على فالح كبيره شرهتي

[راس النـــــايف]

على فالح كبيره شرهتي ياكبرها كبراه = صميلي والصميلي طق عرقه واحترق دمه
لقى له خط في دربه لكن الخط مايقراه = ومن زود الحماقه والجهل كفر بني عمه

[أبوعبدالله]

صح لسانك يا راس النايف



ابو بندر اكيد المره هذي بيقراء خطك


متابع ومشجع

[فـــالح السبيعي]

المشاركة الأصلية كتبت بواسطة راس النـــــايف

على فالح كبيره شرهتي ياكبرها كبراه = صميلي والصميلي طق عرقه واحترق دمه
لقى له خط في دربه لكن الخط مايقراه = ومن زود الحماقه والجهل كفر بني عمه

تهرج ياعميلي شرهتك ياطيبها طيباه=وحنا ربعك اللي صيتنا في عالي القمه
علوم الناس واجد وأنت هرجك بان من مبداه=وأنا ماني بمفتي لأجل أكفر صفوة الأمه

[فـــالح السبيعي]

أبوعبدالله


حياك يالغالي أرحب


مع البرد هذا الله يعين مافيه قرايه

[أبو يزيد]

هلابووووووووووووووووووووي

اديلوا ياراس النايف

اديلووووووووووووو

بالهد بالهد

راس النايف صح لسسسسسسسسانك وقلبك ويديك وكيبوردك.


فالح

ياليلك الاسود برد واستلمك راس النايف وانا ماسكن الصف


ياعقوبتك يافالح خخخخخخخخخخخخ



الكبار والرائعين

فالح السبيعي وراس النايف


لكم لون وطعم آخر لايشبهكم الا انتم متابع,,,

[فـــالح السبيعي]

المشاركة الأصلية كتبت بواسطة أبو يزيد

فالح

ياليلك الاسود برد واستلمك راس النايف وانا ماسكن الصف


ياعقوبتك يافالح خخخخخخخخخخخخ

أيه الله يعين على البرد وراس النايف وصفه

المشكله أبي أنام بدري وهذا راعي طويله

تعرف بكره عندنا رحله للتزلج على الجليد

[راس النـــــايف]

الايازين قلبك ياعملي مير لاتملاه = هبوب النود تومي بك بلا راي وبلا يمه
على شان الرجال اهل العمايم والكرم والجاه = سمحنا يامزعل والده باسباب هرج امه

[راس النـــــايف]

ابو عبدالله

ابو يزيد

صحت ابدانكم وحضوركم شرفني

ابو بندر صح لسانك

وانا مسوي الطاروق مخصوص على شان حرارته تدفيك من البرد

[فـــالح السبيعي]

المشاركة الأصلية كتبت بواسطة راس النـــــايف

الايازين قلبك ياعملي مير لاتملاه = هبوب النود تومي بك بلا راي وبلا يمه
على شان الرجال اهل العمايم والكرم والجاه = سمحنا يامزعل والده باسباب هرج امه

سحابتنا تباهى للسحاب ليا تنثر ماه=ولا من سيلت وادي حنيفه رشت الرمه
أنا أحصل بياض الوجه وأسلم على يمناه=وسواد الوجه للي يزرعون القات والشمه

[فتى العزه]

على شان الرجال اهل العمايم والكرم والجاه=سمحنا يامزعل والده باسباب هـرج امـه

الليل الليل

صح لسانكم


ونا في صف راس النايف


مير ياعزتيلك ياابوبندر برد والشاعر راس النايف


واللي في صفه ابويزيد وفتى العزه

لاوالله اللي رحت فيها