ترى السماحة ترفع الـقدر والجاه

[سعود المسعودي]

يا مـحـصي(ن ) ما كان دِقـه وجـلــه =ياعـالمٍ غــيب الـوجـود وخـفــاياه
ارجـيـك ياللـي كـل عـقـدٍ تحـلـه=يالواحد اللي ماانـخذل مـن ترجاه
عفوك وظلك يـوم قظف الاظـله=في سـاعــةٍ فــيها يسـاره ويمـنـاه
كـلٍ يحـصل مـاكِـتب في سجـله=امــا شــقي والا سـعــيدٍ بـما جـاه
هــذا و يـاللـي كـل طـرقٍ تـدلـه =مادمت شاعر يحفظ الشـعر مبداه
وترى الدعـا والمـهزلة والـمذله=ماتستوي لك وانت تدري بـمـعناه
وان جاك والا شفت خمله وزله=ترى السماحة ترفع الـقدر والجاه
ولاتدعي الا بـخير والشـر خـله=والصـبر مفـتاح الفرج فـي ثناياه
هــذا وانـا مـــالي بـدقـه وجــلـه=يعني ترى مالي مصالح ومقضاه
لا والـــذي دار الفــلك والاهـلـه=الـواحـد اللـي دايـم الـعـبد يخـشاه
سوى النصيحة مانبي شيء لـله=والـعفو منكم يااهل الـطيب نبـغاه

اخوكم الشاعر سعود المسعودي

[خيَّال الغلباء]

أخي الكريم الشاعر / سعود المسعودي بعد السلام صح لسانك وسلم نبضك وبنانك وإعتلا شانك على هالرائعة والله يحفظكم ويرعاكم مع خالص التحية وأطيب الأمنيات واسلم وسلم والسلام .

[سعود المسعودي]

المشاركة الأصلية كتبت بواسطة خيَّال الغلباء

أخي الكريم الشاعر / سعود المسعودي بعد السلام صح لسانك وسلم نبضك وبنانك وإعتلا شانك على هالرائعة والله يحفظكم ويرعاكم مع خالص التحية وأطيب الأمنيات واسلم وسلم والسلام .

إشادتك وسام أعتز به وحضورك شرف لمتصفحي

أنا سعيدٌ جداً بهذا التواصل

سرني مرورك وعبق حضورك