مرني طيفه وطيفه صاحبي لا راح جاني
وجاب لي صوته وكلمني ونبراته حزينه
اه يا وقت قضيته راح مع سالف زمـــاني
وقتي اللي فات من دونه وفاتتني سنينه
واه يا وقتن رماني في محبتها رمـــاني
واه يا وقتن مضى ماجات يدي في يدينه
يقطع اللي عـن مواصلها وجيتها حداني
وكب قلبي للعنا والشوق لين اظهر كنينه
ويل حالي بري حالي فيك يا اغلى الاماني
ياعذاب يا منى روحي وروحي لك رهينه
ما حدن غيرك ملك روحي ولا حرك كياني
وكن ماغيرك بشر شفته وانا وسط المدينه
اتحلى صورته فالعين وانا في مكاني
واتصفح كل صفحات الغلا بيني وبينه
ماهدا بالي بعد ما طيفها جا واحتواني
مشغلن نفسي بنفسي بين جيم وبين سينه
وكان فيه احدن قضى حاله من اسبابك يعاني
لازم انك يا اعذب العذبات مره تذكرينه
فانتظارك يحسب الساعات ويعد الثواني
ماجداه الا الونين وكل نبراته حزينه
غير متصل
