هذا هو السبب الحقيقي لخروج بدر المليحي

[عطيب المضاريب]

هلا ومرحبا فيكم

اكيييد الكل زعلان ومعصب من خروج بدر من المسابقة

ولكن انا كنت متأقلم مع الوضع ومهيأ نفسي للخبر من مشاركة ناصر الفراعنه (( ناقتي يا ناقتي ))

فسياسة البرنامج تقتضي تأهل شاعر واحد من كل قبيلة لكي تضع كل قبيلة اعلى قواها في التصويت لمرشح واحد

وهذه السياسه هي اللي اخرجت مدغم ابو شيبة ونايف معلا من اول المسابقة

وبعدين بدر السبيعي باطلاله سريعه شوفو من معه بالمجموعه

عيضة السفياني // ممثل قبايل الحجاز الوحيد في البرنامج وكسب ود الجماهير الهلاليه بابياته الاخيره
خلف المشعان // ممثل قبيلة عنزه الوحيد في البرنامج وقام بالكثير من الزيارات لامراء عنزه لاجل الدعم
صالح آل مانعه // ممثل آل مره الوحيد في المسابقة وكانو يعولون عليه بالاحتفاظ بالبيرق


هذا الشئ هو اللي خلا اغلب الشباب يحفظ فلوسه ويجودها للمرحله القادمه في مشاركة ناصر الفراعنه
يمكن تختلفون معي في هذا التفكير ولكن هذا التفكير السائد عند اغلب الشباب
يقولون ليه نضيع فلوسنا في الهواء
ندعم ونصوت وبالاخير يطلع ممثلنا بسبب سياسة البرنامج


الوكاااااااد اني اراهن على وقفة قوية وجادة مع ناصر الفراعنه
وانتظرو تصويت يهز شاطئ الراحه هز


وفي الاخير ما اقول الا الله يبيض وجهك يا بدر على هالمشاركة المشرفه وعلى هالقصائد الجزله والمستقبل امامك




تحياتي

[خالد الشماسي]

فكرتك معقوله


لين وصلت عند ابن مانعه



ليش ما احتفظو به ؟


التصويت له قيمته يا عطيب المواضيع


و السبب ان الشباب الذين تكلمت عنهم وانهم احتفظوا بالرسائل للشاعر ناصر الفراعنه هم السبب



كن واقعيا .


سياسة البرنامج تدير ورقة العبور .. ولا تدير ورقة الجمهور


اظنه واضح

[عطيب المضاريب]

المشاركة الأصلية كتبت بواسطة خالد الشماسي

فكرتك معقوله
لين وصلت عند ابن مانعه
ليش ما احتفظو به ؟
التصويت له قيمته يا عطيب المواضيع
و السبب ان الشباب الذين تكلمت عنهم وانهم احتفظوا بالرسائل للشاعر ناصر الفراعنه هم السبب
كن واقعيا .
سياسة البرنامج تدير ورقة العبور .. ولا تدير ورقة الجمهور
اظنه واضح

هي ست مجموعات
وكل مجموعة يتاهل واحد
يعني بالاخير هناك ست شعار
كل شاعر يمثل قبيله
والقبايل المشاركة في البرنامج تتعدى ال 15 قبيله
فهم يحاولون يختارون الافضل بين ال 15 قبيله
ويكون من كل قبيله حاطين عينهم على واحد
يعني مثلا
سبيع / ناصر الفراعنه
مطير / هلال المطيري ويسقط جابر البطحي بالتصويت
عتيبه / يأهلون شاعر ويسقطون اثنين
تميم وقطر / يتاهل الشبرمي
بني خالد / بدر الخالدي
حرب / بدر الظاهري واسقطو الهاب الوسيدي

يعني من كل قبيله يحاولون يختارون الابرز ويسقطون الاخرين
وفي الاخير يخضع ممثلين القبايل لعملية تصويت نزيهه


هذا توقعي وتوقع اغلب المتابعين

[خالد الشماسي]

ليش تتهمهم ؟



لكن قل كل قبيلة تبرز واحد وتسقط الباقين




والنهاية ان شاء الله بيفوز أبو فارس بتصويت سبيع وغير سبيع




تحياتي لك

[ابن عجيان]

تحليل منطقي اخوي عطيب

والحمد لله على كل حال
بس النسبه ياخوي ماتجمل اذا رجعنا للجد
على الاقل الواحد يصوت ومايلوم نفسه حتى لو ما تأهل
والله اني صوت له هالمره أكثر من تصويتي له في المرحله السابقه
كله عشان ماياخذ نسبه أقل من الآخرين ولأني متوقع إن الحماس له بيكون اقل من المرحله الماضيه
والا التأهل ماتوقعت إنه بيتأهل خصوصاً أنه مع مجموعه ناريه لا من حيث تنظيمهم ولا من حيث درجات اللجنه اللي اشوف انها ظلمت فيها شاعرنا الفذ بدر بن سعد

عموماً عشمنا في أبو فارس وعسى البيرق فاله


أخوكم

[مترك ثواب]

المشاركة الأصلية كتبت بواسطة سلطان بن ناصر

تحليل منطقي اخوي عطيب

والحمد لله على كل حال
بس النسبه ياخوي ماتجمل اذا رجعنا للجد
على الاقل الواحد يصوت ومايلوم نفسه حتى لو ما تأهل
والله اني صوت له هالمره أكثر من تصويتي له في المرحله السابقه
كله عشان ماياخذ نسبه أقل من الآخرين ولأني متوقع إن الحماس له بيكون اقل من المرحله الماضيه
والا التأهل ماتوقعت إنه بيتأهل خصوصاً أنه مع مجموعه ناريه لا من حيث تنظيمهم ولا من حيث درجات اللجنه اللي اشوف انها ظلمت فيها شاعرنا الفذ بدر بن سعد

عموماً عشمنا في أبو فارس وعسى البيرق فاله


أخوكم

اخي ابوناصر بارك الله فيك انت مصدق النسب الي عرضوها انهاء صحيحه لوالله وماحديدني على الحلف

انهاء غير صحيحه كل قبائل سبيع صوتوا الي صوت برساله والي صوت برسالتين والي صوت بعشر

والى صوت بعشرين لين المئه رساله واربع ميه والف كيف يصير بدر الاقل نسبه هل يعقل

يعلم الله انهاء مخطط لها ومجهزه من قبلهم والبيرق معروف من له

مانقول الاانشاء الله يكون البيرق من نصيب شاعرنا الكبير / ناصر الفراعنه

[القريشي 503]

تابعو قناة الساحه بيجي فيها الامي الشمري وعنده كل التفاصيل عن البرنامج

[رآعي الأوله]

اللجنة ماتبي بدر لأسباب أبعد ماتكون عن الشعر

وكلامهم وأنتقاصهم لأقصائد بدر اللي هي الأفضل من قصائد منافسية كان واضح مغزاه


الصفوق يكرر ويقول: يابدر أنت في المستقبل بتكون نجم.(يعني أفهمها وفهموها ما نبيك اللحين)


الدكتور يقول: ذكرت يابدر أنك أحتفظت بالمعنى ووضحتة في الاخير!! وكأن القصيدة لم تتناول غرضين !!

وفي قصيدة الأبل يقول: وصفتها وكأننا مانعرف الأبل!!! مع أن بدر أفضل من وصف الأبل بشهادة السعيد


حمد السعيد: في قصيدة الأبل يقول يابدر أنت الأفضل وجاك يالمهنى ما تمنى..ولم يعقب!!(يعني مانبيك)


ومن هذي الردود وغيرها فهموا الناس لو تصوت الكورة الأرضية كلها لبدر ماراح تفوزة اللجنة.



ويبقى بدر شاعر فحل برغم من سنة وجمل نفسة وجمل قبيلتة ولكنة دخل في حسابات مع اللجنة كما ذكرت

أبعد ماتكون عن الشعر


وبرنامج شاعر المليون لن يواصل نجاحة في المواسم القادمة في أعتقادي لأن ريحتة طلعت في هذا الموسم


تحياتي لكم،،

[ابومحمد11]

التصويت غير نزيه وسلامتكم درجتين بسسسسسسسسسسس؟؟؟؟؟؟؟؟؟؟؟؟؟؟