

وسعر البيع عند اعمار لا يقل عن 2770 ريال كما كانت في مشروع بحيرات الخبر

يعني صافي ربح بين الشركاء 1300 ريال للمتر.. من غير احتساب سعر الارض

بس اذا كانت الارض عند رماح .. هل هم راح يوطنون اهل رماح فيها.. ويبيعونها عليهم ولا راح يخلونها عند طرف الرياض ويسمونها روابي رماح

هل اهل الرياض مستعدين يدفعون مليونين او مليونين ونصف في فلل مجرد البناء لا يزيد عن مساحة 200 متر دورين يعني 400 متر مربع

اعمار ما راح تغامر في البناء باكثر من متين متر في ارض 400 متر او 700 متر لانها تبي تربح كما فعلوا في بحيرات الخبر

والله اذا ضمنوا اهل الرياض يطلعون من الرياض ويروحون روابي رماح.. الي ما ادري كم كيلو عن الرياض او عن منصف الرياض او اماكن عملم.. برافوا عليهم وموفقين

او اقنعوا اهل رماح يتركون بيوتهم ويسكنون الفلل الجديدة برافوا بعد عليهم

مع اني متاكد لو توفر لاهل رماح الاستشارات المناسبة والمقاول المناسب والتكاتف مع البلديات لتصميم الاحياء الجديدة راح يخلون رماح احلى مليون مرة من روابي رماح واقل تكلفة بكثير

الله يوفق اعمار ويوفق الشعلة ويوفق عيال البلد لما يحبه ويرضاه

تقبلوا تحياااتي

اخوكم في الله الحـــــــــــــــــــــــ النبيطي ـــــــــــــــــــــررر