الشاعر الكبير / راكان بن بدن يشاركم الوقفة مع شاعر الوطن

[خيَّال الغلباء]

بسم الله الرحمن الرحيم

من الشاعر الكبير / راكان بن بدن إهداء لشاعر الثقلين / وشاعر مضر / وزلزال الشعر / وقاموس الشعر .....الخ

الله يبيّض وجه ذربين الأيمان=اللي ليا جات المواقف يسدّون
في شاعر المليون للشعر عنوان=وأصدق مثالٍ للملا كان يوحون :
ناصر وإلى منّه وقف وقفة حصان=وعند المواقف ماتجي وقفته دون
لاهان راسٍ يدحم الروس لاهان=فرعون شعر وفالمهمّات فرعون
شاعر ومتفرّد ومبدع وصنيان=مضمون فوزك يا أبيض الوجه مضمون
ربعك هل الغلباء وإلى قلت سبعان=والله ماترْجع وأنت يالقرم مغبون
ربعك مثل عدٍ روى ياكحيلان=وشلون تبلش دامهم فاللقاء عون
ماصيدنا المليون والجيب مليان=لكنْ فوزك عن ثمانين مليون
شاعر وطن قالوا لفلان وفلان=يحق للي قال واللي يقولون
وحنّا بذلنا للوطن روس فرسان=أجهر بها بالصوت وإبليس ملعون
غلبا غلبنا والمواقيف برهان=ومن لا درى يدري والأجواد يدرون
تشهد لنا وقفاتنا يوم الأكوان=لأجدادنا عزٍ لهالحين مصيون
من عهد أبو تركي عسى داره اجنان=عساه فالفردوس يارب ذا النون
لا عهد أبو متعب ذرى كل بلشان=يآمر ولمرَه كلنا مستعدون
صقر العرب ريف البلد عالي الشان=الشعب كله من حسانيه ممنون
وولي عهده منبع الجود سلطان=قايد دفاع المملكه للوطن عون
ونايف وزير الداخليّه وسلمان=وأحمد لاصار الوقت ماهوب مامون
لهم ولانا زاين الوقت وإن شان=طبعٍ لنا ماننتحي عنْه ونهون
وختامها لاهنت ياذرب الأيمان=شعرك يساوي له ثمانين مليون

منقول وأنتم سالمون وغانمون والسلام .

[أحمد السبيعي]

الله يعطيك العافية يا خيال الغلبا

مشاء الله عليك مسوي مجهود مذهل في المنتدى

وعساها دوم انشاء الله ومشكور على النقل والشكر موصول للشاعر راكان بن بدن

[خيَّال الغلباء]

أخي الكريم / أحمد السبيعي السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الشاعر الكبير / راكان بن بدن في الوقفة الطيبة مع أخيه شاعر الوطن والثقلين الكبير / ناصر بن محمد الفراعنة السبيعي صح لسانه وسلم نبضه وبنانه والله يعافيك ويبارك فيك ولا شكر على واجب مع أطيب الأمنيات واسلم وسلم والسلام .

[خالد الشماسي]

صح لسان الشاعر الكبير / راكان بن بدن



قصيدة رائعة كعادة هذا الشاعر المتميز



لا هنت يا خيال الغلباء

[غريب في أدنبره]

صح لسانك أخوي خيال الغلباء ولسان الشاعر راكان

وسلمت يمينك على النقل الرائع

[خيال العرفاء]

صح لسان الشاعر راكان بن بدن

ومشكور على النقل المميز

[خيَّال الغلباء]

أخي الكريم الأستاذ / خالد الشماسي السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الشاعر الكبير المميز / راكان بن بدن في الوقفة الطيبة مع أخيه شاعر الوطن والثقلين الكبير / ناصر بن محمد الفراعنة السبيعي صح لسانه وسلم نبضه وبنانه ومن قال ما هان والله يعافيك ويبارك فيك مع أطيب الأمنيات واسلم وسلم والسلام .

[خيَّال الغلباء]

المشاركة الأصلية كتبت بواسطة غريب في أدنبره

صح لسانك أخوي خيال الغلباء ولسان الشاعر راكان وسلمت يمينك على النقل الرائع

أخي الكريم / غريب السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الشاعر الكبير المميز / راكان بن بدن في الوقفة الطيبة مع أخيه شاعر الوطن والثقلين الكبير / ناصر بن محمد الفراعنة السبيعي صح لسانه وسلم نبضه وبنانه والأروع من النقل مرورك الكريم عليه والله يعافيك ويبارك فيك مع أطيب الأمنيات واسلم وسلم والسلام .

[خيَّال الغلباء]

المشاركة الأصلية كتبت بواسطة خيال العرفاء

صح لسان الشاعر راكان بن بدن ومشكور على النقل المميز

أخي الكريم / خيال العرفاء السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الشاعر الكبير المميز / راكان بن بدن في الوقفة الطيبة مع أخيه شاعر الوطن والثقلين الكبير / ناصر بن محمد الفراعنة السبيعي صح لسانه وسلم نبضه وبنانه والأشد تميزا من النقل مرورك الكريم عليه والله يعافيك ويبارك فيك مع أطيب الأمنيات واسلم وسلم والسلام .

[القريشي 503]

الله يعطيك العافية يا خيال الغلبا

مشاء الله عليك دايم مميز