ابن هرسان يرد على ابن ملطع القحطاني من أجل فيحان بن باحص

[خالد ابن هرسان]

الشاعر والفارس خالد ابن هرسان قال هذا القصيدة رداً على أحد شعراء قحطان وهو ابن ملطع في قصيدة منها هذا البيت الذي يقول فيه ابن ملطع :

فيحان خليناه في الحزم ممدود=زبن المهار إللي تكابس أشهرها

والمقصود بفيحان في هذا البيت هو الشيخ والفارس فيحان ابن باحص من السوده حيث أن فيحان قتلوه قحطان في معركة الراشده أو الشميط فرد عليه خالد ابن هرسان بقصيدة يبين فيها بعض من قتلوهم سبيع من فرسان قحطان ومبيناً أفعال قبيلته المشرفه أما اليوم فقد عم الأمن والأمان أرجاء البلاد وأصبح الناس متحابين في الله ويداً واحده
يعملون من أجل دينهم ووطنهم،

ياراكب إللي كنها الهيق مطرود=وقم الرباع وشاحمٍ في ظهرها
ذرعانها طفاح وأسبق من النود=لا لا اللواحي والرسن ما قهرها
تلفي لأبن ملطع منقع الجود=لا جيته أبشر بشاةٍ عقرها
سامي الشجاعه ما يجي درب منقود=لو كان يطري هرجةٍ ما قفرها
أن كان تطري حج زيدٍ بما كود=عينت سالم ريف كبدك ثمرها
حنا خذينا حجتين لهن زود=وقمتوا تقصون العباده بأثرها
إنا خذينا المسردي وآل عبود=وخذينا عجير وسلةٍ من قشرها
قله فقدت منيف واوي مفقود=حواف غدراً مستكنٍ قمرها
مع ساقت إبن مسيفرة مروي العود=محرق مع بن المناره قفرها
جيتوا على الصوان تزهون بجرود=وجيت بعبيدة لين ربي دمرها
خذينا الظعن بين عاري ومشدود=وخذينا العرابا إللي كبارٍ فقرها
طاح الطريح وحقكم عنده السود=ولا منكم إللي لإبن حاضر قهرها
الذيب يأكل وأشهب الريش ملهود=والضبعه العرجاء تودي حجرها
هذا سلف وأصبح السلف مردود=ومن كلا حلاويها تلاقى مررها

هذا والله أعلم وأحكم وصلى الله على نبينا محمد وعلى آله وصحبه وسلم

[خيَّال الغلباء]

بسم الله الرحمن الرحيم

اخوي خالد بن هرسان السلام عليكم ورحمة الله وبركاته وبعد رحم الله الشاعر والفارس خالد بن هرسان واسكنه فسيح جناته وعزالله انه ماقصر برده على القحطاني وعطاه الوكاد على وضح النقا ولايزعل احد واثنى على خصمه ولامه بعدم الرده على طريحهم واسلم وسلم والسلام

[خالد ابن هرسان]

أهلاً وسهلاً بك يا خوي خيال الغلباء وسلامك وصل ومشكور جداً على المرور
والله لا يهينك على كل حال وتقبل خالص تحياتي

[المنتبه]

أخي العزيز ::

خالد ابن هرسان

أشكرك جزيل الشكر على اهتمامك بتاريخ قبيلتك المشرف.............

كما أوضح لك عن فيحان المقصود هو/ فيحان الاول والمعركة على آل عمير من سبيع وفيحان ابن باحص معهم واسم

هذه المعركة ( معركة صفا الشيوخ ) في الجنوب وليست بمعركة الشميط معركة الشميط على فيحان الثاني ولها قصتها.

وقد رد على ابن ملطع الفارس والشاعر / طلب ابن فليح والفارس والشاعر / خالد ابن هرسان وتناوله الفارس والشاعر /

عبد الله بن سعد في قصيدة يعومة حيث قال طلب ابن فليح :

كب التمني والتمني زود == بعض العرب لا طب سوق غدا فيه
اللي حضر منا آدع الجيش مفقود == وقلايعه مثل الجنايب تباريه
وإن كان تطري الشيخ فالمنع مردود == والله علم به يوم زيد ٍ يناديه

كما قال عبدالله بن سعد في معركة يعومة :

يوم ٍ ابن ملطع الحجة تمنى == ضيع جماره يوم جنه مناحير
وضاعت علوم ابن العجي يوم بنا == وده يسوي له جناحان ويطير

والقصائد أطول من ذلك.....

وفي الختام أشكرك على سعة صدرك وقبولك ملاحظتي والهدف واحد.

المنتبه

[خالد ابن هرسان]

الأخ الأكبر المنتبه السلام عليكم ورحمة الله وبركاته ومشكور جداً على مرور بالمشاركه
وتعليقك عليها وإيضاح المعلومه لنا فمنكم نستفيد وهذا مما يسعدني فكل إنسان معرض
للخطاء ونحن نقبل النقد إذا كان للفائده وأقول ثانيةً مشكور جداً على أهتمامك
وتقبل خالص تحياتي أخوك خالد ابن هرسان

[الحميدي السويدي]

الاخ خااااالد بن هرسان السبيعي بيض الله وجهك يالقرم على
طرح الموضوع وكل من شارك فيه من الاخوة الاعضاء الكرام
وأشكر أخي المنتبه لتوضيح أكثر وتقبل تحياااااااااااااااتي

أخوك الحميدي بن سعد السبيعي

[ابو مساعد]

بيض الله وجيهكم جميع

[خالد ابن هرسان]

المشاركة الأصلية كتبت بواسطة الحميدي السبيعي

الاخ خااااالد بن هرسان السبيعي بيض الله وجهك يالقرم على
طرح الموضوع وكل من شارك فيه من الاخوة الاعضاء الكرام
وأشكر أخي المنتبه لتوضيح أكثر وتقبل تحياااااااااااااااتي

أخوك الحميدي بن سعد السبيعي

أخوي الحميدي مرحباً بك ووجهك أبيض وعسى الله يقدرنا على طرح ماهو
يخص القبيلة ويفيدها عبر هذا الموقع وتقبل خالص تحياتي

[خالد ابن هرسان]

الاخ ابو مساعد مشكور جداً على المرور ووجهك ابيض